سهرالليالي
منتدى سهرالليالى ♥♥ .... أحلى منتدى
مرحبا بك ....عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائها اهلا بك فى اسره منتدى ......... 🌺 سهرالليالى
احلامنا البسيطه لازم تجرى فى دمنا علشان نقدرنعيش ونحقق حلمنا♥♥.
المواضيع الأخيرة
أفضل 10 أعضاء في هذا المنتدى
2020 المساهمات
1324 المساهمات
1202 المساهمات
1078 المساهمات
1007 المساهمات
848 المساهمات
839 المساهمات
836 المساهمات
725 المساهمات
639 المساهمات
المتواجدون الآن ؟
ككل هناك 3 عُضو متصل حالياً :: 0 عضو مُسجل, 0 عُضو مُختفي و 3 زائر

لا أحد

مُعاينة اللائحة بأكملها


شاطر
اذهب الى الأسفل
avatar
نور
سوبر
سوبر
انثى
عدد الرسائل : 368
تقييم : 0
تاريخ التسجيل : 22/02/2009

زحمة يا دنيا

في الأحد مارس 08, 2009 5:28 pm
اذيكم انا نور عادل جديدة هنا في المنتدى واتمني منكم انكم تقبلوني صديقة ليكم ويكون ليا كل الشرف اني اتعرف عليكم كلكم

طلب مني اني اكون ضيفة عليكم هنا في يوم من حياتي وكم اسعدني هذا الطلب ويارب اكون ضيفة خفيفة عليكم

وقبل ما اقولكم يوم في حياتي لازم ابدى اعجابي بالفكرة

يلا بقي كل واحد يمسك ايد التاني علشان الدنيا زحمة جوة اوى ومش عاوزة حد منكم يتوة مني جوة هيضيع ومش هعرف الاقية

صلو علي النبي انا كل يوم في حياتي بيختلف عن اليوم الا قبلة وعن اليوم الا بعدة حياتي زحمة اوى وساعات بحس انها فاضية اوى

مليان ناس من اول بيتنا لحد كل واحد او واحدة بقابلهم في حياتي مشكلتي يا ناس واقر واعترف بيني وبينكم انها مشكلة تعباني اني مش بحب اسيب حاجة تعدى كدة

كل مكان ادخلة لازم يكون ليا فية احس اني موجودة مش بحب السلبية واحب اسمع اوى للناس وبيني وبينكم ساعات ودني بتوجعني كل يوم اصحي من النوم ومن اول ما اصحي

تبدا الحوارت في البيت وكلام من الا انتو طبعا عارفينو من الكلام علي المذاكرة والكلية وحالي الا مش عاجب الست الوالدة والا هاتشكيني لبويا ومن شغل البيت الا انا مقصرة فية ومش بساعدها

مع اني والله بساعدة بس هي كدة شكلها بترسم علي مساعدة اكبر وبعدين انزل وندخل في حوارات تانية من موصلات ومعاكسات وطبعا دية حاجات كلكم مجربنها زى بالظبط وربنا ينفخ في صورتي

واوصل للكلية وندخل في حوارات جديدة محاضرات وكلام بنات وولاد بترسم وتعيش الدور ومش عارفة مين سيب مين ومين بتحب مين وتطلع في دماغنا جنونة ونقول لبعض يلا ننزل وسط البلد

ناكل برة ونخرج شوية وهنا بقي حوارات تانية خالص طول مانا ماشية اشوف واتفرج علي الدنيا واحوالها وارجع البيت همدانة ومصدعة الاقي البيت مليان عيال مين دول يا ستي انا عارفهم بس بستعبط

عيال اختي علي عيال الجيران بيلعبو ربنا يخلي ودول حوارتهم مش بتخلص خالتو هاتي فلوس نشترى حاجة حلوة ومش عيال اختي بس لا انا ديمقراطية عيال البيت كلة علشان كدة بفكر اني اشوف شغل

علشان اكفي المصاريف الا ورايا دية واقرر اكون ست بيت وادخل المطبخ ومقدرش اقولكم علي حوارات المطبخ ويجي معياد اهم حوار في اليوم كلة حوار اوضتي ادخلها علشان اكون بقي مع نفسي

بس مش بلحق لسة يادوب هستريح الاقي الموبيل بيرن خير يارب الاقي صاحبتي انتي يا بيت انا مش لسة سيباكي اية الا حصل تمسك ودني ومش تسيبها الا لما اقولها خلاص ارحميني واخر ما ازهق


ا اقفل الموبيل ونام وطبعا معرفش انام اقوم افضل قاعدة كدة لحد ما يطلع الصبح وادخل انام كام ساعة علشان اقوم وادخل في يوم جديد ربنا يستر
avatar
محمد السحرى
سوبر
سوبر
اوسمه :
ذكر
عدد الرسائل : 1202
تاريخ الميلاد : 18/10/1981
العمر : 37
الموقع : sahr2009.yoo7.com
المزاج : احبكم
تقييم : 225
تاريخ التسجيل : 22/12/2008

رد: زحمة يا دنيا

في الأحد مارس 22, 2009 11:00 pm
نور نورتى منتدى سهر الليالى وعلى الاقل ضمنا ان احنا مش ها نحتاج نجيب حاجه تنور المنتدى اهو النور جانا لحد عندنا
وحقيقى يومك جميل يا نور ويبختك على ان كل يوم ليكى مختلف عن الى قبله وربنا يخلى عيال اختك
وسيبك من حورات المطبخ وركزى فى الطبيخ احسن يشيط وتبق شغلانة ويريت تقفلى الموبيل علشان وجع الدماغ
تقبلى مرورى بس من غير دوشه وبود

_________________
الى من يقراء كلماتى قد تعجبك او لا تعجبك لكن اعرف انك تقرانى انا فاانا ما بين السطور انا النقاط فوق الحروف فلا تضع كلماتى  على نحو او صرف او وزن بيت او قفيت شعر فاانا لا اكتب الا احساسى
avatar
زلعى
سوبر
سوبر
ذكر
عدد الرسائل : 90
تقييم : 0
تاريخ التسجيل : 18/11/2009

رد: زحمة يا دنيا

في الخميس نوفمبر 26, 2009 11:32 pm
الحياة مليئة بالأخطاء، ويلزمك الكثير من الأشياء كي تتجنب هذه الأخطاء، ويكون كل شيء كاملاً ولكي تحتفظ بشعورك بالاتزان فيجب أن تعطي نفسك قدرًا من الراحة، وأن تدرك أن عدم الكمال هو الواقع والتركيز على الأشياء الصحيحة يزيد من متعة الحياة، ويجعلك أقل حدة ويهون عليك الأمور، ويساعدك على الشعور بالراحة النفسية بينما التركيز على الأخطاء يجعلك تهتم بأتفه الأمور ويذكرك بالمشاكل والمعوقات والعقبات ويجعلك تشعر بالضيق، ويؤدي بك إلى انتقاد الآخرين، وأن تكون شديد الحساسية لكل ما هو حولك

يبقى ان تعرف مميزاتك
avatar
emy
سوبر
سوبر
اوسمه :
انثى
عدد الرسائل : 836
تاريخ الميلاد : 21/10/1986
العمر : 32
العمل/الترفيه : \'طالبه جامعيه
المزاج : روشه
تقييم : 34
تاريخ التسجيل : 25/11/2008

رد: زحمة يا دنيا

في الجمعة نوفمبر 27, 2009 1:11 am
اولا اهلا بيك في منتداك سهرالليالي
ثانيا كل سنه وانت طيب
ثالثا بدايه موفقه وموضوع جميل ومفيد جدا
avatar
ساره
سوبر
سوبر
اوسمه :
انثى
عدد الرسائل : 1078
تاريخ الميلاد : 26/10/1987
العمر : 31
العمل/الترفيه : طالبه
المزاج : 100
تقييم : 101
تاريخ التسجيل : 24/10/2008

رد: زحمة يا دنيا

في الجمعة نوفمبر 27, 2009 5:27 am
[size=29]كل سنه وانتم طيبين ودايما نتواصل ونتناقش
اهلا بيك زلعى
اتمنى اشوف لك اراء كتير وموضوعات اكتر[/size]
avatar
هانيا
مشرف
مشرف
انثى
عدد الرسائل : 554
تاريخ الميلاد : 11/11/1987
العمر : 31
العمل/الترفيه : طالبه
المزاج : حلوووووووووووووووووو
تقييم : 58
تاريخ التسجيل : 29/11/2008

رد: زحمة يا دنيا

في الجمعة نوفمبر 27, 2009 5:32 am
[size=29] اهلا بالعضو الجديد نورت منتدانا
اتمنى اننا نتعرف ونتواصل
كل سنه وانتم طيبين[/size]

<table cellSpacing=0 cellPadding=0 width="100%" border=0><tr><td colSpan=2>
الحياة مليئة بالأخطاء، ويلزمك الكثير من الأشياء كي تتجنب هذه الأخطاء، ويكون كل شيء كاملاً ولكي تحتفظ بشعورك بالاتزان فيجب أن تعطي نفسك قدرًا من الراحة، وأن تدرك أن عدم الكمال هو الواقع والتركيز على الأشياء الصحيحة يزيد من متعة الحياة، ويجعلك أقل حدة ويهون عليك الأمور، ويساعدك على الشعور بالراحة النفسية بينما التركيز على الأخطاء يجعلك تهتم بأتفه الأمور ويذكرك بالمشاكل والمعوقات والعقبات ويجعلك تشعر بالضيق، ويؤدي بك إلى انتقاد الآخرين، وأن تكون شديد الحساسية لكل ما هو حولك

يبقى ان تعرف مميزاتك


</TD></TR></TABLE>
<table cellSpacing=0 cellPadding=0 border=0><tr><td vAlign=center> </TD></TR></TABLE>
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى