سهرالليالي
منتدى سهرالليالى ♥♥ .... أحلى منتدى
مرحبا بك ....عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائها اهلا بك فى اسره منتدى ......... 🌺 سهرالليالى
احلامنا البسيطه لازم تجرى فى دمنا علشان نقدرنعيش ونحقق حلمنا♥♥.
المواضيع الأخيرة
أفضل 10 أعضاء في هذا المنتدى
1967 المساهمات
1279 المساهمات
1144 المساهمات
1027 المساهمات
978 المساهمات
839 المساهمات
824 المساهمات
794 المساهمات
715 المساهمات
639 المساهمات
المتواجدون الآن ؟
ككل هناك 5 عُضو متصل حالياً :: 0 عضو مُسجل, 0 عُضو مُختفي و 5 زائر

لا أحد

مُعاينة اللائحة بأكملها


شاطر
استعرض الموضوع السابقاذهب الى الأسفلاستعرض الموضوع التالي
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

قناة سهر الليالى ( 3 )

في الإثنين مارس 30, 2009 4:56 pm
سهر الليالى تلى شووووب
ادهم : مشاهدينا الكرام ... مرحبتين وسلامتين واربع عافيات..
الدكاتره الكبير العلامه ادهم باشا الرايق ...لو انت قاعد على مدرجات الدرجه الاولى هتشوفنى على ايدك اليمين ولو قاعد على مدرجات الدرجه التالته هتشوفنى على ايدك اليمين برضه ولو قاعد قصاد التليفزيون هتشوف المخرج
اعزائى المشاهدين .. يسعدنا ان نكدم لكم برنامجنا الاسبوعى ..كنوظ الشعر العربى ... وفى حلكه انهارده يسعدنا ان نتعرف على مراحل اندماج الشعر العربى بمكنوناته العربيه والعالميه فى سياك اللغه الحديثه بفروع المعرفه وتطورها المختلف ..ويسعدنا ان يكون ضيفنا لحلكه اليوم ... الشاعر الكبير حماده حلك حوش
ازيك يا حماده عامل ايه يا راجل ؟؟؟
حلق حوش :- ازيك انتى ياعم ادهم يا رايق
ادهم:- قولى يا حماده اخر اخبار جوازتك الاخيره يا نمس ؟
حلق حوش :- اهو يا عم ادهم اتنيلت بنيله زى كل مره .. انا عارف انها عين الحسود
ادهم :-نو نو نو ..انا عارف ان انت اساسا نحس ..المهم بقى يا سيدى عايزين نعرف منك ايه رأيك فى الشعر الاندماجى بمكنوناته العربيه والعالميه
حلق حوش :- يا عم خلى البسات احمدى وكلمنى كلام افهمه اندماجى مين ومكنوناته مين ؟؟؟ انا مش فاهم منك اى حاجه وبصراحه احنا مش اتفقنا على كده
ادهم :- اتفقنا مين يا حمار ..شيل الجمله دى يا مخرج بلاش فضايح
المخرج :- احنا على الهواء يا ادهم
ادهم :- هواء هواء ميهمش ..طيب ايه رايك فى اشعار الشاعر الكبير نجيب محفوظ
حلق حوش :- يا سلام يا عم عبده جيت على الجرح ..انا كل ما افتكر كلام الشاعر نجيب محفوظ وهو بيقول ..لو لم اكن مصري لحبيت اكون مصرى .. احس فعلا بجمال الشعر
الرايق :- طيب ايه رأيك فى شعر عنتره ابن شداد
حلق حوش :- عنتر ده فارس مش شاعر يا عم عبده
ادهم :-انا برضه كنت بقول كده ..عنتره ده بتاع شيبوب وعنتر حى عنتر حى .. معلش يا حماده المعد بتاع البرنامج باين عليه ساقط ابتدائى .. طيب عايزين نعرف منك .. ايه هى كنوز الشعر العربى
حلق حوش :- شوف يا عم عبده ..الشعر العربى ينقسم الى قسمين ..القسم الاول قسم الكسور ..وده لعلاج المصابين بالكسره والفتحه والضمه ...والقسم التانى قسم الكلى وده مخصوص لجمع كل الشعراء فى كلى واحده
ادهم :- طيب ممكن نسمع منك حاجه من تأليفك
حلق حوش :- طبعا ممكن ... اسمع يا سيدى
أأنا أم أنا أو انا .... فأننى انا انا انا
أهو ام هو أو هو ... فأنه هو هو هو
أهى ام هى أو هى ... فأنها هى هى هى
أنحن أم نحن أو نحن .. فنحن نحن نحن نحن
ان كان حمدان او عباس او صلاح او مصطفى
وان كان سعيد او عمار او خالد او زكريا
او كان عبد الرحمن او اسماعيل او شوقى
فان خالد هو خالد ومصطفى هو مصطفى
ادهم :- قوم ياله من هنا الله يخرب بيتك وبيت اهلك ...ايه اللى بتقوله ده ؟؟؟
حلق حوش :- ده شعر حديث يا ادهم انت قديم ولا ايه ؟؟
ادهم :- شعر مين وبتاع مين ياض يا جربان ..احنا داخلين انتخابات تقولى خالد ومصطفى ومش عارف مين؟؟؟؟ .. انا اصلا اللى غلطان ..هو انا اصلا فاهم يعنى ايه مكنوناته ؟
حلق حوش :- بلاها ياعم شغل معاك ..اروح اتنيل اشتغل ورا البنا اللى كنت شغال وراه ولا الحوجه ليكم
ادهم :- غور يلا فى ستين داهيه ... وانت يا مخرج شغل لنا اغنيه بلادى بلادى
*****************
سنعود بعد قليل
***********************
سهر الليالى تلى شوب ترحب بكم ..انهارده بنقدم لكم مفاجأه المفاجأت .. هنخلصكم من الحشرات المنزليه من غير مبيدات عزيزى المشاهدين ..كلنا عارفين ان المبيدات الحشريه بتسبب الضرر لاطفالنا الصغيرين ..علشان كده احنا جيبنا ليكم مفاجأتنامنتدى سهر الليالى للتخلص من الحشرات المنزليه ..مجموعتنا عباره عن ..3 فرد شبشب حمام الوان معتبره ومقاسات مختلفه ..الشبشب الصغير ده للصراصير الصغيره ..والشبشب الوسط للصراصير الوسط ..والشبشب الكبير لامهات الصراصير ..مش بس كده لا سهر الليالى تلى شوب بتقدم .. مسدس خرز للحشرات الطائره وعليه 6 اكياس خرز هديه استنوا لسه مجموعتنا منتهتش .. بنقدم كمان مصيده استانلس للفيران كل ده بسعر محصلشى فقط 2499 جنيه زائد مصاريف الحشن
فقط اتصل على 03000333 زيرو تلتميه زيرو تلات تلاتات
********
عدنا
********************
فرنسا هانم تحييكم وتقدم لكم نشره اخبار الخامسه و17 دقيقه
توجيه مذكره توقيف للرئيس السودانى البشير من المحكمه الدوليه
ومعنا من الخرطوم مراسل الضاحكون الاخباريه عمرو سويلم
عمرو ايه اخر التطورات عندك ؟؟؟
عمرو :- اهلا ست فرنسا ..خير انشا الله انتى تؤمرى
فرنسا هانم :- اصحى معايا يا عمرو احنا على الهواء ..ايه اخر تطورات توقيف الرئيس السودانى
عمرو :- ثوانى بس يا ست الكل البس هدومى لحسن انا كنت فى الحمام باخد دش
فرنسا هانم :- حمام مين الله يكسفك يا بعيد احنا على الهواء ...منك لله يا ادهم مشغل معانا شويه مراسليين عربجيه
عمرو :- ليه بس الغلط ده يا ست فرنسا ...احنا بقالنا شهور شغالين معاكم مخدناش ولا مليم احمر ...وعلى كلا استنى ياست الكل ..ادى جرنال قدامى اهو .. سودانى ..سودانى ..سودانى ... بس يا ست الكل .. ادى خبراهو عن السودانى
قامت شرطه بولاق الدكرور بمصادره 2 اردب فول سودانى لعدم مطابقته للمعاير الصحيه وسؤ تخزينه
كان معكم مراسل قناه سهر الليالى الاخباريه
عمرو سويلم من امام الحمام
فرنسا هانم :- شكرا يا عمرو ... الله يخرب بيتك وبيت اهلك يابعيد ... هذا وقد علمت قناه سهر الليالى الاخباريه ..ان سعر الحديد انخفض لاقل مستوياته وقناه سهر الليالى رصدت فرحه الشارع المصرى بهبوط سعر الحديد فى التقرير التالى
مواطن :- حديد مين وزفت مين طيب ما يرخصوا العيش والسلع الغذائيه ..اوعى يا عم من وشى بلا قرف
مواطن تانى :- رخصوا الحديد وغلوا الاسمنت يا قلبى لا تحزن اعوذ بالله منكم ومن بلاوييكم
مواطن تالت :- الحمد لله يا بنى على كل حال ..انا بجد زعلان ومهموم انهم رخصوا الحديد .. انا كل ما كنت افتكر انى فقير دقه وعلى الحديده وافتكر ان الحديد غالى كنت بحس بأمان ..دلوقتى حتى الحديده رخصوها .....عااااااااااااااا
فرنسا هانم :- طيب يا مخرج والنبى لما اخلص النشره والنبى لاجى ااضربك بالشلوت ..ده تقرير فيه فرح يابن المفتريه ؟؟؟
الى هنا سيداتى انساتى نصل بكم الى نهايه نشرتنا الاخباريه لهذا اليوم
كانت معكم فرنسا هانم
سنعود بعد قليل
********************
موس حلاقه قرن الغزال ... تحلق بيه وتكيد العزال
مع موس الحلاقه تمشى فى الشارع وانت مطمئن
مع موس الحلاقه الجديد .. البشله شىء مش مستحيل
مع الامواس هديه قيمه فهرست باسماء جميع المحاميين على مستوى الجمهوريه
يعنى هتشيل الموس
وهتشيل من دماغك البوليس كمان
اتصل على رقم 03000333 ومش هتندم ابدا
*******
عدنا
********
صبرنى يارب والان موعدنا مع برنامج فضفض عشان تنفض
صبرني يارب :مساء ا لخير مستمعينا الحلوين التعمين و ... مع برنامجكم المفدل فدفد عشان تنفد
الحكيكه وصل لاميل البرنامج اميلات كتير اوي اوي والواحد مش ملاحق يقراهم اصلا بس انا اخترتلكم شوية اميلات كده هناخد منهم المهم والباقي ننفدله هههههههههههههههههههه
هاناخد الاول تليفون :
الو مين معايا ....ايوه
...... : الو انا تيتو من مصر 20 سنه ...الاول انا عايزه اشكرك على البرنامج الفزييييييع ده والى لولاه كنا طقينا من الكبت
صبرني يارب :العفو يا تيتو افتكر الجمايل بقى هاهاهاها ....ها ايه هى فدفدتك بقى
تيتو :والله يا مدام سبرني ....
صبرني يارب :ايه يا تيتو هاعورك .....كده انسه من فدلك
تيتو :اسف اوي يا انسه سبسب ..... انا كنت باحب واحده اوي اوي لدرجة ان كنت مستعد اموت نفسي عشانها
صبرني يارب :اه وبعدين انجز مش فاضييييييين قصدي يعنى عشان وقت البرنامج سوغير
تيتو : حادر ....المهم دلوقتي اهلي مش راضيين ابدا انى اتجوزها وعرضت عليها اننا نتجوز ونحتهم امام الامر الواكع بس هى رفدت
وقالتلى يا توتي انا مش ممكن اكون سبب فى فراق بينك وبين اهلك ابدا .... اهيء اهيء اهيء اصلها ملااااااااااااك
ما عادش في منها الايام دي .
صبرني يارب : يا حرااااام بس بس كفايه قتعت قلبي ...تيب وليه اهلك مش موافقين عليها يا تيتو ؟؟؟؟
تيتو : مش عارف كلها اسباب هايفه اوي ...قال ايه عشان اكبر مني بعشر سنين بس ومطلقه وعندها 3 عيال
وانا قلتلهم ما تفرقش معايا الحاجات دي المهم الحب وانا باحبها اوي اوي لدرجة انى لو مش اتجوزتها هاموت نفسي واحتمال اموتها واموتك انتى كمان
صبرني يارب :ايه ده ايه ده لا لا يا تيتو هدي نفسك يا بابا مش كده .... بس يا حرااااااااام قعتعت قلبي فعلا يا تيتو .لا بس انت ما دام بتحبها مش مهم اي حاجه ... واهلك الى ما عندهمش رحمه دول انت لازم تقف لهم وتدافع عن حبك التاااااهر الجميل ده .
ومن موكعي دهوان باناشد كل اب وام انهم ما يقفوش فى تريك اولادهم ويسيبوهم يتجوزوا الى بيحبوهم ويصرفوا عليهم كمان عشان الحب ده حاجه نايس اوي وكول اوي ومش كل يوم الواحد بيقابل حب حكيكى
وباتاسف للخمستاشر اتصال الى على الهولد وللسبعوميت اميل الي نفضنالهم كلهم النهارده عشان تيتو كان رغاي اوي وقتع قلبي وخد كل وقت البرنامج

والى اللكاء فى الحلقه القادمه مع برنامج فدفد عشان تنفد

************************************************************
والان مع برنامج عالم الحيوان
ايه اكتر حيوان اهلاوي؟
الجمل
ليه؟
عشان بيركبوه بتوع حرس الحدود

طب ايه اكتر حيوان زملكاوي؟
الحمار
ليه؟
عشان الحيوان الوحيد اللي بيضرب فبني عبيد

طب ايه اكتر حيوان اسماعلاوي؟
الجمل لما الزمالك يلاعب الاسماعيلي والحمار لما الاهلي يلاعب الاسماعيلي

طب ايه اكتر حيوان بيشجع برشلونة؟
الحمار والجمل لما يركبو وصلة دش

طب ايه هو اغبى حيوان؟
الحمار اللي يفضل حمار

طب اكتر حيوان ينفع يلعب مع نادي الزمالك؟
الفرخة
طب ليه؟
عشان بتبيض وبتعرف ترقد ع البيض واصلها بيضة

طب اكتر حيوان ينفع يمسك اتحاد الكورة؟
الحداية
طب ليه؟
عشان الصقر بيعد فلوسة


اعتذار لكل الجماهير المتعصبة لاي فريق
ولا هدف من هذا الكلام سوى الهزار

************************************************************
والان مع اولى حلقات المسلسل الاجتماعى (عفاف والنت) من اعداد زميلنا فى المنتدى الحريف نشكرة على المشاركة


تركت عفاف الكمبيوتر التى تقضى عليه معظم وقتها فجأة وصرخت بصوت عالى

مااااما 0000يا مااااااااااااااااااماااااااااااااااا

الأم:إيه يابت بالراحة إخواتك نايمين

عفاف:معلشى يا ماما أصلى فرحانة 0000000فرحانة قوى

الأم: خير يا بنتى 000فرحينى ربنا يفرح قلبى

عفاف: عريس يا ماما عريس

الأم(فرحة): يا ألف نهار أبيض000يا ألف نهار مبروك

لولولولولولولولولولولولولولوى



وبعد دقيقتين أحضان وقبلات تذكرت الأم

الأم: ألا قوليلى يابت 00000عريس مين دة الى هيتقدملك 00وماقلتليش من ساعة ما جيتى من الجامعة ليه؟

عفاف:لأنى لسة عارفة دلوقتى حالا يا ماما

الأم(بإستغراب): عرفة دلوقتى حالا؟!!!! عارفة منين يابت دة انتى لسة قايمة من قدام الكبورر

عفاف(ضاحكة): كبورر إيه بس يا ست الكل00000اسمه كمبيوتر

الأم:مش مهم!000المهم عرفتى ازاى ؟ 0000ومين أصلا العريس دة000يعنى جاى منين؟

عفاف:من النت يا ماما

ظلت الأم المسكينة تنظر لابنتها فى بلاهة وهى تراجع كل ما تعرفه من كلمات ولم تجد لكلمة النت أثر بينها

فسألت عفاف

الأم: النت ؟!!0000ودى تبقى فين دى يا بت؟
عفاف: فين ازاى يا ماما؟
الأم: يعنى فينها من الوايلى الى احنا فيها؟

تركبيلها مترو ولا اتوبيس ولا تأخديها تاكسى 0000اوعى يابت يكونوا بيروحولها بالقطر؟

عفاف(ضاحكة): إيه يا ماما الى انت بتقوليه دة؟! مترو إيه وقطر إيه؟! 00000دة النت

الأم: أيوة يا بنتى عرفنا انه الزفت!!!! بس دة موقعه فى أنى بلد بالضبط؟

عفاف:فى كل البلاد يا ماما

الأم: انتى اتهبلتى يا بت؟!000000يعنى إيه فى كل البلاد؟

عفاف: يا ماما 000النت دة عبارة عن كمبيوتارات كتير حولين العالم وفيه معلومات كتير قوى عن حاجات ياما

الأم:معلومات ايه يبت انتى 000هو انتى هتتجوزى دايرة المعارف؟

عفاف:المهم يا ماما ان فى واحد متقدملى عن طريق النت

الأم: ودة اتقدم ازاى يعنى؟

عفاف: بعتلى إيميل

الأم(فى ذهول): إيميل؟! 0000بعتلك إيميل جارنا المسيحى؟

وإزاى يا بت تقبلى تتكلمى مع الى اسمه إيميل دة0000وهو مين عشان الزفت بتاعك دة يبعته لينا


عفاف(فى سرها) طب أفهمها إزاى دى بقى؟

عفاف:يا ماما اهدى 0000إيميل جارنا مين بس

الأم: مش انتى الى بتقولى يابت

عفاف:إيميل يعنى جواب 000بس عالنت

الأم: برضه هتقولى عالزفت! يابنتى أنا مش فاهمة البتاع الى بتتكلمى عليه دة

عفاف:النت دة ياماما حاجة فى الكمبيوتر 000ممكن نبعت فيها رسائل لناس برة ونستقبل منهم رسائل برضه
دة غير حاجات كتير

الأم:أنا ماليش فى الكلام دة!0000الى عاوزة أعرفه هو مين ومعاه شهادة ولا لأ؟ وأصله إيه وفصله إيه؟

عفاف:هو اسمه حاتم! وطاالب فى هندسة حاسبات و0000

قاطعتها الأم

طالب؟

عفاف: أيوة ياماما بس فى آخر سنة
الأم:بصى أنا ماليش دعوة أنا هتصل بأبوكِ وهو يتصرف

اتصلى بيه انتى عالموبايل وأنا أكلمه00000زمانه عالقهوة

وفى قهوة المعلم حسنين رن الموبايل بتاع عم حلاوة العنتبلى الجزار

حلاوة العنتبلى(بصوت خشن): أيوة000مين؟

الأم: أنا يا معلم

العنتبلى: عاوزة إيه يا ولية؟

الأم: تعالى يا خويا شوف بنتك جايلها عريس من النت

العنتبلى: بتقولى منين ؟

الأم: من النت يا حاج

العنتبلى: يعنى إيه ؟! فهمينى

الأم: ياخويا لما أفهم أنا أبقى أفهمك!000تعالى اسألها بنفسك

العنتبلى: ماشى000هخلص دور الطاولة دة وآجى على طول

ثم أغلق الموبايل وأخذ يكلم نفسه

نت!000دة يطلع إيه دة كمان؟! 00تكونشى الولية مراتى اتهبلت؟

بس هى ناقصة هبل ؟ ماهى مهبولة من يومها

مالك يا معلم حلاوة ؟!00000انت بتكلم نفسك ولا إيه؟

سأله صاحبه الذى يلاعبه الطاولة هذا السؤال فانتبه المعلم حلاوة وقال

العنتبلى: قولى يا زينهم000بما إنك متعلم ومتنور ومعاك تالتة إبتدائى!!! 0000يطلع إيه النت دة؟


طبعا المعلم زينهم اترسم بقى وأخذ وضع فخر وعزة وهو يجيب

وإنت إيش عرفك بالأشكال دى يا معلم؟

العنتبلى: أهو عرفت وخلاص

زينهم: والله يا معلم حلاوة أنا سمعت مرة البت بنت أخت عمة جار خالتى! بتقول انها شافت عالنت صور لمذابح بتحصل فى العراق

العنتبلى: آآآآآآه0000يعنى زى تليفزيون كدة يعنى

زينهم: لا يا معلم مش زى التليفزيون0000وإنما تقدر تقول عليه جرايد بس بتتشاف عالكمبيوتر

العنتبلى: يا دين النبى! معقولة ياد الجرنال يدخل عالشاشة الصغيرة دى؟! طب بيدخلوه إزاى؟

زينهم(عامل فيها فكيك بقى!): مش فى فتحات ورا فى الشاشة يا معلم؟!000أكيد بيدخلوا الجرنال منها

العنتبلى:أكيد الناس دى فاضية وموراهاش أى حاجة تعملها

زينهم: هو كدة بالضبط يا معلم!0000بس ليه دة كله؟

العنتبلى: أصل الولية مراتى بتقولى بنتك جايلها عريس من النت

زينهم: ألف مبروك يا معلم00000أكيد تقصد ان متقدملها صحفى

العنتبلى(مبسوط): بجد ياد يا زينهم؟

زينهم: طبعا يا معلم 0000ماهو زى ما قلتلك النت عبارة عن جرايد عالكمبيوتر يبقى قصدها ان واحد جرنالجى اتقدملها!

مبروووك يا معلم

كدة ممكن تعمل دعاية للمحل بتاعك فى الجرنال! وتطلع صورك انت والعجل فى صفحة الحوادث

العنتبلى: طب العب يا وش السعد العب

رمى زينهم الزهر ثم صرخ

دش!!!0000راحت عليك يا معلمى


يتبع000000000البقية
***********************************************************

والان مع اولى حلقات المفتش كرومبو من اعداد منى

النهاردة حصلت حاجة غريبه

الأخ محمد السحرى كان رايح يجيب كيلو لبن وبرتقال و لما وصل علي باب العمارة أفتكر انه ماجبش اللبن فساب البرتقال علي باب العمارة وراح يجيب اللبن

و لما رجع مالقاش البرتقال و طبعا كان شاكك في واحد من التلاته اللي كانوا واقفين ادام العمارة ساعتها
الحريف اللي كان واقف يقرا الجرنان
ادهم الرومانسى اللي كانت واقف بتتكلم في الموبايل
نور اللي كانت واقفه بتشرب عصير قصب

و لما سألنا التلاته قالوا

الحريف انا كنت واقف بقرا الجرنان كنت عايز اعرف اسعار الدهب النهارده كام و ماشفتش حاجه خالص

ادهم الرومانسى انا كنت واقف بتكلم في الموبايل من الصبح و بعدين 2 كيلو برتقال ايه ده اللي انا هبصله و كمان برتقال بصره لا انا ماشفتش حاجه

نور انا واقفه بشرب عصير قصب حتي لسه ماخلصتوش تشرب حبه

الأخ محمد السحرى ماعرفش مين اللي سرق بس انا عرفت لو انت كمان عرفت

اتصل علي
تلات اصفار صفرين صفر

و ابقوا قابلوني في الحلقة الجاية

مع تحيات المفتش

كرومبووووووووووو


واتمنى من الكل يحاول يحلى المسابقة واللى يحلها عندى لية جايزة حلوة اوى


والى اللكاء مع يوم اخر من ايام سهر الليالى
بس ربنا يبعد عننا المحاكم
قولوا يارب


عدل سابقا من قبل adhamromancy في الثلاثاء مارس 31, 2009 8:16 am عدل 2 مرات
avatar
الحريف
سوبر
سوبر
اوسمه :
ذكر
عدد الرسائل : 594
العمل/الترفيه : الانترنت و شغلى
المزاج : حاليا عال العال
تقييم : 5
تاريخ التسجيل : 25/08/2008
http://www.sahr2009.yoo7.com

رد: قناة سهر الليالى ( 3 )

في الإثنين مارس 30, 2009 6:23 pm
ايه الجمال ده ياعم ادهم

مبروك

القناة مش سايبة موضوع الا مانقشته

فعلا قناة عريقة وجميلة

مستنى منك بكرة الحلقة التانية من المسلسل (عفاف والنت


الــــــــــــــــــحـــــــــــــــريــــــــــــــــــف
avatar
mona
سوبر
سوبر
اوسمه :
انثى
عدد الرسائل : 839
تاريخ الميلاد : 23/09/1990
العمر : 27
العمل/الترفيه : طالبة فى كلية حقوق
المزاج : الحمد الله
تقييم : 3
تاريخ التسجيل : 03/12/2008

رد: قناة سهر الليالى ( 3 )

في الثلاثاء مارس 31, 2009 5:05 am
القناة رائعة واللهى يا ادهم
وغطت على كل القنوات
لانها قناة شاملة ودمها خفيف
واللهى انا بستناها على طول
بس انا زعلانة جدا فين حلقات المفتش كرومبو
انا بعتها لك فى رسالة خاصة
فى انتظار الحلقة القادمة
من ابداعات قناة سهر الليالى

_________________
تحمل الأشواك التي قد تدوسها في يومٍ من الأيام
ربما يكون بلاء من ربك
فلا تيأس
فكلما أحب الله عبداً إبتلاه
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: قناة سهر الليالى ( 3 )

في الثلاثاء مارس 31, 2009 8:04 am
شكرا على مروركم
واجمل ما فيها اعجابكم بالقناة
والله يا منى ما شوفتش الرسايل الخاصة
انا هاروح ابص عليها
وان شاء الله بقولك انتى والاعضاء
استنوا كرومبو وسحس فى الحلقة اللى جاية ان شاء الله
نهاركم سعيد
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: قناة سهر الليالى ( 3 )

في الثلاثاء مارس 31, 2009 8:22 am
ما تزعليش يا منى
انا ضيفت حلقة كرومبو هنا فى الموضوع
اللى سرق البرتقال هو ادهم
اصل بصراحة باتكلم فى الموبايل م الصبح وريقى ناشف
اعمل اية يعنى تاخدى واحدة
مممممممممممممممممممم
ع السكين يا برتقال
avatar
محمد السحرى
سوبر
سوبر
اوسمه :
ذكر
عدد الرسائل : 1144
تاريخ الميلاد : 18/10/1981
العمر : 36
الموقع : sahr2009.yoo7.com
المزاج : احبكم
تقييم : 206
تاريخ التسجيل : 22/12/2008

رد: قناة سهر الليالى ( 3 )

في الثلاثاء مارس 31, 2009 1:46 pm
شكرا يا ادهم على القناة الجميلة بس اقبل كل حاجة لو سمحت رجع لى البرتقالة علشان انا عندى برد
ولا اقولك اقسمة نصين التلتين لى ونص الباقى ليك هههههههههه
بجد انا معجب بكل ما تكتبه فى المنتدى وخصوص القناة فكرة حلو اوى
وفى انتظار البث الحى على الهواء مباشرة

_________________
الى من يقراء كلماتى قد تعجبك او لا تعجبك لكن اعرف انك تقرانى انا فاانا ما بين السطور انا النقاط فوق الحروف فلا تضع كلماتى  على نحو او صرف او وزن بيت او قفيت شعر فاانا لا اكتب الا احساسى
avatar
mona
سوبر
سوبر
اوسمه :
انثى
عدد الرسائل : 839
تاريخ الميلاد : 23/09/1990
العمر : 27
العمل/الترفيه : طالبة فى كلية حقوق
المزاج : الحمد الله
تقييم : 3
تاريخ التسجيل : 03/12/2008

رد: قناة سهر الليالى ( 3 )

في الأربعاء أبريل 01, 2009 4:49 pm
شكرا على مشاركتم فى المفتش كرمبو
والاجابة صح يا ادهم
بس مكنتش تعترف بسرعة كده
ادى فرصة حد يتهمك
ودافع عن نفسك
مشكور لمشاركتك فى المسابقة

_________________
تحمل الأشواك التي قد تدوسها في يومٍ من الأيام
ربما يكون بلاء من ربك
فلا تيأس
فكلما أحب الله عبداً إبتلاه
avatar
نور
سوبر
سوبر
انثى
عدد الرسائل : 368
تقييم : 0
تاريخ التسجيل : 22/02/2009

رد: قناة سهر الليالى ( 3 )

في الأربعاء أبريل 01, 2009 6:25 pm
الحلقة حلوة اوى اوى يا ادهم وبجد تصدق بالله انا كنت مضايقة ولما قريتها ضحكت من قلبي


وطبعا لازم ابدى اعجابي بيك وبالست مراتك علي تقديمكم الرائع للبرامج



والظاهر كدة زى مانا سمعت انك مش بتدفع مرتبات المواظفين علشان كدة كلهم طفشو


من المحطة وانا اولهم تحب اسيح بقي فين يا عم ادهم الجينة وربع الا عليك


وعارف اية اكتر حاجة مضايقني انك طلعت انت الا اخدت البرتقال اصلي انا بيني وبينك كنت حاطة عيني علية


علشان كنت راحة للست فرنسا وقولت ادخل عليها بحاجة في ايدى علشان عاوزة استلف منها فلوس


ملحوظة انا مش بحب عصير القصب ابقي خد بالك في الحلقة الجاية



مشكور علي مجهودك الرائع في القناة وربنا يكفيك شر عين الحسود هات بقي ونبي فلوسي
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى