أكبر غـلطه لو شخص متبهذل يحب ..( مدلعه..)

يامدلـعـة..لا تدعـيـن الضيق..وإنـتـي فــي سـعـة
الضيـق للـي مـا اتسـع لـه صـدر محبوبـة لضـاق
الـقـلـب نـفـسـه عـنــد متبـهـذل..وعـنـد مـدلـعــه
الفرق فـي صـدق المشاعـر والأحاسيـس الرقـاق
الله يـاكــم لـــي وانـــا مـنــك الوفاق..استـطـلـعـه
والحين..لاإنتي..ولاقـلـبـك..ولا حــتــى الــوفــاق
آخــر حكـايـة حــب واول جـــرح كـنــت اتـوقـعـه
الـلـي بــرواق تحبني..تـقـدر تفـارقـنـي بـــرواق
احساسـك أصـلا" مـا يناسبنـي..وانـا مــا انفـعـه
مــادام لــي مـبـدأ..ولـك نـيــة تبيـعـيـن الـرفــاق
النـاس قالت:مـن يبيـعـك واشـتـرى غيرك..بـعـه
لاتلحـق الـلـي مـنـك مايستـاهـل أسـبـاب اللـحـاق
أخـتــرت امـــوت ولا يـقـولـون الخـلايـق[ :إمـعـه ]
واختـرت أفارق..والصـدق ياكـره كرهـي[ للفـراق ]
أصبـحـت مـثـل الـلـي يــدور للـجـهـات الأربـعــه
راح الجهـات الاربع..ومازلـت فـي نفـس النطـاق
المشـكـلـة..وده يفـضـفـض مـيــر كـــل يصـفـعـه
من حيث مـا واجـه بوجهه..للأسـف يلقـى طـراق
الـحـزن يجتـاحـه وشـكـل فـــي حـيـاتـي زوبـعــه
وإحساس بإهمال الجميع..يضاهي إحساس المعاق
الظاهـر إن الـنـاس فــي قـلـب المـواجـع مبـدعـه
والظـاهـر إنــي صــرت ممن..لايطيق..ولايـطـاق
الحـب..مـن ذا الـلـي يقول:الـحـب دنـيــا ممـتـعـه
فــي ذمـتـي مايقولـهـا لـوكـان مـمــا ذقـــت..ذاق
إن شـاف نفـس اللـي أشوف..وماسمعتـه يسمعـه
يخـتـار لــه نــار الفراق..ولايـجـي جـنـة عـنــاق
العاشـق الـلـي مــا مـعـه غـيـر إنتفـاضـة مدمـعـه
الله يــكــون بــعــون قلبه..وإحـتـراقـه..إحـتـراق
إن جـيـت تلـقـى حالـتـه حـالـه وشـبــه مضـيـعـه
أحـيـان يتنـفـس ولـكــن اغـلــب الحال..إخـتـنـاق
إنـهـد حيله..وإنجرح..وإحـتـاس فــي [هالمعـمـعـه ]
محتـار مايـدري علـى ويـش الزعـل والإنشـقـاق
إنـصـب تفـكـيـره عـلــى (مـــاذا وراء الأقـنـعـه)
مسكـيـن كــان آخــر ضـحـيـه للخيانه..والـنـفـاق
الحـيـن يـاضـده تـكـون الـنــاس..وإلا يـــا مـعــه
مــــا يـعــتــرف بالأوسطيه..والـثـقـه..والإتـفـاق
أرثـي لحالـه عندمـا يكتـب عـلـى الـرمـل إصبـعـه
(هــذي نهـايـة مــا يسمونه..مـحـبـه وإشـتـيـاق)
مـجـنـون لـيـلـى يـتـبـع أهـواءه..وحـنــا نـتـبـعـه
يعنـي انـا وآلآف غيري..ننـدرج ضمـن السـيـاق
الصـدق..لـوهـم الـرجــال فــــي كلمتين..تـقـلـعـه
مــا تمـنـعـه أحيان..كلمة(يـبـغـض الله الـطــلاق)
السـالـفـة اكــبــر مــــن إنــــه يمتنع..أوتـمـنـعـه
مـا دامـت الدعوه..مصيـر إنسـان مربـوط بوثـاق
إن حـب..حــب..الله يعـيـنـه والـحـشـى مـتـولـعـه
من وين ما قلبه يسوقـه مـن ورى خشمـه يسـاق
الـــود ودك..ولا وصـــل لـلـوضــع هذا..تـقـنـعـه
(مهمـا استمـر الحب..يبقـى آخـر الحـب إفتـراق)
أكبـر غـلـط لــو شـخـص متبـهـذل يـحـب [مدلـعـه ]
والأخت....ما تقدر توسـع خاطـره لـو يـوم ضـاق