سهرالليالي
منتدى سهرالليالى ♥♥ .... أحلى منتدى
مرحبا بك ....عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائها اهلا بك فى اسره منتدى ......... 🌺 سهرالليالى
احلامنا البسيطه لازم تجرى فى دمنا علشان نقدرنعيش ونحقق حلمنا♥♥.
المواضيع الأخيرة
أفضل 10 أعضاء في هذا المنتدى
1967 المساهمات
1279 المساهمات
1144 المساهمات
1027 المساهمات
978 المساهمات
839 المساهمات
824 المساهمات
794 المساهمات
715 المساهمات
639 المساهمات
المتواجدون الآن ؟
ككل هناك 4 عُضو متصل حالياً :: 0 عضو مُسجل, 0 عُضو مُختفي و 4 زائر :: 1 روبوت الفهرسة في محركات البحث

لا أحد

مُعاينة اللائحة بأكملها


شاطر
استعرض الموضوع السابقاذهب الى الأسفلاستعرض الموضوع التالي
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

هومة مليونيرا !!!

في الجمعة يوليو 03, 2009 8:54 pm
عليّ النعمة انت غبي .. وحمار
يابهيمة انا اصلا دلوقتيمحاسب .. مش هستنى خماشر سنه
!!! وأساسا أساسا أساسا .. انا مجاوب عشان ابقى مليونير
----
كانت دي كلماتي اللي قلتها لما عملت أحد الكويزات المضروبه عالفيس بؤ .. والكويز ده بعلوان كيف ستكون بعد خماشر سنه .. وراح مطلّعلي النتيجه اني هابقى محاسب
!!!!
وبمجرد ما نزل الكويز عالبروفيل بالنتيجة بتاعته دي وبالتعليق اللي قلته .. لقيت محمد غاليه - اللي كنت فاكره صاحبي وحليب هارتي بيعلق ويقول
.. ياعم هومة زعلان ليه بس .. الراجل مش حاسس انك هتبقى مليونير بعد خمستاشر سنه :
يمكن بعد ميه وخمسين سنه

طبعا إستشطت غيظا وغضبا وكمدا منه .. ولو شفته ساعتها قدامي كنت هعضو .. ورحت قايل
!! كده برضك يا محمد .. كده :
.. وانا اللي قلت انت هتنصفني وتقول ان الكويز ده مضروب
وتعمللي حملة لجعلي مليونيرا في اقل من خماشر سنه .. عشان نقف قدام الكويز ده ونطلعو عبيط
!!؟؟!!

هنا بقى لقيت الرفيق احمد هيما . فاجأني ومعلّق وقايل
على فكرة الكويز ده بقى مضروب :
وراح حاطط لينك غريب

.. وادخل عاللينك المحطوط .. الاقي جروب معمول بعلوان
من اجل جعل هومة مليونيرا في اقل من خماشر سنه
.. ومكتوب تحت العلوان ده
دلوقتى يا جماعه هومة دخل كويز علشان يطلع مليونير خلال خماشر سنه
الكويز قال ايه يطلعة محاسب
وهو اصلااااااااااااااا اصلاااااااااااا محاسب
كلنا ضد الكويز بقي وم الاخر
----
.. طبعا انا اتاخدت كده وقلت يالهوي دي مسئوليه .. اه طبعا
!! ماهو لما يتعمل جروب عشان ابقى مليونير .. دي حاجه كبيره يعني

وبناءا عليه .. قمت عملت لنفسي لقمة خفيفه عشان اعرف افكر كويس .. حاجه خفيفه واحنا أخر اليوم والفجر خلاص .. طبق شعرية اندومي وحتتين فراخ بانيه - حاجه خفيفه - وأكلتهم وانا باخطط ايه البورنامج بتاعي لما ابقى مليونير .. وازاي هقدر اقنع الناس انهم ينضنضمو للجروب .. وايه هي أهدافي من اني ابقى مليونير
.. أول حاجه .. لما هبقى مليونير ويبقى معايا قد خمسين ستين الف جنيه كده
.. هاهبأ على بلاد برّه .. اضرب بازبور واطفش
.. وأساسي يعني مش هعرف حد من اللي كنت اعرفهم زمان قبل ما ابقى مليونير
طبيعي .. واحد مليونير بقى .. لازم اتنطط عالناس .. وأول واحد هتنطط عليه هيكون الواد هيما اللي عمل الجروب ده عشان يشد من أزري
والناس اللي هينضنضمو للجروب طبعا في الاول هقوللهم انا منكم و ليكم يا جماعه .. اقفو جمب ابن منطقتكم .. جمب اللي زيّكم .. جمب اللي بيتشعبط في الاتوبيسات وبيتقطع منطلونه في الميكروباظات وبيتخنق زيكم من ريحة العرق في المترو
وساعتها ممكن الاقي واحد يروح طالع من وسط الحشود ويسألني ويقول
والفلوس دي يا هومة .. ناوي تعمل بيها ايه !!؟؟؟ :
وانا اروح مطلع السبحه من جيبي .. واضرب زبيبة صلاه .. واقول وكلّي خشوع و تقوى
هعمل كباريه شرعي .. مش هيشتغل الكباريه ده بالليل .. ماهو حرام يبقى في ناس سهرانه وبتقوم :
الليل .. وانا اجيب مطربات ورقاصات .. حرام يعني
لأ .. الكباريه هيشتغل بالنهار .. والمغنيين مش هيغنو على معازف .. لأ .. هيغنو على الدُفّ والطبله .. والرقاصات مش هيغنو وهم بيرقصو لأن صوت المرأه عورة .. هيرقصو بس
كباريه شرعي ولا مش شرعي !!؟

بعدها ممكن الاقي واحد تاني طالع من وسط الجماهير وأعضاء الجروب ويقول
طب دلوقتي ياهومة احنا هنلملك الملايين دي ازاي !!؟؟؟ :
هشيل السبحه والزبيبه واحطهم في جيبي احتياطي لوقت حوجه .. واتقمّص شخصية الخبير الاقتصادي .. والبس النضارة وانزلّها على مراخيري واقول بصوت أخنف
هنعمل مشروع بورصة المدونين .. مش قهوة البورصه بتاعة وسط البلد .. لأ .. بورصة للمشاركه :
في شراء أسهم المدونين .. يعني مثلا هنطرح المدوّن من دول في البورصة .. ولنفرض مثلا هنطرحني انا في البورصه .. ونعمل اكتتاب عام عليّ .. ونشوف عدد الناس اللي عايزه تشتريني أسهم .. ونحسب قيمة السهم .. ونوزع صكوك ملكية للأسهم دي عالمستثمرين .. نفس الحكاية على باقي المدونين
عملية تداول السهم بقى هتكون ظريفه قوي .. فرضنا مثلا انا عملت موضوع .. ساعتها قيمتي في البورصه هتعلي عشان عدد قراء الموضوع هيكون كتير نسبيا في أول الموضوع مانزل .. تقوم قيمة السهم بتاعي تزيد .. تقوم الناس بايعه سهمي في البورصة وهو غالي .. ويشترو سهم بتاع واحد تاني مثلا لسه ماعملش مواضيع جديده .. وبمجرد مايعمل موضوع جديد يروح سهمه يعلى وتزيد قيمته .. وهكذا دواليب
.. وأستطرد وانا متقمص شخصية محللين البورصة
طبعا في أسهم قيمتها عاليه ومش بترتبط بحوار المواضيع الجديده بتاعتهم ..
ممكن تعمل تلات اربع مواضيع في اليوم .. الناس ساعتها مش هتبقى عارفه تبيع ولا تشتري ولا تعمل ايه في ليلتها
ولأنها هتكون بورصة جديدة ومش متجرّبه قبل كده .. هيبقى في نسبة خطأ قايمه على الاشاعات .. زي ان مثلا تطلع اشاعه ان ان فلان وعلان وعلانة هينزلو مواضيع جديده .. تقوم الناس هوب بايعه اللي معاها ومستنيه المواضيع اللي هتنزل .. وشيء وارد جدا ان ماينزلش اي مواضيع
بس ساعتها الخساره مش هتكون كبيره .. لأن اللي باع السهم ممكن يشتري سهم - لأنه كده كده بيعملو نوت عالفيس بؤ وبيتشاف
!! وبكده يبقى زيتنا في دقيقنا .. وهنيالك يا كاتب موضوع في بلوج سبوت
هيطلعلي واحد فانكي من اعضاء الجروب وهو ماسك بوب بانجو وبيقول وعينه مشبّره من كتر ضرب المخضروات
ياعم انا ماليش في الليلة بتاعة التدويم دي .. عايزين حاجه هلس ياعمنا :
هقلع نضارة المحلل الاقتصادي وامسك الجوزه واهوّي على حجر الحشيش واخدلي نفس واقوللو وانا مطلّع الدخان الازرق في عيني
هنعبي الهسس في قزايز .. آه امال .. هنجيب شوية عالم من بتوع الهسس .. ونخليهم يهسهسو في :
أي شقه مفروشه .. وناخد هسهستهم دي ونحطها في علب كانز أو قزايز .. الكانز لشغل التصدير .. والقزايز للهسس المحلّي , وعلمك علمك علمك .. مافيش حد هينافسنا في سوق الهسس .. ولا حتى الصين .. ليه بقى .. إكمني الهسس المصري مطلوب .. وإكمني الصين مالهاش في الهسس .. وحتى لو هسهسو .. هسسهم هتكون عينيه ضيّقه .. الناس مش هتشوفو .. ومش هياكل مع هسهسنا , واساسا الهسس الصيني أخره اسبوع ويضرب .. وتحتاس بيه ماتبقاش عارف تصللحو فين
ماهو مش هيبقى ليهم مراكز صيانه معتمدة يابرنز .. ماتجيب بوسه !!!؟
----
ظبطت المخطط في دماغي وحددت ايه اللي هيحصل في الجروب وكللو فل .. ولسه داخل عالفيس بؤ عشان اطبّق النظرية بتاعتي دي .. الاقي بيلا راحت كاتبه كومنت عالجروب وبتقول فيه
انا ضد الكويز من الاول وكنت باستغرب كمية الناس اللى بتعملها :
ياريت بقى تغير اسم الجروب وتخليه ضد الكويز المضروب .. علشان الناس تعرف الجروب عن ايه من عنوانه
.. و زيّ ما الرفيق احمد هيما فاجأني بالجروب اللي كان عاملو مخصوص عشاني
فاجأني أكتر ولقيته راح مغيّر اسم الجروب وخلاه
!! ضد الكويزات المضروبة
!!!!!!!!
.. صدمة .. نعم صدمة
.. صدمة إنهارت معها كل آمالي وطموحاتي بالثراء الفاحش السريع
.. صدمة جعلتني لا استطيع أن أضرب نص البطيخه بعد الأندومي والفراخ البانيه
!!!! ووجدت كل أحلامي تنهار معي .. مع انها أحلام مشروعه .. وحلال


اية رايكم فى اللى اتعمل فيا
avatar
نور
سوبر
سوبر
انثى
عدد الرسائل : 368
تقييم : 0
تاريخ التسجيل : 22/02/2009

رد: هومة مليونيرا !!!

في الجمعة يوليو 03, 2009 11:14 pm
هومة بص بقي انا مش هاقولك انى شملولة يعنى وفهمت اوى الموضوع



بس كل الا فهمتة انك عاوز تبقي مليونير وعاوز انت ومحمد صاحبك



تعملو نصبة علشان تعرفو تلموا الفلوس الا علي حسها تبقي مليونير



عموما اشمعنا انت ماحنا ياما سمعنا عن ناس كتير اوى عملو فلوس من مفيش


وعلي حسلب الناس الغلابة واكتر فلوس ممكن تلمها مش من الاغنياء لا بجد فلوس الناس


الغلابة دية هي الا بتعمل الميلرينرات وعلشان كد سير علي بركة الله ويمكن توصل


بس اوعة تنسي ان الا يبد من غير اساس ينتهي بردو من غير اساس




مشكور علي الموضوع يا هومة وتقبل مرورى وامنياتى لك ان تكون مليونير في القريب العاجل قول يارب
avatar
emy
سوبر
سوبر
اوسمه :
انثى
عدد الرسائل : 794
تاريخ الميلاد : 21/10/1986
العمر : 31
العمل/الترفيه : \'طالبه جامعيه
المزاج : روشه
تقييم : 34
تاريخ التسجيل : 25/11/2008

رد: هومة مليونيرا !!!

في السبت يوليو 04, 2009 7:31 am
اولا انت مليونير بشخصيتك الجميله وخفه ظلك وثقافتك
تانيا مليونير بحبنا ليك
ثالثا اللي ياكل حاجه خفيفه بالليل مش نص بطيخه وفراخ و... لا

نص سندويتش جبنه من غير ملح
وياريت بلاش تاكله لان الاكل بالليل غلط
هومه انت فعلا ملياردير

_________________
في الحب خطابات نبعث بها
وأخرى نمزقها
وأجمل الخطابات هي اللتي لا نكتبها ........ ايمى
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: هومة مليونيرا !!!

في السبت يوليو 04, 2009 10:12 am
اشكرك على مرورك يا نور
لانك بكدة اذا عملنا موضوع الاكتتاب حطيتى اول جنية فى مشوار المليون
بس واضح انك واخدة الموضوع جد
وحطتينى فى نفس الكفة بتاعة الحرامية ومصاصين الدم
رغم انى بهزر
على العموم يا نور لما ابقى مليونير مش هانساكى
هتبقى المذيعة الاولى فى القناة بتاعتى اللى هتدافع عنى
باعتبارى حرامى سابقا وسياسى حاليا ووزير منتظر


ايمى
انا عارف ان كلامك الحلو دة احساس طبيعى لشخصيتك الرائعة
مش عارف اشكرك ازاى
بس كل جنية فى ثروتى
وكل حجر فى مملكتى
انتم اصحاب الفضل فية



اتمنالكم حياة سعيدة وابتسامة دائمة
avatar
نور
سوبر
سوبر
انثى
عدد الرسائل : 368
تقييم : 0
تاريخ التسجيل : 22/02/2009

رد: هومة مليونيرا !!!

في السبت يوليو 04, 2009 10:32 am
هومة انا بجد بهزر معاك ومش قصدى حاجة وانت عارف ولو كل الناس ذيك مش ممكن يكون في حد وحش في الدنيا


ونكون عايشين في دنيا مفهاش غير الحب والخير



لان الاعندة قلب زى قلبك مينفعش يكون حرامى يعنى من الاخر هتكون حرامى فاشل



وانا معاك سواء مليونير او لا بردو هادافع عنك



تقبل مرورى وامنياتى لك دائما بالسعادة
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى