سهرالليالي
منتدى سهرالليالى ♥♥ .... أحلى منتدى
مرحبا بك ....عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائها اهلا بك فى اسره منتدى ......... 🌺 سهرالليالى
احلامنا البسيطه لازم تجرى فى دمنا علشان نقدرنعيش ونحقق حلمنا♥♥.
المواضيع الأخيرة
أفضل 10 أعضاء في هذا المنتدى
1967 المساهمات
1279 المساهمات
1144 المساهمات
1027 المساهمات
978 المساهمات
839 المساهمات
824 المساهمات
794 المساهمات
715 المساهمات
639 المساهمات
المتواجدون الآن ؟
ككل هناك 5 عُضو متصل حالياً :: 0 عضو مُسجل, 0 عُضو مُختفي و 5 زائر

لا أحد

مُعاينة اللائحة بأكملها


شاطر
استعرض الموضوع السابقاذهب الى الأسفلاستعرض الموضوع التالي
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

اوباما عريس الهنا

في السبت يوليو 04, 2009 5:15 pm

طاخ طيخ طووووووخ.. بوووووووووم طييييييييخ طاااااااااااااااخ

ادهم :-مين الجربان اللى بيخبط بايده ورجله ده ؟... بت يا حنين شوفى مين المجنوون اللى على الباب ..وهاتى عصايه الغليه بسرعه

حنين القلب :- هو فى غيره المحروس بسلامته ابنك همس الاحباب ...جاااى بزعابيبه زى امشير

همس الاحباب :-ايه فى ايه ؟؟ ساعة واقف على الباب ما تفتحى بسرعة يا مقصوفة الرقبة

ادهم :- انت ياض مش بالراحة على الباب؟؟؟ مسروع على ايه ؟؟؟هتكسر الباب

همس الاحباب : يا عم انت محسسنى انه باب التوبه ... وبعدين انا عندى خبر بمليون دولار ..لا مليون ايه ؟؟ ده خبر بعشره وتلاتين مليون دولار
حنين القلب :-والله وبقينا بنتكلم بالملايين ... خير يا سبع الرجال جبت الديب من ديله

ادهم:- ديب ايه !!!؟؟؟ هو فييين .. مافيش غير حرمنا المصون فرنسا هانم كعب الغزال

همس الاحباب :- اااااه الاول اخد نفسى اجرى يا بت يا حنين هاتى 15 جركن عصير مانجه و15 بيضة و2 كيلو لحمة و5 فرخيات من فصيله الديصنانور علشان ابل ريقى واخد نفسى واقولكم على الخبر

ادهم:- ههههههه ..ديصنانور ...الله يرحم جدك الرايق الكبير ...اسمه ديصانور يا ولد .. وبعدين ايه 15 جركن عصير مانجه ؟؟ انت فاتح عصاره فى بطنك ؟؟؟

حنين القلب :- من يومه مفقوع يا بابتى وهو فى بطن امه .

فرنسا هانم :- فكرتينى يا بت يا حنين انا و حامل فيه كنت اروح عند اى حد يسألنى تشربى شاى ولا ساقع يا فرنسا ؟ اقولهم الحقونى بالاكل بسرعه ...كان فاضحنى فى كل حته ...وفى الاخر نزل وزنه نص كيلو

همس الاحباب :- على اساس انى فار مسلوخ يا مامتى ؟؟؟ أومال الاكل ا للى اكلته راح فين؟؟؟ فى بطن القطة مثلا ؟؟

ادهم:- قولى يا قطة قصدى يا همس يا حبييى ايه الخبر اللى جاااااى مسروع عليه

همس الاحباب :- خبر ايه !!!؟؟؟ هوانا قلت انى جايب اخبار؟؟؟؟

حنين القلب :- صباح الزهايمر بالمخلل ما تفوق ياض وسيبك من عرق السوس اللى بتشربه ده

همس الاحباب :- ااااه افتكرت انا جايب عريس لحنين القلب بس مش هقولكم هو ميييين !!؟؟


حنين القلب :- عرييييييييييييييس؟؟؟؟؟؟؟؟؟ ...هييييييييييييييييه ...عريس بجد ؟؟؟ لحم ودم زينا كده يا واد يا همس ؟؟؟ يا بوى مين يا همس يا خويا يا حبيبى مييين !!؟؟؟

همس الاحباب :- اخوكى وحبيبك دلوقتى؟؟؟ جاكى خوت فى نافوخك اليمين والشمال ... من شوية كنت ياض

حنين القلب :- عديها يا عم عيلة وغلطت ..وبعدين طالما فيها عريس ..يبقى انا الياض والبت وانا كل حاجه ..وان كان ليك عند الباشا حاجه قوله يا بشبوشتى

همس الاحباب : اممممممم ماشى بقولك ايه يا بشبوشتى قلعينى الجزمة والشراب وهاتى الشبشب ابو صباع،وهاتى اللى قولتلك عليه علشان اخد نفسى ده عريس يا هبلة .

حنين القلب :- نهارك زى شعر راسك... ابيض وزى الفل ( بكل غيظ ) اممممم حاضر يا خويا يا ابن امى وابويا .

ادهم :- ما تقول ياض وتخلص انت شغال تتنى وتتفرد زى المكواة الرجل كده ليه .
حنين القلب :- لا والنبى ياهومة... الا همس حبيبى ... محدش يزعله ولا يقوله ياض

همس الاحباب :- بلاش انت ياهومة لانك لو عرفت العريس هتقوم تبوسنى واحتمال ترمينى من الشباك من الفرحة

الطائر الحزين :- ليه يا عم همس انت جايب جاك شيراك عريس

ادهم:- واد يا طائر ميين جاك شيراك ده قريب صلاح الدين الابنودى

همس الاحباب :- ايووون... صح هو قريب الابنودى اللى حرر عزبة النخل وضمها على صفط اللبن

ادهم:- شت اب يور ماوس انا الدكاترة عبده باشا الرايق حفيد سلالة الرايق اسطورة التاريخ والفاصوليا البيضاء ..ايه اللى جاب عزبه النخل لصفط اللبن يا متخلف دى فى قاره اسيا ودى فى افريقيا

حنين القلب :- بس بقى لا اسيا ولا باسيا ...عايزين نعرف ميين العريس وجااااى امتى عايزة اتجوز يا بشر ..

همس الاحباب :- بصوا يا عيلة ادهم الرايق انا كنت قاعد على القهوة بشرب شاى فتله ..سكر بره
ادهم:- عارفه وشربتوا كتير .. شاى بره .. سكر فتله ده ..وكل مره بشربه بطنى بتوجعنى وبيجيلى مغص من الفتله
همس الاحباب :- هو انت كنت بتشرب الفتله يا رايق .؟؟؟ المهم وانا قاعد على القهوة وبشرب شاى فتله .. سكر برة

حنين القلب:- يا دى النيلة عرفنا انك بتشرب شاى فتله وبعده معلقة سكر مش بتحب الاختلاط بين الجنسين خلصنا بقى ... ادخل على المفيد

همس الاحباب :- المهم وانا قاعد على القهوة وبشرب شاى فتلة سكر بره لقيت واحد محترم كده قاعد جنبى لابس جلابية و كاب وكوتشى اميجو بينور



صبرنى يا رب :- جلابية وكاب وكوتشى اميجو بينور؟؟؟؟ اه اكيد العجل فى بطن امه .. وتلاقيه سارق كهربا للكوتشى كمان
همس الاحباب :- بلاش ظلم يا صبرنى يارب انا شايف بعينى العداد بتاع الكهربا ..المهم الراجل كان بيتكلم ايطالى وبيقول ليدز اند جنتل مين.... انا بقى سألت القهوجى رجب حوش صاحبك عنى وقولتله قصده مين بجنتل من الراجل ده؟؟؟ قالى يا استاذ همس ده قصده حضرتك قولتله لا كده حفر قبره بايده اهو هو وعيلته واللى يشددوله اللى جنتل من... احنا عيال شبيحة وما ياكلوش معانا الكلام ده ،قام رجب حوش صاحبك عنى قالى .. انت مش عارف مين ده اللى بيكلمك يا استاذ همس ؟؟؟ انا قلت لا مش عارف هيكون مين يعنى شوكت اباظه ولا فتحي كاريوكا !!؟؟ قالى . لايا عم مش رشدى اباظه ولا تحية كاريوكا ده اوباما رئيس الولايات المتحدة

ادهم :- اوباااااااااااما ..اوبااااااااما .... نو نو نو ماكنشى عندنا حد فى التاريخ اسمه اوباما رئيس الولايات المتحده الامريكيه
حنين القلب :- ما تشغلش تفكيرك يا بابتى انت ياض يا همس قصر ولم المتكسر وبلاش تسرح بينا

همس الاحباب : اسرح بيكى على اساس انك توكه ولا بنسه شعر ولا فلايا بتنزل الحشرات ، يا بنتى بقولك انا كنت قاعد مع اوباما على القهوة وطلبتله شيشة قص وبقوله تشرب ايه قالى تى فى الفيفتى
يعنى شاى فى الخمسينة يا جاهلة يبقى اوباما ولا مرات ابوه

فرنسا هانم : هو شرب قص وشاى فى الفيفتى يبقى اوباما ابن ام اوباما

همس الاحباب : المهم قعد جنبى يشكيلى من عياله ومراته وانه عايز يتجوز من مصر فقلت ما فيش غير اختى حبيبتى حنين هى اللى هتطلع من عينيه كل اللى عملته امريكا فينا واديته السى فى بتاعها ولما عرف انها اختى طبعا وافق على طول وجاااااااى يوم الخميس بعد صلاة الجمعة علشان يخطبها من الرايق ايه رايكم فى العريس

حنين القلب :- انت متاكد من كلامك ياض انه اوباما ولا بتشتغلنى زى عوايدك ؟؟؟.

همس الاحباب :- ان شاء الله اعدمك لوكنت بشتغلك يا حنين

ادهم:- لو كان كده عايزين نفرض شروطنا اااه اللى اوله شرط اخره نور وبعدين هيتجوز حنين اخر العنقود سكر معقود

الطائر الحزين :- شروط مين يا رايق انت بتحلم ..انا كلام الواد همس ده مش نازلى من زور ...ده اوباما يا بشر


همس الاحباب :- وايه يعنى يا طائر لو كان هو اوباما فده الدكاترة عبده الرايق وماتنساش انى عزمته على شاى وحجر قص 2.50 كان زمانه بيغسل الشيش فى القهوة وبيكرس للزباين .

ادهم :- طب يا اولاد ايه رايكم نعمل قايمة ووصل امانة احنا لازمن نضمن حق وليتنا قبل ما تنضم لولاياته

همس الاحباب :- اه طبعا بس قايمة ايه هى بنتك حيلتها حاجة اصلا احسن حاجة يعمل تنازل عن 25 ولاية كمقدم صداق والمؤخر تنازل عن 25 ولاية ويبقى احنا كده طبقنا الشرع عليه .

يوم الخميس بعد صلاة الجمعة همس نزل القهوة علشان يجيب العريس والرايق والعيلة بيظبطوا البيت وبيجهزوا نفسهم

حنين القلب :- ما تزوقينى يا ماما قوام يا ماما ده اوباما هياخدنى بالسلامة

ادهم : - عايز نظام يا ولاد عايز برستيجى قدام اوباما

حنين القلب : الباب بيخبط حد يفتح بسرعة عريسى جه بالسلامة

همس الاحباب :- يا ساتر اتفضل يا مستر اوباما ما حدش كاشف راسه غير هومة ودى منها للسماء دايما

صبرنى يا رب : ميييين ده !!!!!؟؟؟ ده تؤام مرسى ابن ام مرسى

ادهم: مرسى !! أومال فيين اوباما !!!؟؟

همس الاحباب : اوباما سافر امريكا جبتلكم رجب شيشة الشهير باوباما المصرى

avatar
نور
سوبر
سوبر
انثى
عدد الرسائل : 368
تقييم : 0
تاريخ التسجيل : 22/02/2009

رد: اوباما عريس الهنا

في الأحد يوليو 05, 2009 4:57 am
هههههههههههههههههههههههههههههههههههه


ههههههههههههههههههههههههههههههههههه بجد والله ضحكت من قلبى تخيل اول حاجة تعملها


الصبح قبل ما تشوف حد او تتكلم مع حد انك تضحك لوحدك وبصوت عالي لاحد ما امى دخلت عليا


وبتقولي في اية واكيد بتقول في بالها البت اتجننت بجد الموضوع جميل اوى زى كل موضوعاتك الجميلة


واسلوبك السهل والممتع الا دايما انا بتعلم منة وبجد كل عيلة ادهم الرايق وحشتنى اوى



بس يعنى مش لاقيتو غير اوباما علشان تطمعو فيه دة الدنيا كلها طمعانة فية



وحاسين انة الفارس المنتظر الا هايغير الواقع ما علينا سواء اوباما او الود رجب بتاع


الشيشة المهم انة هينضم للعيلة الكريم واوعة تنسى تعزمنى








تقبل مرورى ولك خالص احساسى لك بالسعادة وان تظل متالق دايما
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى