سهرالليالي
منتدى سهرالليالى ♥♥ .... أحلى منتدى
مرحبا بك ....عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائها اهلا بك فى اسره منتدى ......... ♥♥ سهرالليالى
احلامنا البسيطه لازم تجرى فى دمنا علشان نقدرنعيش ونحقق حلمنا♥♥.

سهرالليالي

منتديات سهر متنوعة وجديدة دردشة وشات الغاز والعاب نكت شعر ادب رياضة سياسة مناقشات وابداء راي ... اجمل شباب في اجمل منتدي انضم الينا....................احلامنا البسيطة لازم تجري في دمنا ........علشان نقدر نعيش ونحقق حلمنا ..............سهرالليالي
 
الرئيسيةالرئيسية    اليوميةاليومية  س .و .جس .و .ج  بحـثبحـث  التسجيلالتسجيل  دخولدخول  
المواضيع الأخيرة
» صور رومانسيه متحركه
أمس في 7:20 am من طرف عاشق السهر

»  لماذا غسل يد أمه ثم بكى !! ماذا نقصد بدعه يجرب !!
أمس في 7:16 am من طرف عاشق السهر

» فضفضة من القلب
أمس في 7:14 am من طرف عاشق السهر

» حلم و ااااامل
أمس في 7:11 am من طرف عاشق السهر

» عيد ميلاد >>>>>>>>>>> emy
أمس في 7:08 am من طرف عاشق السهر

» :::::::: RAMY >>>>>>>HaPpy BiRtH dAy :::::::::::
أمس في 7:04 am من طرف عاشق السهر

» HaPpy BiRtH dAy ساحر القلووب
أمس في 7:01 am من طرف عاشق السهر

» مفاجأة سعيدة للغاية ينتظرها أصحاب الكرش مشروب يخلصك من دهون البطن فى أسبوع باذن الله
الأحد أكتوبر 19, 2014 4:06 am من طرف عاشق السهر

» اسهل طريقه لعمل اللانشون
السبت أكتوبر 18, 2014 5:25 am من طرف هانيا

التبادل الاعلاني
أفضل 10 أعضاء في هذا المنتدى
سهرالليالي
 
adhamromancy
 
محمد السحرى
 
ساره
 
فرح
 
mona
 
اسراء
 
emy
 
محمـد العاشق
 
عاشق السهر
 
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 73 بتاريخ الأحد سبتمبر 30, 2012 11:34 am
شاطر | 
 

 رحلة الى الاثار المصرية العظيمة والى احلى الاماكن فى مصر !!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الحريف
سوبر
سوبر


اوسمه:
ذكر
عدد الرسائل: 594
العمل/الترفيه: الانترنت و شغلى
المزاج: حاليا عال العال
تقييم: 2
تاريخ التسجيل: 25/08/2008

مُساهمةموضوع: رحلة الى الاثار المصرية العظيمة والى احلى الاماكن فى مصر !!!!   الخميس يوليو 09, 2009 9:41 am

فى مصر اثار كتييييييييير اوووووى واى بلد فيها اثار . لكن كتييييير مننا مش راح كل الاثار اللى موجودة فى بلدة.وممكن نكون عارفين الاثر كاسم لكن مش نعرف اى حاجة عنة.
علشان كدة بقة قولت كل واحد راح مكان او يعرف عنة حاجة يقولنا عليها,

وانا عن نفسى هحاول اقؤلكم عن كل الاثار اللى عندنا
حتى لو كانت فى بيتنا وبنعتبرها اثر
لان مينفعش اخبى عليكوا حاجة


وانا هبدا باول رحلة

سقارة


هية الجبانة (المقابر)الرئيسية للعاصمة المصرية القديمة ممفيس.
تبعد 17 كيلوامتر من الجيزة واستخدمت كمقابر حتى العصر القبطى. اسمها مشتق من الالة سوكؤ الة الموتى لمامفيس

[size=21]وبدئت الاكتشافات فيها منذ1821.
ويوجد بها اول هرم بنى فى التاريخ المصرى القديم
وهوة هرم زوسر
[/size]
الملك زوسر :مؤسس الاسرة الثالثة.واسمة باللغة الهيروغلوفية( نترخت)ويعنى الجسد المقدس.
والذى بنى هذة المجموعة هو امنحوتب:وهو الذى اختار هذا المكان حتى تطل على العاصمة وصمم المبانى كقصر الملك حتى يكمل بها الحياة الاخر.


ناس فاضية

اول بقة ما هنروح هنلاقى صور محيط بالمبانى فية 14 باب 13 منهم منظر وواحد بس اللى هيدخلنا


وبعدين هنلاقى ممر طوييييييييل

مكون من 40 عمود 20 فى كل جانب بين كل عمود والتانى كان يوجد تماثيل للملك وللاله والفتاحات اللى فوق دية علشان تدخل الهواء والضوء على التماثيل.

الممر دة بيودينا على غرفة صغيرة فيها 8 عواميد صغيرة
وفى فالجوانب صفين مقابر للموظفين وعائلة الملك
وفية مقبرة جنوبية: فية زى فتحة مربعة اسفلها فى غرفتين فوق بعض
الاولى صغيرة وسطحها عامل زى المثلث ومبنية من الجرانيت يعتقد انها كانت لحفظ احشاء الملك وفوقها الغرفة التانية مسطحة وكانوا بيضعوا فيها زلط كتييييييير علشان محدش يعرف يوصل للغرفة التانية.
ونفس الكلام دة موجود تحت الهرم
وفية جانب الغرف دية مزينة بالاشانى الازرق
ويوجد نقوش للملك يؤدى طقوسة الدينية




ويوجد مكان اسمة الحب سد
الحب سد دة احتفال فى مصر القديمة بيقوم بة الملك كل 30 عام من حكمة, وذلك حتى يجدد حكمة ويعطية القوة
.
وبناه علشان الملك يقدر يجدد حكمة فى الحياة الاخرى.

ولو بصينا شرق الهرم هتلاقى بيتيين
احنا مش عارفين وظيفتهم اية
بس يعتقد انهم بيرمزوا الى عرش الشمال وعرش الجنوب
او
انهم مقابر لبنتين الملك زوسر
ودة شكلة من برة

ويوجد خلف الحب سد معبد على شكل حرف الt
وهوة مبنى مائل يتكون من مدخل كبييييييير وبعدية 3 غرف
وظيفتة علشان يرتاح الملك بين حلقات الحب سد وغير ملابسة والتاج ايضا


اية دة يا نهااااااااار
انا كل دة ومش فرجتكوا على الهرم
طيب كان حد يفكرنى
خلاص استنوا



مر الهرم بمراحل عديدة حتى وصل الينا بهذا الشكل
وهوة يتكون من 6 درجات
وارتفاعة 63متروقاعدتة الاساسية 140 متر من الشرق للغرب و118متر من الشمال الى الجنوب
وتحتة فية بردوا الغرفتين اللى فى المقبرة الجنوبية لكن وظيفة الحجرة الصغيرة لدفن الملك
وبعدين المعبد الجنائزى
وظيفتة باشرو فية طقوس الجنازة
واغلبة مهدم الان

السرداب
حجرة صغيرة مائلة قليلا
كانت تحتوى على تمثال للملك زوسر
والغرفة لم يكن لها اى باب وبها ثقبين فقط
ويعتقد ان وظيفة الثقبين
حتى يسطتيع الملك متابعة ما يحدث فى الخارج من طقوس
او
ان يشم رائحة البخور
او
حتى يرى النجمة الشمالية فى السماء

التمثال الان يعرض فى المتحف المصرى


يوجد بالمكان اهرمات اخرى ايضا لملوك الاسرة الخامسة والسادسة
احلاهم واجملهم من الداخل هرم الملك تيتي
وهوة مزين ويوجد بة 100 عمود مليئة بنقوش هيروغلوفية.




خلااااااااااااااااص كدة
دة يعتبر اكبر واشق مكان
استفرجوا شوية بقة
او استريحوا اكيد تعبتوا
وانا استريح شوية
يارب الرحلة تكون عجبتكوا
ولسة عندى اماكن كتييييييييييييير
ولو عندكوا اماكن قولوا عليها


الــــــــــــحـــــــــــريــــــــــــــــــف
الرجوع الى أعلى الصفحة اذهب الى الأسفل
http://www.sahr2009.yoo7.com
محمد السحرى
سوبر
سوبر


اوسمه:
ذكر
عدد الرسائل: 1093
الموقع: sahr2009.yoo7.com
المزاج: احبكم
تقييم: 154
تاريخ التسجيل: 21/12/2008

مُساهمةموضوع: رد: رحلة الى الاثار المصرية العظيمة والى احلى الاماكن فى مصر !!!!   الخميس يوليو 09, 2009 1:34 pm

محمد وحشنى قوى ووحشنى موضيعك الجميلة ايو كد ارجع نور المنتدى من تانى عرف هاقولك على حاجة تضحكك انا بينى وبين الاهرمات
حولى 12 كيلو يعنى 5 دقائق بالعربية وعمرى ما رحت وشفت الاهرمات صحيح رحت سقارة كتير قوى مهى برضو لاتبعد عن سكنى اكتر

_________________
الى من يقراء كلماتى قد تعجبك او لا تعجبك لكن اعرف انك تقرانى انا فاانا ما بين السطور انا النقاط فوق الحروف فلا تضع كلماتى  على نحو او صرف او وزن بيت او قفيت شعر فاانا لا اكتب الا احساسى
الرجوع الى أعلى الصفحة اذهب الى الأسفل
محمد السحرى
سوبر
سوبر


اوسمه:
ذكر
عدد الرسائل: 1093
الموقع: sahr2009.yoo7.com
المزاج: احبكم
تقييم: 154
تاريخ التسجيل: 21/12/2008

مُساهمةموضوع: رد: رحلة الى الاثار المصرية العظيمة والى احلى الاماكن فى مصر !!!!   الخميس يوليو 09, 2009 1:58 pm

محمد وحشنى قوى ووحشنى موضيعك الجميلة ايو كد ارجع نور المنتدى من تانى عرف هاقولك على حاجة تضحكك انا بينى وبين الاهرمات
حولى 12 كيلو يعنى 5 دقائق بالعربية وعمرى ما رحت وشفت الاهرمات مع ان لى اصدقاء كتير فى البلاد التى بجوار الاهرمات زى نهيا وابو رواش
وحتى شارع الهرم نفسه كتير بروح اسهر فيه مش عرف بين حظى وحش مع الاهرمات ام سقارة فدى لا تبعد عنى اكتر من حوالى 9 كيلو ورحتها كتير قوى
ودخلت هرم زوسر اكتر كم مرة ورحت الاقصر واسوان اكتر من مرة ولما كنت بسافر برة وكان بيبق فى برنامج الرحلة زيارت الاثار كنت بضحك لما اشفهم
مهتمين قوى بحاجات سخيفه ويقولو عليها اثار بس كنت بحزن على ما نملكه نحن من اثار حقيقة ولاكن زى كل حاجة حلوة فى بلدنا الاهمال والتسيب والجهل بحقيقة
ما نملكة من اثار تحمل قيم انسانية وحضارة عظيمة مضيعها شكرا يا محمد على موضوعك الجميل وسعيد برجوعك اوىىىىىىىىىىىىوفى انتظار الجديد من
موضيعك الجميلة وفى انتظار رحلات كتيرة الاماكن حلوة كتير فى بلدنا العظيمة مصر شكرا يا محمد

_________________
الى من يقراء كلماتى قد تعجبك او لا تعجبك لكن اعرف انك تقرانى انا فاانا ما بين السطور انا النقاط فوق الحروف فلا تضع كلماتى  على نحو او صرف او وزن بيت او قفيت شعر فاانا لا اكتب الا احساسى
الرجوع الى أعلى الصفحة اذهب الى الأسفل
الحريف
سوبر
سوبر


اوسمه:
ذكر
عدد الرسائل: 594
العمل/الترفيه: الانترنت و شغلى
المزاج: حاليا عال العال
تقييم: 2
تاريخ التسجيل: 25/08/2008

مُساهمةموضوع: رد: رحلة الى الاثار المصرية العظيمة والى احلى الاماكن فى مصر !!!!   الجمعة يوليو 10, 2009 6:46 am

شكر ليك ياسحرى وانت والله اللى واحشنى انت وكل اعضاء المنتدى

انهاردة بأة جيابلك المكان اللى نفسك تروحه وكمان لكل اعضاء المنتدى

مكان جاااااااااامد موووووووووووت

كل الناس بيجولوا من اخر العالم

كتير مننا عارف اهرامات الجيزة
وعارفين انها كانت احدى عجائب الدنيا السبعة
التى مازالت موجودة
وعارفين اسم اللى بناهم
فسبونى باة اتعلم فيكوا شوية واقؤلكم شوية معلومات عنهم
الاهرامات الثلاثة موجودين فى الجيزة
هتقولولى مجبتيش حاجة جديدة
هقؤلكم اصبرو شوية
كتير من التجارب اتعملت علشان يعرفوا ازاى الناس بنت الاهرامات دية وازاى نقلوا الاحجار الضخمة دية
وفى اللى قالوا انهم بالحبل والسحب والكلام دة كلة
لكن باة اخر ما توصل لة العلماء انهم كان بيبنو منحدر من الطوب اللبن وجسور ويبنوا عليها الهرم وانهم كانوا بيبنوا الغرف داخل البنى يعنى وهما بيبنوا الهرم يبنوا الغرف بالمرة وهقؤلكم قدام على الدليل
وبعد ما بيخلصوا الهرم بيهدوا الطوب اللبن دة
احنا اول ما هندخل هنلاقى قدمنا التلات اهرامات وابو الهول قدامهم


بصوا علشان مطولش انا هتكلم الاول عن هرم خوفو"الهرم العظيم"

الملك خوفو عنى اسمة هو الذى يحمينى
استغرق بنى هرمة 20 عام كانوا الناس بيشتغلوا فى فصل الفيضان بس يعنى فى وقت فراغهم
والسنة عند المصرى القديم بتتقسم الى 3 فصول
صيف - شتاء - فيضان

بناة 100 الف شخص
والناس دية باه بنت الهرم دة حبا فى الملك لانهم كانوا بيعتبروة ابن الاله
ويتكون الهرم من 2مليون و300 قطعة ومتوسط وزن القطعة يصل الى 2ونصف طن واحيانا تصل الى 80 طن

يقول هيردوت والعلماء الفرنسيين اننا لو قطعنا الحجر دة الى قطع متساوية يمكننا عمل سور حول فرنسا بارتفاع 3 متر
وبيقولوا ان محمد على كان عايز ياخد الطوب اللى مبنى بية الهرم ويبنى بية القناطر الخيرية لكن غير رائية لان من المحجر هتكون ارخص

كان يبلغ ارتفاع الهرم 147 متر لكنة اصبح 136 وذلك لان فى العصر الاسلامى اخدوا منة حجر وبنى مبانى اسلامية
وهوة اكبر هرم فى الارتفاع بين الثلاثة

الهرم دة باة لية مدخلين
هما فوق بعض زى اللى فى الصورة

المدخل اللى تحت دة اللى بناة الخليفة المائمون
بيقع فى الدور السادس وطبعا المدخل دة اتبنى من الخارج للداخل وهوة دة المدخل الرئيسى دوقتى

لان المبنى الاصلى اللى فوق دة كان متغطى يعنى مو
ش ظاهر
اول ما ندخل باة
هنلاقى ممر طويييييييييييييييييييل جدا
مائل للاسفل طولة 105 متر وطبعا انت هتنزل على ركبك لانك موش هتعرف تقف وهيوديك الى اول غرفة والغرفة دية غير مكتملة

في ممر فى
الغرفة دية اسمة ممر الهروب عملة اللصوص اللى كانوا بيدورا على الذهب وبيودينا للغرفة التانية


الغرفة دية بيسموها غرفة الملكة
مع انهم مش لاقوا حاجة جواها خالص
سطح الغرفة بيبقى عامل زى المثلث
وبردوة الغرفة مش كانت خلصت فى البنى
وحتى الان محدش عارف يدخلها واستطاعوا انهم يدخلو كاميرا توقفت الكاميرا على بعد 65 مترعند الحائط دة

ها لسة معايا ولا تهتوا
فى ممر تالت باة
بيودينا الى تالت غرفة وهية غرفة الدفن للملك
وملاقناش فيها غير تابوت التابوت دة بقة حجمة اكبر من مدخل الغرفة طويب ازاى دخلوة للغرفة دة دليل انهم كانوا بيبنوا الحاجة فى وقتها


ودة شكل السقف بنوا فوقها 5 غرف صغيريين علشان العرم مش يتهد عليها

كدة خلصنا هرم خوفو
قريب من الهرم يوجد مبنى
المبنى دة فية مركب
بيقولوا عليها مراكب الشمس
حول هرم خوفو فية خمس مراكب
بس مش قدروا يطلعوا غير واحدة بس
وهية مبنية من خشب الارز
قصتها اية باة المراكب دية
بيقولوا انها هية اللى كانت هتنقل الملك الى الحياة الاخرى

وهنلاقى حولين الهرم بعض الاهرامات الصغيرة ومسطبات
دول لدفن اقارب الملك والموظفين المهمين فى الدولة
وهنلاقى مقبرة حتب حرس والدة خوفو
مقبرتها كانت فى دهشور بجوار هرم والدة سنفرو
لكن هوة نقلها علشان مش تتسرق
وبردوة اتسرقت بس موش كلها
والحاجات اللى لاقيناها فيها دوقتى فى المتحف المصرى


نيجى باة على عمو خفرع
ودة شكل قمة الهرم كان بيعملوا شكل صغير للهرم من الجرانيت واحيانا كان يطلى بالدهب علشان يعكس ضوء الشمس


ارتفاعة 134 متر
لو روحنا هنالك هنلاقى ان هرم خفرع اعلى نسبيا من هرم خوفو فى الارتفاع ودة علشان هرم خفرع مبنى على هضبة مرتفعة كما فى الصورة


ودة شكل الهرم من جوة




ودة التابوت بس كان فاضى بردوة
اقام خفرع بعض المعابد بجوار الهرم لكن دوقتى اصبحت بقايا


معبد الوادى للملك خفرع من الداخل.
و يتم فى هذا المعبد استقبال الملك اثناء زيارته للأشراف على بناء الهرم أو لاستقبال الزائرين و الوفود بعد موت الملك لتقديم القرابين .
و قد عثر داخل معبد الوادى الخاص بالملك خفرع على تمثال من الديوريت موجود الآن بالمتحف المصرى

حاليا يوجد داخل هذا المعبد بئر صغيره يروج لها البعض انه إذا ألقى بها شخص قطعه من النقود و تمنى أمنيه فإنها تتحقق
نيجى باة
لهرم منكاورع
وهوا صغر هرم

ارتفاعة 66ونصف متر
يعنى نصف ارتفاع الهرمين التانيين
ودة يدل ان البلد فى الوقت دة كانت بتمر بازمة اقتصادية

ابو الهول

اللى بناة هوة خفرع
بعد ان بنى التلات اهرمات
اتفضل قطعة حجر فى المكان كانت مخلية المكان شكلة وحش
وكانت خامتها وحشة جدااا
قام خفرع باة خلى الناس تنحتها على الشكل دة
واللى حمى التمثال للوقت دة ومخلهوش يتهد
ان معظم الوقت كان مدفون تحت الرمال

طولة 60 متر وارتفاعه 20 متر
وهوة وجه انسان وجسد الاسد
طويب لية اختاروا الشكل دة حتى ياخذ قوة الاسد وحكمة الانسان
حتى يحمى مجموعة الاهرامات
الوجه يرتدى القلادة الملك وكانت لة لحية تركب الان فى المتحف البريطانى فى لندن


ارتبط بة كثير من الاساطير
حيث انك تجد امامة لوحة من الجرانيت"لوحة الحلم"
لتحتمس الرابع من الاسرة ال18 يقول فيها انة كان راجع من رحلة تعبان فنام تحت ابو الهول فخير اللهم اجعلة خير
جالة فى الحلم عمو ابو الهول وقالة
"لو انت شلت عنى الرمل دة انا هخليك ملك على مصر" وبالفعل دة اللى حصل

لو لاحظنا هنلاقى ان انف ابو الهول موش موجودة
فى ناس بتقول ان نابليون هوة اللى كسرها
لكن دة موش صح
الصح باة : ان فى واحد من الصوفيين اسمة صائم الدهر
اعتقد انة تمثال للعبادة زى الاصنام كدة وحاول يدمرة
لكن مقدرش غير على انفة فقط


وبكدة تكون خلصت رحلتنا انهاردة
كده انتهت الجوله و اللى يحب يروح يركب خيل أو جمال يتفضل بس يخلى باله
ومش تتاخرو ا على ميعاد المرواح
الساعة 5 قدام الهرم الكبير هنتحرك
انا عارف رغيييت كتييير اوووى انهاردة
بس يارب اكون شرحتلكوا كويس
ووفيت المكان حقة
وموش تهتوا منى
واستنونى باة المرة الجاية
عملكوا مفاجئة



الــــــــــــــــــحـــــــــــــريــــــــــــــــــــــــف
الرجوع الى أعلى الصفحة اذهب الى الأسفل
http://www.sahr2009.yoo7.com
الصقر المصرى
سوبر
سوبر


اوسمه:
ذكر
عدد الرسائل: 156
تاريخ الميلاد: 05/10/1988
العمر: 26
العمل/الترفيه: فاضى
المزاج: عالى
تقييم: 18
تاريخ التسجيل: 18/11/2008

مُساهمةموضوع: رد: رحلة الى الاثار المصرية العظيمة والى احلى الاماكن فى مصر !!!!   السبت أكتوبر 09, 2010 12:20 pm

تسلم الايااااااااااااادى
الرجوع الى أعلى الصفحة اذهب الى الأسفل
 

رحلة الى الاثار المصرية العظيمة والى احلى الاماكن فى مصر !!!!

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سهرالليالي ::  :: -