سهرالليالي
منتدى سهرالليالى ♥♥ .... أحلى منتدى
مرحبا بك ....عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائها اهلا بك فى اسره منتدى ......... 🌺 سهرالليالى
احلامنا البسيطه لازم تجرى فى دمنا علشان نقدرنعيش ونحقق حلمنا♥♥.
المواضيع الأخيرة
أفضل 10 أعضاء في هذا المنتدى
1967 المساهمات
1279 المساهمات
1144 المساهمات
1027 المساهمات
978 المساهمات
839 المساهمات
824 المساهمات
794 المساهمات
715 المساهمات
639 المساهمات
المتواجدون الآن ؟
ككل هناك 5 عُضو متصل حالياً :: 0 عضو مُسجل, 0 عُضو مُختفي و 5 زائر

لا أحد

مُعاينة اللائحة بأكملها


شاطر
استعرض الموضوع السابقاذهب الى الأسفلاستعرض الموضوع التالي
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

اخضر وباستك من فوق

في الخميس يوليو 16, 2009 10:19 pm


فى حملة تفتيشية تنضيفية على التلاجة

قررت اني أرتب التلاجة

واشوف ايه اللى موجود وايه اللى ناقص

وبعد ما أكتشفت ان التلاجة مليانة خيرات

على هيئة أزايز مية

وعلبة سامبا موف

وازازة انتينال لعلاج الاسهال

وازازة ميجافين خافض للحرارة

وشريط كيتوفان

وكيس مليان لمون

وطبق فيه عدد اربع مشمشات

مائل لونهم الى البني فى ازرق

وعدد اتنين بيضة فى رف البيض

و ..... و ....... وبس

إيه إحنا هننهب .... كفاية كدة



المهم إني اكتشفت وجود كيس غير محدد الهوية

فى اقصى يمين الرف الوسطانى من التلاجة

الكيس مربوط بأستك من فوق

و المادة الموجودة داخل الكيس

مائلة الى الإخضرار

ولأنى مش مدي أى خوانة لمحتويات تلاجتي

فققرت انى افتح الكيس من غير ما اخد ساتر

و ليتنى ما فعلت




انا ماسك الكيس

بفك الاستك

بفتح طرف الكيس

نظرا لانه كان مضموم على بعضه

بلقى نظرة استكشافية على محتويات الكيس

لعل وعسى انى اعرف ايه اللى جواه

من غير ما اضطر انى استخدم حاسة الشم

ولكن للأسف عينى ما عرفتش ايه الحاجة دى

فاضطريت ان امد بوز مناخيرى

جوة الكيس يمكن اعرف المحتوى من الريحة

وليتنى ما فعلت



لانى بمجرد انى خدت نفس

اتخضيت

اه والنعمة اتخضيت

لانى لم اشم فى حياتى مثل هذه الرائحة

كانت حقا رائحة عطنة


وقررت انى ارمى الكيس فى الزبالة

ولكن حب الفضول عندى منعني

وقلت فى عقل بالى

معقول هارمى الكيس

من غير ما اعرف محتوياته؟

لا يمكن ابدااااااااااااا

لزمن وحتما ولا بد اعرف ايه اللى فى الكيس


وبعد تفكير وتمحيص

فى كيفية العثور عن طريقة

لمعرفة محتوى الكيس

دون المزيد من الاصابات الحسية

المتعلقة بالحواس الخمس

يعنى كفاية حاسة الشم والبصر عندى إتأذوا

يبقى بلاش أأذي باقى الحواس

ولا سيما اللمس

بإعتبار انى اكيد مش هاستخدم

حاسة التذوق ولا السمع

لمعرفة مابداخل الكيس

وبعدين كله إلا اللمس

أنا لو حاجة وقعت من الكيس ده على ايدى

هاقرف أوي أوي أوي



وقعدت افكر لو انى املك الحاسة السادسة

اللي تخلينى اعرف ما بداخل الكيس

من غير ما أعانى كل هذه المعاناة






اممممممممممممممم

تعمل ايه يا واد يا هومة

امممممممممممممم

تعمل ايه يا واد يا هومة




اييييييييييييون

انا ارمى محتوى الكيس فى التواليت

وبكدة اقدر اعرف

ايه الحاجة الخضرا دى

اللى كانت مربوطة باستك من فوق

وفى نفس الوقت

اقدر اسربها عن طريق شد السيفون

وكل ده من غير ما اعرض

حاسة اللمس عندى للإصابة




وبالفعل عملت ما املاه عليا ضميرى

وقمت برمى محتوى الكيس داخل التواليت

ولما المادة الخضراء تفككت شوية

بسبب سقوطها داخل مياه التواليت

قدرت احدد وجود حبيبات تشبه حبيبات الفول

ولكن مع اختلاف لونها

وعرفت ان اللى كان موجود فى الكيس

شوية فول بنص جنيه

ولما استعدت ذاكرتى هو انا امتى جبت فول

اكتشفت ان الكلام ده كان من قيمة سبع شهور وزيادة




ولحد هنا كان حب فضولي

لاكتشاف محتوى الكيس كان انتهى

ويبقى كيفية تسريب شوية الفول

المرميين فى التواليت

ودى مش محتاجة تفكير

هي شدة سيفون وكل شئ يروح لحال سبيله

وبمنتهى الثقة دوست على السيفون

وخرجت برة الحمام



وبعد ربع ساعة البي بي نئح عليا

دخلت الحمام علشان افك حصر

لاقيت ان كتلة الفول مازالت موجودة فى التواليت

رحت شديت السيفون تانى

لاقيت ان مية السيفون

تنتشر من جوانب التواليت

و تاخدلها لفتين تلاتة

وتطلع فوق وكتلة الفول طافية على وشها

والمفروض انها تنزل بقى وتتبلع



لكن ابدا مش ده اللى حصل

انا لاقيت المية بتطلع فوق

وعلى وشها جثة الفول

والمية عمالة تطلع تطلع تطلع

لدرجة انى تراجعت ورا خطوتين

والاقى ان المية تقف

عند قبل حافة التواليت بشوية

وتنزل بشوييييييييييييييييييييش

ومازالت جثة الفول طافية على وشها



قلت فى عقل بالى وانا مخضوض

معناته ايه الكلام ده؟

معقول التواليت اتسد؟

وهيفضل عملي الردي قدام عنيا

طافى على وش المية؟

وااااااا تواليتااااااااااه




لكن لما بصيت للجثة تانى

اكتشفت انها اتحللت شوية

وحجمها اقل

اذن يبقى الحل انى اشد السيفون

كام مرة ورا بعض

لحد جثة الفول الخضراء ما تختفى خالص


وبالفعل بعد تسع مرات شد سيفون

اختفت جثة الفول الخضراء

وقدرت اعمل بي بي براحتي




بس خلاص

وكل الكلام اللى فوق ده

نطلع منه بحاجة واحدة بس



نظرا لطول مدة تسريب الكتلة عن طريق التواليت

وشد السيفون تسع مرات ورا بعض

والتى ان دلت على شئ

فهى تدل على كبر حجم كتلة الفول

يتضح لنا

ان شوية الفول

ماكنوش بنص جنيه بس

دول اكيد كانوا بجنيه ونص







أخر الكلام

ليس كل ما يلمع ذهب

وليس كل أخضر وبأستك من فوق شراب
avatar
محمد السحرى
سوبر
سوبر
اوسمه :
ذكر
عدد الرسائل : 1144
تاريخ الميلاد : 18/10/1981
العمر : 36
الموقع : sahr2009.yoo7.com
المزاج : احبكم
تقييم : 206
تاريخ التسجيل : 22/12/2008

رد: اخضر وباستك من فوق

في الجمعة يوليو 17, 2009 10:40 pm
ايه يا عم ادهم غلبتن معك والاخر يطلع فول برضو فول هو انت ما بتبش منه .بجد كل موضيعك جميلة يا ادهم بس بلاش
حكاوى الفول لاحسن بيعملى عسر هضم خليك فى اللحوم يا عم ادهم كفانا فول بجد شكرا يا ادهم على كل موضيعك الجميلة
اتمن ليك السعادة والصحة بعيدا عن الفول وما اشبه

_________________
الى من يقراء كلماتى قد تعجبك او لا تعجبك لكن اعرف انك تقرانى انا فاانا ما بين السطور انا النقاط فوق الحروف فلا تضع كلماتى  على نحو او صرف او وزن بيت او قفيت شعر فاانا لا اكتب الا احساسى
avatar
emy
سوبر
سوبر
اوسمه :
انثى
عدد الرسائل : 794
تاريخ الميلاد : 21/10/1986
العمر : 31
العمل/الترفيه : \'طالبه جامعيه
المزاج : روشه
تقييم : 34
تاريخ التسجيل : 25/11/2008

رد: اخضر وباستك من فوق

في الإثنين يوليو 20, 2009 1:35 pm
والله انت شاطر وزوج مثالي
العنوان والفكره
روعه

_________________
في الحب خطابات نبعث بها
وأخرى نمزقها
وأجمل الخطابات هي اللتي لا نكتبها ........ ايمى
avatar
emy
سوبر
سوبر
اوسمه :
انثى
عدد الرسائل : 794
تاريخ الميلاد : 21/10/1986
العمر : 31
العمل/الترفيه : \'طالبه جامعيه
المزاج : روشه
تقييم : 34
تاريخ التسجيل : 25/11/2008

رد: اخضر وباستك من فوق

في الإثنين يوليو 20, 2009 1:37 pm
والله انت شاطر وزوج مثالي
مشكله لماالتلا جه بتكركب

العنوان والفكره
روعه

_________________
في الحب خطابات نبعث بها
وأخرى نمزقها
وأجمل الخطابات هي اللتي لا نكتبها ........ ايمى
avatar
emy
سوبر
سوبر
اوسمه :
انثى
عدد الرسائل : 794
تاريخ الميلاد : 21/10/1986
العمر : 31
العمل/الترفيه : \'طالبه جامعيه
المزاج : روشه
تقييم : 34
تاريخ التسجيل : 25/11/2008

رد: اخضر وباستك من فوق

في الإثنين يوليو 20, 2009 1:40 pm
والله انت شاطر وزوج مثالي
مشكله لماالتلا جه بتكركب
مش بالاقي الشجاعه الكافيه اني انضفها ولاحتي في عيد الام
العنوان والفكره
روعه

_________________
في الحب خطابات نبعث بها
وأخرى نمزقها
وأجمل الخطابات هي اللتي لا نكتبها ........ ايمى
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى