سهرالليالي
منتدى سهرالليالى ♥♥ .... أحلى منتدى
مرحبا بك ....عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائها اهلا بك فى اسره منتدى ......... 🌺 سهرالليالى
احلامنا البسيطه لازم تجرى فى دمنا علشان نقدرنعيش ونحقق حلمنا♥♥.
المواضيع الأخيرة
أفضل 10 أعضاء في هذا المنتدى
1967 المساهمات
1279 المساهمات
1144 المساهمات
1027 المساهمات
978 المساهمات
839 المساهمات
824 المساهمات
794 المساهمات
715 المساهمات
639 المساهمات
المتواجدون الآن ؟
ككل هناك 5 عُضو متصل حالياً :: 0 عضو مُسجل, 0 عُضو مُختفي و 5 زائر

لا أحد

مُعاينة اللائحة بأكملها


شاطر
استعرض الموضوع السابقاذهب الى الأسفلاستعرض الموضوع التالي
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

حصريا ولاول مرة صفحات من مذكراتى

في الأحد يوليو 26, 2009 11:30 pm
تقييم المساهمة: 100% (1)


بمجرد ان انهيت المكالمة شعرت ان كل شيء غبي و ليس في مكانه الصحيح,تمنيت ان تكون كل الاشياء واضحة امامي حتى لجزء من الثانية سأنشغل فيها باكتشافك,بمجرد ان انهيت المكالمة امسكت "الموبايل" لأتصل بصديقتي,فوجدت على الشاشة تساؤل تكنولوجي بحت delete "his name"..? yes or no ,

نظرت الي الموبايل بدهشة,انا لم اضغط على زر الحذف, و لكن ما اهدشني اكثر ان الموبايل لم يعطيني الاختيار الثالث و الذي اضاء في ذهني وقتها
OFCOURSE NOT

كل شيء غبي..و ليس في مكانه الصحيح.
**************
من غير وجع في القلب و لا خوته
لو مُت ابقوا زوروني يا حبايب
بسميط و جبنة و بيرة و اطايب
و ابقوا هاتوها تزورني وياكوا
ولو ماجتش ح اكون صحيح ميت!!!!

**********

ليس من العدل ان اقضي الساعات الاولى من عامي الجديد في عدم فهم لكل شيء,للحياة, للاشياء التي من المفترض ان افعلها و الاشياء التي لا يصح ان افكر في الاقبال عليها,ان افهم ما اريد, , عدم فهم لكثير من النظرات التي تعتمد على ذكائي, و لما فهمه الاخرين من نظراتي , للعلامات, لا, العلامات هي الاكثر رفقاً بي هذه الايام,امسكت ديوان "حبة تراب" و فتحته عشوائياً

يبقى لمّا يعوز يفضفض
تبقى هي له صديق
و اما يجري بسرعه يلحق
حضنها وسط الطريق
تبقى قصة من الطبيعية
كلها بحق وحقيق


!!!!!


*************


عبقرية و مذهلة فكرة الموت في نفس يوم ميلادك ,مادمنا سنموت على اي حال فلماذا لا نموت باداء مؤثر و اكثر مأساوية,و لكن هل سيمنحني القدر هذا ال"سوكسيه" الكوني؟!,لما لا ؟؟!..فطالما كان القدر كريم معي ليثبت لي اني متفرد واعيش حياة لا تقل غرابة عني...و على اي حال انا لا اريد ان اموت الان,و لا اريد ان احيا ايضاً..انا فقط اريد ان اعيش.

*************

افتح ديوان "عمر طاهر" عشوائيا بعد ان كتبت الفقرة السابقة فأجد :

مذهول من توقيت ظهورك في وقت مناسب لأي حاجة
لانتحار جماعي هيبدأ بدردشة اخويه
او لدردشة اخويه ممكن تاخدنا لانتحار جماعي
ممكن كمان احاول المسك
بقالي كتير مش قادر المس حاجة
و محتاج اقفل الدايره
بحد يسحب مني الكهربا
علشان لما الدنيا تنور
يقدر يشوفني صح
فأقدر اشوف نفسي في عينيه


***********

كل عام ,عندما يقترب عيد ميلادي,اشعر بالسخف,بالملل, و اشعر بالعبء الذي القيه على كل من حولي ,و اتمنى ان يحدث شيء غريب جدا لي في هذا اليوم,شيء غريب بنفس درجة غرابة زجي في هذه الحياة بالقهر,اليوم اكتشفت ان الحياة لم تفاجأني بأحداث جوهرية في حياتي منذ 26 عام!!!!...ياللمل!!!!

*************

هذه المرة فتحت كتاب عمر طاهر ايضا,فوجدت القصيدة التي نعلم انا واصدقائى ان الكتاب "مف..." من عندها,بمعنى انها علامة لا يأخذ بها و في رواية اخرى علامة باطلة,اغلقت الكتاب و "فررررررر" ,,نفس الصفحة,,حسنا,,مرة اخرى.....فرررررررر...نفس الصفحة...لا مفر..ها هو ما وجدته


قورتك ينفع يدق بيها مسمار في الحيط
و شفايفك من النوع اللي لازم يتباس في الشارع ادام الناس
جرح فوق حاجبك بيلمس القلب بسرعة
وتوترك اكتر حاجة مصدقها فيكي.
بتكرهي الوظيفة و ماتعرفيش حماقي
بتدخني زي الست العجوزة
و شكلك زي السكرانة طول الوقت
بتواجهي العالم بخجل
بس بتفتحي باب التاكسي بمنتهى الثقة
و عمر المزيكا ما سكتت في راسك...
مزعجة.
بتبني اسطورتك كأنثى في صمت
و بتنغزيني بابتسامة ,كل ما اقرب افك شفرة حزنك المألوف

كنت فاكرك مجنونة

دلوقتي معرفش ليه بقيت متأكد؟


الغريب ان السؤال هذه المرة الذي دار في ذهني قبل ان افتح الكتاب,"هو ممكن يكون شايفني ازاي؟!!!" ..فاذا كانت هذه العلامة صادقة,فسأكون شاكر جدا للقدر اذا قابلته غدا في "الشارع" صدفة.



************

صوت انفاسَك الثقيلة,مُحمَل بالحزن و التعب و الارهاق,انفاسك الثقيلة الهادئة التي لا اسمعها الا اذا اقتربت منك مسافة لا تزيد –للأسف-عن نصف متر ,انفاسك ,اتعبتني,ارهقت مقاومتي..انفاسك الثقيلة الحزينة الواثقة..من فضلك..دعها لي.ولو لليلة لواحدة...كأمنية من حقي اليوم, او كمعروف من شخص كريم مثلك.
************

العلامة هذه المرة من ديوان حبة تراب,لم اسأل الكتاب, انا فقط فتحته بعد ان كتبت هذه الفقرة ايضاً..فكان!!!!!!!:

ممكن اعزم نفسي
على فنجان شيكولاتة في بيتك!!!!
المطرة المجنونة
نسيتني الافكار..ما نسيتك
شوكولاته تدفينا
و احنا على السجادة
يا كناريا في تراسينا
سكر ريقها زيادة
ما تبصيش على ساعة الحيطة
و تجيبي سيرة الشغل الصبح!!
خلينا قاعدين نتكلم..نتكلم
نتكلم..نتكلم!!!!
لما نموت م الحب.

لا اعتقد ان هناك شخص سيصدق ان هذه هي الصفحات التي فتحت الكتاب عليها عشوائيا سوى شخصين او ثلاث بالكثير هم فقط الذين علموا ان الكتب ..بتتكلم معانا فعلا
!!



********

ف النهاية اود ان اكون سخيف كعادتي,و العب لعبة صغيره اخرى,اريد ان اقول شيء لكل شخص مهم في حياتي , و لكن لن اقول ان هذه الجملة له, بعض من هؤلاء الاشخاص..قمت بعمل "tag" لهم ,فليجد كل واحد منكم رسالته..و الباقين لم يتوفر لهم "اكونت " للفيس بوك للأسف الشديد.


• انت عارف انك فعلا- و من غير ما تقصد- اول حد قالي كل سنة و انتي طيب و كانت فعلا طريقة القاءها مميزة و واثقة زيك بالظبط,انا اسف لو كنت عملت اي حاجة ممكن تتفهم بشكل غريب او غلط بس كل اللي عايز أأكدهولك.....
مش هقوله بردو...اعتقد باين يعني اوي!!!!!!! ,و ايه بقى..كلمني عن العلامات!!

*في حاجات كتير بتروح مننا طول ماحنا عايشين, بس دايما بنلاقي حاجات تانية رائعة بتكون هي الاكثر اهمية في حياتنا دلوقتي,لان غالبا ربنا مش بياخد منا حاجة احنا محتاجينها ,احنا بس اللي دايما نتمسك باللي راح عشان حياتنا تكون مأساوية ,م الاخر يعني,,,مش عارف من غيرك يا بنت الذينا كنت هعمل ايه في الشهور الاخيرة دي..وبعد كده.. مش هتخيل اساسا لاني عارف انك هتكوني موجودة.
• كويس الاداء ده!! مش بطال!!...بس مش اد كده يعني..انا مش عبيط و لا اهبل عشان مفهمش ان في حاجات كتير غلط و متغيرة,اللي ربا بقى.
• لو مكنتش عاهدت نفسي اني عمري ما هقول على حد انه زي ابويا,كنت قلت لك.... انك زي ابويا.
• يابتني افهم ..الفكرة مش انك تقربى..الفكرة انك تقربى صح..و الاقتراب و التقهقر..ثم الاندفاع .. ثم الانسحاب..مش بياكل معايا..خاصة لما اكون بتفرج من بعيد تماما و مقربتش م الاساس...ركزى وفرقى بين لحظات الضعف و الرغبة الحقيقية!
• الاصدقاء اللي بجد اللي تفضل تعيد اكتشافهم في كل موقف يمر بيك,و كل حاجة تكتشفها تعجبك اوي,انت حد جدع اوي ياض.
• في ناس من كتر ما هما كويسين اوي مش بتقدر تصدق انهم كدا,و بتبقى مستنيلهم على غلطة,انت بجد حد جميل جدا و اخويا اللي مخلفتوش 
• نفسي تصدق انك ممكن تلاقي واحدة تحبك بجد و مش مهم هتلاقيها امتى ,بس ساعتها مشاعرك دي كلها مش هتروح في السكة الغلط..ايوة انت..ماتستغباش!!
• يا بنتي احنا مش هنعرف نحب بعض صح,الا لو عرفنا ازاي...نحب بعض صح!
• على الرغم من انك حد غريب الاطوار,و بتتعمد تبين لكل الناس انك حد مش كويس,الا اني عارف انك جميل اوي من جوه,انا بعزك جدا و مش بقدر انسالك اللي عملته معايا في بداية حياتي في الشغل.

avatar
ساره
سوبر
سوبر
اوسمه :
انثى
عدد الرسائل : 1027
تاريخ الميلاد : 26/10/1987
العمر : 30
العمل/الترفيه : طالبه
المزاج : 100
تقييم : 99
تاريخ التسجيل : 24/10/2008

رد: حصريا ولاول مرة صفحات من مذكراتى

في الإثنين يوليو 27, 2009 4:29 pm
ممكن اعزم نفسي
على فنجان شيكولاتة في بيتك!!!!
المطرة المجنونة
نسيتني الافكار..ما نسيتك
شوكولاته تدفينا
و احنا على السجادة
يا كناريا في تراسينا
سكر ريقها زيادة
ما تبصيش على ساعة الحيطة
و تجيبي سيرة الشغل الصبح!!
خلينا قاعدين نتكلم..نتكلم
نتكلم..نتكلم!!!!
لما نموت م الحب







احترت والله من المذكرات بتاعتك
فين الشرح والتفسير
دى اصعب من ميكانيكا السنه دى بغموضها


اقولك بحب كل اللى تكتبه
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: حصريا ولاول مرة صفحات من مذكراتى

في الثلاثاء يوليو 28, 2009 10:12 am
تقييم المساهمة: 100% (1)
مذكراتى سهلة جدا يا سارة
وحلاوة مذكراتى مش انها تكون سهلة مش صعبة
حلاوة مذكراتى انى عشتها
وحسيت بطعمها
وكلامة واضح جدا
بس محدش هيفهم الاحداث والتفاصيل والاسماء
والاماكن غير اللى عاش معايا الحدث
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: حصريا ولاول مرة صفحات من مذكراتى

في الثلاثاء يوليو 28, 2009 10:57 am
تقييم المساهمة: 100% (1)
كل الكتب بتقول كلام



لكن كلام ..عن كلام يفرق



تمام زي الشفايف



كلها بتعرف تبوس



بس بوسة ...عن بوسة


تفرق
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: حصريا ولاول مرة صفحات من مذكراتى

في الثلاثاء يوليو 28, 2009 6:04 pm



في البداية لم تكن صلتي بها تتعدي السلام عليكم وعليكم السلام فهي تعمل في السيبر المجاور ، جذبتني اليها ابتسامتها الخلابه ووجهها الطفولي الملائكي شديد البراءة وجمالها الآخاذ ، تبتسم لي كلما رأتني ،
,و بالرغم من ذلك شعرت تجاهها بالاعجاب والحب الشديد فروحها خفيفه و طريقتها في التعامل راقيه
عمرها لا يتجاوز الثامنه عشر حصلت لتوها علي دبلوم تجاره ثم قررت ان تكمل دراستها في معهد عالي سنتين ، علي امل ان تلتحق بالجامعه بعد ذلك

صدمتني يوما عندما قابلتنى وانا خارج من المستشفى واستوقفتنى لتسأل عن نوع من الادويه المدعمة

استاذ ادهم لو سمحت ممكن تعرف حد فى المستشفى يجيبلى الحبوب دي

كانت علبة ليوكيران Leukeran التي يتناولها مرضي سرطان الدم " اللوكيميا "

لا والله يا مها اصلها مدعمة وناقصه جدا لمين لحد قريبك

لا ليا ...........

ليكِ انتِ .....!!!!!!!!!!!!!!!!!!!!!!

ايوه

لأ بجد .....؟؟؟؟؟؟


نظرت الي نظره حزينه وقال

آه والله ليا يا ادهم

صدمتني اجابتها و ظللت لفتره لا اصدق كلامها واعتقدت انها تقول ذلك لاعطيها علبه ، فهذا الدواء مدعم من الدوله وغير متوفر بالمره ، كل صيدليه تحصل علي كوته علبه او اثنين مره او مرتين في السنه ،

نظرت اليها في اسي ووعدتها اني ساحاول توفير علبه في اقرب وقت ، فشكرتني وانصرفت بهدوء ، وانا مازلت مذهول ولا اصدق ان المرض اللعين ينهش جسد هذا الملاك البرئ الذي يقاتل جيوش السرطان في صمت

ثم بعدها حاولت ان اعرف اكثر عن ظروف هذه الفتاة الجميله التي تصارع المرض اللعين ببساله

علمت ان ابيها وامها يعملان علي عربة لبيع الفول والطعميه بجوار الفرن البلدي القريب، ومها هي الثانيه في ترتيب الابناء يكبرها اخوها بثلاث سنوات ، حصل علي دبلوم صنايع وعندما لم يجد عمل اضطر ان يعمل علي توكتوك باليوميه ليساعد ابيه في مصاريف المعيشه
ويليها اختان واخ في مراحل التعليم المختلفه
ظروف اسرتها السيئه لم تسمح بمصاريف أخري علي الدراسه وبالتالي قررت ان تساعد نفسها بالعمل حتي تحقق حلمها وتلتحق بالجامعه

لم تكن الاسره تشعر بعبء مصاريف العلاج باهظ الثمن فقد كانت تعالج علي حساب التأمين الصحي لطلبة المدارس ، وعندما حصلت علي الدبلوم توقف التأمين ليترك الاسره تعاني الأمرين ، وتعتمد في العلاج علي مساعدات اهل الخير

كانت تعالج في المستشفيات الحكومية ، وكثيرا ما كانت تضطر لشراء بعض الادويه باهظه الثمن والتي تتجاوز الالف جنيه ،
كما كانت تضطر لانتظار دورها في تلقي العلاج بسبب عدد المرضي الرهيب ، نصحها البعض بعمل علاج علي نفقة الدولة لتستطيع مواجهة نفقات العلاج
وبالفعل بدأت في الأجراءات التي كانت معقده جدا آن ذاك

كنت اراها تشحب يوم بعد يوم ، يخبو بريق عينيها وتكسوها الهالات السوداء ، وبالرغم من ذلك لم تترك العمل الا بعد فتره

وكانت امها تموت في اليوم مائة مره ، تتحسر علي اجمل بناتها وهي تذبل ويتساقط شعر راسها الناعم الطويل ، وتأتيها نوبات من الغثيان والدوخه، و تعاني من هزال شديد ، وتفتك بها الآلام يوميا ولا تستطيع ان تفعل شئ لانقاذها مما هي فيه

بعد فترة انقطعت تماما عن العمل وعرفت انها حصلت اخيرا علي قرار العلاج علي نفقة الدوله و دخلت المستشفي بعد تدهور حالتها بشده لتكن تحت ملاحظه مستمره وتتلقي العلاج بانتظام

ثم لم ينقضي اسبوعان الا وقد رفعت الرايه البيضاء معلنة هزيمتها امام هذا المرض اللعين ،وأسلمت روحها لبارئها وهي مازلت في ريعان الشباب


انا لله وانا اليه راجعون

الله يرحمك يا مها
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: حصريا ولاول مرة صفحات من مذكراتى

في الثلاثاء يوليو 28, 2009 6:09 pm


فى ليلة شتاء باردة برد فظييييييييع مريييييييييع سقيييييييييييع

الجو تلللللللللللج

الامطار مشخلعة الشوارع

وانا نويت الشتا ده انى البس لبس خفيف قلت عشان استمتع بالشتا

المهم طبعا بردت اوى وجالى مغص م البرد

والساعة 12 بالليل

قلت لما اركب تاكسى

وان الواحد يلاقى تاكسى فى الزمان ده معجزة

وده كله بسبب الدولار

المهم لقيت تاكسى انتيكة وابن حلال جاى بيتمطّع وبيتدلع

السواق بطـــــــــــــــــــــــــــــــــــــــــــــــــــــــيء

الازاز ما بيتقفلش والجو تـــــــــــــــــــــلج

وفى نص الطريق

لقيت العربية وقفت

لقيت السواق بيقوللى

انا اسف اوى

لا يا حاج ولا يهمك بس انا بصراحة مفيّاش حيل انى ازؤ

لا يا ابنى انا متأسف

طب ننزل نزؤ سوا

لا يا ابنى متأسف معلش

طب نستنى حد ييجى يزؤنا

لا يا ابنى انا آسف

فى ايه يا حاج

يا ابنى العربية مش عطلانة ولا حاجة ده انا اللى وقفت

طب ووقفت ليه؟

ورد عليا الرد المفحم

الرد الامثل

الرد الاعظم

وقال

انا اسف معلش
ممكن تنزل لانى مش هقدر اكمل الطريق لان ميعاد نومى جه

قلتله انا اسف يا حاج
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: حصريا ولاول مرة صفحات من مذكراتى

في الجمعة يوليو 31, 2009 9:01 pm
تجلس ترمقني وانا حزين و نظرة عينيها تتأرجح بين الشفقه و الرغبه و الاعجاب

اتكلم انا ..و تنصت هى.. بدون ان تفارفقها تلك النظره التي اعشقها

اسكت انا....و هى لا تزال ترمقني

اخجل...اضحك...تضحك عينيها لرؤيتي اضحك

تنظر لي في صرامه مداعبة..اضحك اكتر


اود ان ارتمي بين زراعيها


تمنعني بنظره من عينها و كأنها قرأت افكاري

اتذكر حدودي التي لن اتخطاها

اتألم...ابكي بروحي..اجلس حزين مره اخرى
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: حصريا ولاول مرة صفحات من مذكراتى

في الجمعة يوليو 31, 2009 9:20 pm


انا حلمت بيها النهاردة....وده شيء كويس جداً

بس خلاص صحيت من النوم.. و ده شيء مش كويس خالص

الحلم بقى كان فيه حضن ابن ناس اوي ..حضن زي ما يكون حقيقي

حضن دافي...حنين..حضن ريحلي نفسيتي..حسسني اني عايش جواه و مش خايف من حاجه

حسسني انها ملكي...حسسني انها ست اوي وانثى اوى وان انا راجل اوى مع ان رجولتى مكانتش محل شك

حسسني ان اي حاجه فعلاً تهون مادام هى هتيجى بعديها و تحضني كده..

يالهوي...كل ده في حضن في حلم...امال لو حضنتها بجد بقى

صعب جداً احدد انا حاسس بأيه من ناحيتها...بحبها ممكن ...برتحلها اكيد ..عايزها ده أكيد

بس المشكله..و اللي بواجهها دايما كل لما بتعلق بحد..ان الحد مايكنش من حقي

ملحوظة : الحلم دة من قريب
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: حصريا ولاول مرة صفحات من مذكراتى

في السبت أغسطس 01, 2009 3:59 pm
وانا في سنة تانيه اعدادي كان عندي مدرس علوم اسمه ندا .. آه والله اسمه ندا .. مع انه مش ندا خالص .. ده المفروض يبقى براكين .. زوابيع .. زلازيل .. أي كارثة من الكواريث وخلاص , ده كان مربّي شنب قدّي على بعضي دلوقتي .. شنب شنب يعني , وياسلام على عصايته .. هي لوحدها كده كانت بتبث الرعب في قلوب الطلبه .. بل والمجرمين على حد السواء , أما أسلوبه في الضرب .. فحدّث ولا حرج .. لدرجة اني بعد ما شفت فيلم الكرنك .. ربطت بينه وبين فرج اللي كان بيغتصب سعاد حسني في الفيلم

الراجل ده كان مستقصدني .. مش مستقصدني لوحدي .. كان مستقصد كل الطلبه .. اللي مابياخدش درس عنده كان يهريه ضرب , وأتذكر على ما أتذكر انه في مره عمل امتحان شفوي مفاجئ .. و العيال اللي بياخدو عنده درس - كانو اربعه - ماحدش فيهم انضرب لأنهم كانو عارفين الإجابات .. باقي السبعين واحد اللي في الفصل - أو خمسه وستين مش فاكر - اتعبطو على الأظئوظه أو المؤخرة , والاربعه اللي بياخدو الدرس هم اللي كانو مسئولين عن تجهيزنا للعبط .. واحد يمسك إيد والتاني يمسك الإيد التانيه .. و واحد يمسك الرجلين .. والرابع بيصدّر الأظئوظه للي يقدّرها .. قصدي للمدرس
في اليوم ده رجعت البيت وقلتلهم عالحوار .. خصوصا اني ماكنتش عارف اقعد خالص والدنيا وحوحه يابن عمي , قامت امي .. أخدت على عاتقها انها تشرحلي العلوم .. وفعلا شرحتلي .. وياريتها ما فعلت وياريتها ما شرحتلي , لأن ندا لما لقاني باجاوب استغرب قوي .. وبقى بيتعمد انه يسألني في حاجات تانيه خالص
!! ده سألني عن الجدول الدوري الحديث وانا في تانيه اعدادي ياجرعان

وبعد فترة ليست بالكتير .. لوحظ عليّ عدم القدره على القعود .. وعدم القدرة على الوقوف أيضًا - اصل بتاع المواد الاجتماعيه كان بيمدّنا على رجلينا - و قرر ابويا وامي انهم يدّوني دروس في المواد العنيفه
!!!! تقريبا خافو لا الأظئوظه تكبر أو رجلي تفلطح
وقد كان .. وبقيت باروح المدرسه تاني يوم بعد كل حصه خصوصي .. و انا عارف المدرسين هيسألو في إيه .. ومذاكر اللي هيسألوني فيه وحامي ضهري

و ندا - بتاع العلوم - و سامي - بتاع المواد الاجتماعية - اتحوّلو للتحقيق بعد ما جه مفتشين من وزارة الداخليه .. قصدي وزارة التعليم , لأن المفتشين كانو بيسألونا واحنا ماكناش عارفين نجاوب , ماهو احنا مذاكرين اللي هيسأل العيال فيه ويضربهم لما مايعرفوش يجاوبو
!!! مش مذاكرين عشان - استغفر الله العظيم - نفهم
avatar
اسراء
مشرف
مشرف
اوسمه :
انثى
عدد الرسائل : 824
تاريخ الميلاد : 10/02/1989
العمر : 28
العمل/الترفيه : طالبه جامعيه
المزاج : روعه
تقييم : 72
تاريخ التسجيل : 29/11/2008

رد: حصريا ولاول مرة صفحات من مذكراتى

في الأحد أغسطس 02, 2009 12:56 pm
ههههههه
هو ده رومانسيه اوووي وفيه مواقف تضحك
حبيتهابجد وهادخل كل يوم اقراها
كل موضوع لك فيه حاجه بيقول حاجه حتي مذكراتك

_________________
مرحبا عدد قطرات المطر ..... مرحبا عدد اوراق النهر ..... مرحبا عدد اغصان الشجر مرحبا عدد امواج البحر

...... اسراء
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: حصريا ولاول مرة صفحات من مذكراتى

في الأحد أغسطس 02, 2009 5:17 pm


هي قالت له :- اخر قصيدة قرأتها لى كانت رائعة

هو ابتسم ورد:

- لكنها ناقصة

- وما الناقص فيها ..

- ينقصها اسمك ..كيف يكتب شاعر قصيدة تمتلأ عشقاً وولعاً وتيهاً في محبوبته ولا يكتب فيها اسمها ؟؟!!

تنظر نحوه في ارتباك وتقول :

- لكن اين ستضعه .. لا اعتقد ان هناك بيتاً يمكن ان تضع فيه اسمي ..

يرد في جدية :

- سنتصرف .. لو اضطررنا ان نغير بحور الشعر او حتى قواعد العربية نفسها سنفعل ..اسمك يجب ان يوضع في هذه القصيدة .. هي قصيدتك ، لولاك ما كتبت ..

تنظر نحو عينيه بحنان قائلة:

- تستحق جائزة على كلامك هذا .. اختر جائزة .

- أريدك ان تحتضنيني بأقوى ما تمتلكين .. ان تدفني رأسي في صدرك وتربتين على ظهري وتحكين لي قصة صغيرة..

- واي قصة سأحك لك .. ؟؟

- قصة عن ولد التقى بفتاة فأحبها اكثر مما تخيل ان بأستطاعته ان يحب .. واحبته هي اكثر مما يتخيل ان تحبه فتاة .. فكتب عنها قصيدة سيغير فيها قواعد اللغة العربية كي يستطيع ان يضع اسمها فيها،

تضحك ضحكة صافية وترجع رأسها للخلف تزداد ابتسامتها اتساعاً وهي تقول :

- أمممم انت تكتب شعراً وتحك حواديت ... امممم سعيدة الحظ انا كي احب رجلاً متعدد المواهب مثلك ..

- والرجل متعدد المواهب الا يستحق جائزة على تفوقه هذا ..؟؟

- يستحق بالتأكيد .. وأي جائزة اخرى سيريد ؟؟

- اريد عناقا آخر طويلاً دافئاً ذات ليلة اردد فيه على مسامعك كل كلمات الحب التي تعرفها الحياة حتى يطلع علينا الصباح وتشرق علينا الشمس

تبتسم له وتصمت طويلاً ..وعيناها مثبتتان على عينيه يقطع الصمت .. هو قائلاً :

- يا حبيبتي جريح أنا ..

- وانا سأداوي الجراح .

- وحزين انا

- وأنا من سيرسم لوحة الفرح على جدران حياتك

- وطيب انا جداً

- وانا امرأة تعشق رجلاً طيباً ..

- تدرين .. انت ايضاً تستحقين جائزة على هذا كله .. اختاري جائزة..

- اريدك ان تحتضنني .. تضمني بين ضلعوك .. تبعد عني الخوف والحزن ..وتقرب مني قلبك جداً فأسمعه يردد اسمي في كل نبضة من النبضات ..

يبتسمان ويصمتان طويلاً حتى تقطع هي الصمت ناظرة في ساعتها .. وتقول :

- علينا ان ننصرف .. لو طالت جلستنا اكثر من هذا لن يكفينا العمر عناقاً واحضاناً .. لن استطيع ساعتها ان اقرأ اشعارك ..

ينهضان ... يشبكان اصابع ايديهما.. يضغط على كفها بقوة وتضغط على كفه بقوة وينظران لبعضهما البعض نظرة حنان طويلة ودافئة ويغادران سائرين في هذا الشارع الطويل

--------
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: حصريا ولاول مرة صفحات من مذكراتى

في الأحد أغسطس 02, 2009 5:23 pm
تأتي امي من الخارج مرة مجهدة تجلس على كرسي قريب وانفاسها يعلو ويهبط في عنف من اثر الطوابق الأربعة التي صعدتها لتوها ، تطلب كوباً من الماء المثلج، وبعد ان تأخذ انفاسها وتخلع عنها حجابها وتمسح حبات العرق المتفصدة على جبهتها، تقول لنا في بهجة :-

-شفتم مش نيللي اتخطبت ؟؟!!

نغرق في الضحك نقول لها ان نيللي في عمر جدتنا تقريباً ومستحيل ان تكون خطبت.. فترد علينا :

-يا عيال مش قصدي نيللي انا قصدي البنت التانية دي الحلوة ...

نكمل ضحكنا...وبسخرية نأتي لها بأسماء الممثلات الواحدة بعد الأخرى، وهي ترد علينا "...لالا مش دي ...البنت الحلوة التانية القمورة ام عنين واسعة دي،...يسرا مين يا خايب انت ..لا انا عارفة يسرا ..بطل استعباط...البنت دي اللي طلعت مع الواد ابو دم تقيل في الفيلم...الحلوة دي"

نضحك كثيراً ونكثر في سخريتنا، فتأخذ هي على خاطرها، وتطلب منا الا نتحدث معها مرة أخرى، و تقوم صامتة حزينة كي تعد لنا الغداء،

في المساء .. حين يجلس كل بغرفته سمعنا صوتها ينطلق من الصالة منادية :

- ولد ...بنت ...عيال ...تعالوا بسرعة،

نجدها جالسة على ارض الصالة تمسك "الريموت كنترول" ، وتشير نحو التلفاز ..وتقول في فرح طفولي:

-هي دي بقى البنت اللي شفت صورتها في المجلة النهاردة في الشغل وقالوا انها اتخبطت ...،

نغرق في ضحكنا وتشاركنا الضحك هذه المرة، تقبلها اختي في وجنتيها وتصالحها ...بينما اطيل انا النظر في عينيها مشاهداً لمعان نشوة النصر في العينين الطيبتين ..وابتسم لها فتبتسم لي ..وامضي نحو حجرتي مرة أخرى.



avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: حصريا ولاول مرة صفحات من مذكراتى

في الإثنين أغسطس 03, 2009 2:18 pm


فى يوم..وانا بدور ف اعلانات الاهرام..لقيت شركه استيراد وتصدير طالبه موظفين يجيدون التحدث بلانجليزيه وكذلك الكمبيوتر
ولقيتها قريبه من البيت ...(قولت بس هيه دي)
ورفعت سماعه التليفون للاتصال بهم ...ردت عليا واحده ...وكان الحوار التالي

هي : شركه (تيييييت) .....الو
انا : لو سمحتي انا كنت بتصل عشان الاعلان اللي ف الاهرام
هي : ايوه ...انت ضليع فى قواعد اللغه الانجليزية ؟
انا : ايوه يا فندم
هي : وتجيد التعامل مع الكمبيوتر والانترنت والاعمال الالكترونية؟
انا : اه الحمد لله
هي : تعال بكره من الساعه عشره للساعه عشره وربع عشان تقابلي ال Maneger وتعمل ال interview........وماتنساش تجيب معاك ال cv
انا Sad زى الاهبل) ان شاء الله من تسعه الصبح هكون عندكوا

وتانى يوم صحيت الساعه سابعه الصبح محتار بقى البس ايه ....طبعا يا جماعه منا هقابل ال maneger مش اى حد.. وفى تمام الساعه التاسعه وصلت الى شركه ال (تيييت)..وطبعا لابس اللى عالحبل وماسك ال cv ف ايدى وجايبلة فايل من الغالى ابو 3 جنيه ونص (حار ونار ف جتتهم) ...وفضلت مستني بره انا واختى لحد الساعه ما بقت عشره ...وبعدين دخلت العماره اللى فيها الشركه ...لقيت يافطه الشركه

ركزوا معايا بقى ف الحته دى ......اليافطه عباره عن ورقه فلوسكاب ملزوقه على سلم العماره (بشىكارتون) (اصل السلوتيب غالى )..ومكتوب عليها بقلم رصاص_ مبرى قبل كده عشر مرات _ عباره (الشركه من هنا) وسهم يمين

قولت (خير خير )وطمنت نفسى ان دا عادى وممكن تكون الشركه لسه فى بدايتها ومالحقوش يعملوا يافطه ...وقولت لنفسى انا كمان هطمن اكتر لما اقابل ال maneger ان شاء الله .......خبطت عالباب فتحتلى واحده

هى : عايز مين ؟

انا :انتو مش كنتوا عاملين اعلان ف الاهرام ؟

هى :ايوه ايوه ...اتفضل اتفضل ...(دا احنا زارنا النبى ) ههههه ..... يا محمد واحد جاي عشان الاعلان

بينى وبينكوا اول ما دخلت الشركه دى قلبى انقبض.. وحمدت ربنا ان اختى مستنية بره حد عارف يمكن ياخدوا كليتى ولا حاجه هههههه

ووصل الاستاذ محمد ولقيته (شاب لامؤاخذه كده ) من اخواننا الروشين ونظام (الجل اشتكى من شعرى)

هو اللى جاى يعمل معايا ال interview ...وكان قاعد على جهاز كمبيوترغريب كده ...

بس بينى وبينكواانا فرحت والله فرحت ...اصلى اكتشفت ان الفراعنه هم اول ناس اخترعوا الكمبيوتر وادوا لمحمد ده نسخه هديه

قولتله :انا لما اتكلمت ف التليفون ردت عليا واحده وقالتلى انى هقابل ال maneger ...

بصللى باستغراب كده وقاللى : ما انا ال maneger

انا ف عقل بالى :خير خير بدايه مشرقه بالتفاؤل

وقام مطلع ورقه لحمه كده فيها بيانات .. وقاللى املاها .........قولتله :منا معايا ال CV فيه نفس البيانات

قاللى : ماشى بس املى دى برضه عشان نتطمن .......(على اساس انى هسرقهم مثلا)

وبدأ الكلام

هو: احنا شركه تصدير واستيراد

انا: تصدير واستيراد ايه بالظبط؟ (ليكونوا بيصدروا مخدرات ولا حاجه والبسها انا)ههههههه

هو:بنصدر ونستورد كل حاجه واى حاجه

انا: ايوه يعنى زى ايه؟

هو:امشاط_ شرابات_ فلايات_ ولاعات...وكل الحاجات .....(مين يقول هات)

انا :وانا بقى هشتغل ايه بالظبط ....ولاعه؟

هو :هنديك شنطه و........ اول ما قال (هنديك شنطه) عرفت اللى فيها انى هلف ف الشوارع ابيع اللى ف الشنطه واقول كلمه كريم عبد العزيز الشهيره (نحن نختلف عن الاخرون .... خالص )

هو :امال انتى جاي تشتغل ايه؟

انا:انا كنت فاكر انكوا عايزين مدير ادارة او حسابات او علاقات عامة... لان اللى ردت عليا ف التليفون اشترطت اللغه الانجليزيه

هو :طيب مانت ممكن تقابل واحد اجنبى تبيعلة ...(ياسلام)

هو :هتبدأ الشغل من بكره .....(دا عند امه )

انا: ان شاء الله ....(لما مصر تاخد كاس العالم بأذن الله)

هو : ايه مش موافق ولا ايه ؟

انا :لا لا من بكره الصبح هكون عندكوا....... (ادى دقنى لو شوفتوا خلقتى تانى )

وجيت اخد ال cv بتاعى ....قاللى :هتخد ال سى فى ليه

قولتله :لا مانتوا معاكوا ورقه اللحمه كفايه ههههههههه

وخرجت من الشركه وانا عندى كريزه ضحك فظيعه ....اختى قالتلى :ها قبلوك

رديت عليها بكلمه واحده وهى (نحن نختلف عن الاخرون .....خالص)



avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: حصريا ولاول مرة صفحات من مذكراتى

في الجمعة أغسطس 07, 2009 12:07 pm
الجالسون على هذا المقهى في وسط الإسكندرية غالباً لا يبالون كثيراً بالعابرين أمامهم اللهم إلا في حال كون العابر فتاة جميلة تتمايل في دلال ،فيلتفتون إليها قليلاً يتابعونها إلى أن تغيب عن بصرهم ثم يعودون إلى ما كانوا عليه من ثرثرة أو تدخين أو لهو ،لكن هذا الرجل العجوز العابر أمامهم في الشارع الذي يقع فيه المقهى نجح في لفت أنظارهم ، فآثار الفقر البادية عليه وهذا الحزن العميق الذي يكسو وجهه كفيل للغاية بلفت الأنظار ،خاصة مع خطواته البطيئة المنهكة والضعف والوهن البادي على جسده كله ،وبينما الرجل يسير في بطئه هذا أمام المقهى فإذا به يترنح قليلاً ثم يسقط على الأرض مغشياً عليه ،يهرع رواد المقهى إليه في سرعة وعجلة ،يحملونه من على الأرض يجلسونه على أحد كراسي المقهى ويبدءوا في أفاقته ،يهذي الرجل بكلمات غير مسموعة فيقرب صبي القهوجي أذنه منه فيسمعه يردد في صوت خفيض : -

جعان ..جعان.

يصيح صبي القهوجي في الواقفين :-

لا حول ولا قوة إلا بالله الراجل وقع من طوله من الجوع يا جدعان لا حول ولا قوة إلا بالله .

يضرب الواقفون كفاً بكف ويمصمصون شفاههم في شفقة بينما الرجل العجوز يبدأ في الأفاقة من إغماءته ينظر حوله يجد الناس مجتمعين حوله ،يبدو كمستغرب للوضع متسائل عما حدث له ، ثم يبدو بعدها وقد فهم ما الذي حدث ، فيضع وجهه بين كفيه ويبكي ، أحد الواقفين يضع يده في جيبه ويخرج مبلغاً من مال ويدسه في يد الرجل العجوز ، يتبعه آخرون لكن الرجل العجوز يرفض في عزة نفس وخجل ، لكن الواقفين يصرون على موقفهم هذا ، يطأطئ العجوز رأسه خجلاً ويبكي في حرقة ويردد في صوت واضح :- سامحوني ..سامحوني يا ولادي .
يقوم من مكانه وهو لا يزال يبكي ويمضي في طريقه وهو يردد :-
سامحوني ...سامحوني
تتبعه عيون رواد المقهى إلى أن يغيب عن أنظارهم ثم يعود كل منهم إلى كرسيه وإلى ما كان عليه .
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: حصريا ولاول مرة صفحات من مذكراتى

في الجمعة أغسطس 07, 2009 12:19 pm
صديقي الذي ذهب إلى امريكا منذ عدة اشهر صادفته على النت منذ أيام قلائل ظل يحكي معي عن رحلته المثيرة إلى أمريكا حكي لي عن أشياء كثيرة عن الحرية والرفاهية المادية والأنحراف الأخلاقي ، لكن أكثر ما حكى عنه كان الفرق بين الناس في مصر والناس في أمريكا ، قال لي الناس هنا تتعامل بتلقائية ولطف شديد ، وإذا نظرت إلى وجوههم ستجدهم يمشون في الشوارع فرحين مبتسمين لا يخافون من الغد القادم ، وقال لي أنظر إلى وجوه الناس في مصر ستجد الحزن مرسوماً على الوجوه والخوف والقلق والتوجس من الغد هو سمتهم .

أنا أعرف طبعا أن الحزن رفيق دربنا نحن أهل مصر لكن كلماته هذه دفعتني أن ادقق في الوجوه أثناء مشيي في الشارع وأثناء جلوسي على المقهى وأثناء إطلالتي من شرفة المنزل ، حقيقة لم أكن أتخيل هذه الكمية الغير عادية من الحزن الظاهرة على الوجوه ، الحزن في وجوه الناس هنا حفر طريقه ورسمه ، علامات الحزن أصبحت تكون شكل وجوه الناس ، إنعقاد الحاجبين وتقعر الشفتين وإنكسار العين وشرودهما هي الشكل الغالب على وجوه الناس هنا ، حتى أثناء مراقبتي لهم في المقهى في لعبهم ولهوهم لا تجدهم يبتسمون إلا أثناء الكلام لأنهم ينظرون لوجوه بعضهم البعض أثناء الحديث فيبتسمون أبتسامة ربما تغير شكل الوجه فتحدب الشفتين المتقعرتين وتفك إنعقاد الحاجبين وتمرح العينين ، لكنها إنفعالات مؤقتة لا تلبث إلا أن تنتهي ويعود الوجه إلى طبيعته الحزينة المهمومة .

يضحك المصريين كثيراً لكن قلوبهم تبكي ، وعندما يزيد الضحك يخافون ويتشاءمون لأنهم لم يتعودوا أن يضحكوا كثيراً فيعقبون ضحكاتهم بجملتهم الشهيرة اللهم أجعله خير .
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: حصريا ولاول مرة صفحات من مذكراتى

في الجمعة أغسطس 07, 2009 12:24 pm
من اكثر الإعلانات استفزازا في التليفزيون المصري إعلان قديم جدا كنت أشاهده وانا صغير تظهر فيه فتاة ترتدي بشكير وتجلس في حمام وتنظر للمشاهدين وتقول لهم في " مياصة " تحسد عليها ..." تخلص من حمامك القديم " ثم ترسل للمشاهدين قبلة على الهواء بصوت عالي أممممه ...وبعدها ينفجر الحمام القديم ويحل محل منه الحمام الجديد الذي تعلن عنه هذه الفتاة .
الإعلان لصفاقته وبجاحته واستفزازه وغباوته وقباحته وقلة أدبه وهبالته وعبطه نال شهرة لا بأس بها في التسعينيات لكنه مؤخرا لم يعد يعرض واندثر مع التليفزيون المصري طيب الله ثراه وجعل جهنم مثواه .

لكني لا أجد تصوير ابلغ ولا احضن من هذا الإعلان حينما اتذكر صاحبي القديم الذي اصبح علي ان اتخلص منه كما تخلصت هذه الفتاة من حمامها القديم ..فالحمام صار مقرفاً بالتأكيد ومملا مثله تماماً مثل بعض الأصدقاء القدامى الذين اكتشفت ان ضررهم اصبح اكثر من نفعهم بالتأكيد ، وأنهم مثل الحمام الذي اصبحت صنابيره تسرب المياه وصندوق الطرد ( السيفون يعني عافاكم الله ) لا يؤدي غرضه فهم ايضا اصبحوا يسربون اسرارك ولا تجدهم حولك اوقات الضيق بل على العكس تجد منهم الأذى والقرف والطعن في الظهر والريحة الوحشة كمان.

صديقي العزيز أعذرني انا مضطر ان اتخلص منك كالحمام القديم بالضبط بكبسة زر واحدة سأنسفك وانهي وجودك من حياتي ....وبالمناسبة لن أعطيك القبلة ..لأنك ما تستاهلهاش
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: حصريا ولاول مرة صفحات من مذكراتى

في الجمعة أغسطس 07, 2009 12:42 pm


زمان وانا صغير ( قد عشر سنين كده ) كنت استغرب اوي من الناس اللي راكنة على أي حيطة او عامود ونايمة بينما الخطيب بيقطع في نفسه على المنبر .
بمرور السنين وجدت نفسي وقد اصبحت عضوا في نادي النائمين اثناء خطبة الجمعة ،أدخل المسجد انقي احسن عامود في الصفوف الخلفية ويا حبذا يكون جنب المروحة وابدأ رحلة النوم لغاية ما حد من ولاد الحلال اللي جنبي يصحيني علشان نصلي. ده لو مفيش حد رخم عليّ وصحاني في نص الخطبة.

طبعا الموضوع ده كان ساعات بيعمل لي مشاكل يعني مرة من المرات الخطيب زعق في الراجل اللي جنبي وقاله "انت يا عم صحي الراجل اللي نايم جنبك ده" ومرة صحيت لقيت كل اللي حواليا بيبصولي بغضب شديد ( عرفت بعدها من صاحبي إني كنت بشخر بصوت عالي)، ده غير اللي يرمي كلمة ويقولك هو انتم معندكوش سرير في بيتكم ولا إيه.

حضرتك ممكن تستنكر علي السلوك ده لكن قولي بالله عليك اعمل ايه وانا واحد عايز يؤدي الفريضة اللي عليه لكن بيروح الخطبة يلاقي الخطيب بيعيد ويزيد في نفس الكلام لدرجة إن الخطيب بتاع مسجدنا مرة قال نفس الخطبة بتاعة الجمعة اللي قبليها ( ومحدش حس ) أصل العناصر بتاعة كل مرة محفوظة ومعروفة : شتيمة في المسلمين اللي ضيعوا دينهم ..و شتيمة في الغرب اللي خلى المسلمين يضيعوا دينهم ..و شتيمة في اليهود اللي خلوا الغرب يخلي المسلمين يضيعوا دينهم و التحابيش حتكون شوية تباكي على الماضي اللي راح.

أو تلاقي الخطبة شوية حكاوي مفبركة من بتاعة النت عن البنت اللي صحت من النوم لقت نفسها قرد علشان داست على المصحف ورائد الفضاء اللي سمع الأذان على القمر ،وكوكب المريخ اللي بدأ يلف عكس اتجاهه والراجل اللي عنده ثقب في القلب ففضل يدعي إن ربنا يشفيه فلما اكل طماطم قشرة الطماطم نزلت على الثقب بتاع القلب سدته.

والله لو الاقي خطبة بتتكلم عن اوضاعنا واللي احنا فيه عن بلدنا اللي بتتنهب عن الفساد اللي بالطول والعرض وعن مشاكل حياتنا وإزاي نحلها بطرق عملية مش بالدروشة كنت قعدت واستمعت غصب عني

في النهاية بقولكم اللي يلاقي الخطيب ده يا جماعة يا ريت يقولي عليه وعنواني سهل ما يتوهش كل جمعة آخر عمود على ايدك اليمن وانت داخل جنب القلل على طول .
avatar
نور
سوبر
سوبر
انثى
عدد الرسائل : 368
تقييم : 0
تاريخ التسجيل : 22/02/2009

رد: حصريا ولاول مرة صفحات من مذكراتى

في الجمعة أغسطس 07, 2009 8:59 pm
الله يا ادهم النهاردة قعدت اقر مذكراتك قد اية جميلة خلتنى سرحت



في حاجات كتير اوى حاجات حلوة وحاجات ممكن تكون مش حلوة حسيت معاها



انى مع طفل في عمر البراءة وراجل في نشوة الحب مشيت معاك خطوة خطوة



يمكن ساعات كنت بتوة بس برجع بسرعة مع اسلوبك الجميل السلس واعيش




معاك حياتك واتخيلها وبجد كمان عجبتنى الفكرة اوى انك تحكى حاجات عن حياتك




وعجبنى اوى الحلم الجميل ربنا يحققهولك ويحفظلك الست الوالدة ويديها الصحة



كمل احنا كلنا شوق لمعرفة المزيد



تقبل مرورى وتحياتى واحساسى لك بالسعادة وراحة البال
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: حصريا ولاول مرة صفحات من مذكراتى

في الأربعاء أغسطس 19, 2009 9:59 am
انتى عنوان كتابى
وانتى ملح طعامى
ولكى اتهجى حروفى
ولعيونك اكتب كل كلام الحب
بحثت عنك طويلا
ووجدتك فى كتب التاريخ
واهات العشاق
وفى بسمة الملائكة
ودعاء الصالحين
ورزق المطر
وخير العشب
وخفة الغزال
وسرقتك من كل هؤلاء ووضعتك فى قلبى
فقط
اتمناك سعيدة

‎لو تمنيتى ان اجلسك على السحاب لفعلت
ولكنى اخاف عليكى من الوحدة
اشفق عليكى من مغازلة النجوم
الحق
اغار عليكى من النجوم
اغار عليكى من الليل والسهر
اغار عليكى من قطرات الماء والندى
اغار عليكى من كلماتى

هربت منى حروفى
ولا تساعدنى اللغة فى وصفك
لذلك سوف اصمت
فحين يعجز الكلام عن مطاوعة قلب الرجل
ما علية الا الصمت
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: حصريا ولاول مرة صفحات من مذكراتى

في الخميس أغسطس 27, 2009 12:40 am
لا أعرف ما الذي دفعني للشغف بتلك المرأة المسنَّة
ذات البشرة البيضاء التي تلاشى جمالها بفعل الزمن
و التجاعيد الزاحفة إلى تلك البشرة الجميلة..
وبفعل تلك البقع البنية التي أبت إلا أن تنتشر على البشرة الناصعة البياض ...
أهو وجهها الصبوح ..أم تلك الروح الصبيَّة التي تتمتع بها بالرغم من تجاوزها عامها السبعين ..
أم أنه حب الحياة الذي يكمن بداخلها ...حب للتمتع بكل جماليات الحياة ...
أم لتلك الطبيعة المتدينة التي تصبغها ..وتزيد وجهها إشراقا ...
لا أعرف على وجه التحديد ما الذي يشدني إليها ...لعلها تلك الأسباب مجتمعة .
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: حصريا ولاول مرة صفحات من مذكراتى

في الخميس أغسطس 27, 2009 12:49 am
مرَّ أكثر من ساعة وأنا أنتظر محدقا في تلك الشاشة الصمَّاء القابعة أمامي ..
لقد كانت تنبض بالحياة كلما ظهرت كلماتها على الماسنجر .
.وكان قلبي ينبض معها ..يتراقص مع كل حرف تكتبه ..
مع كل قلب نابض كانت ترسله ..
أشعر بالحياة تتدفق إلى قلبي عبر شرايينه الميتة منذ زمن بعيد.
بدأ اليأس يتسرب لي من أن تأتي حبيبتي الليلة ..آخر أمل ..
أضغط على الزر لتظهر لي صورتها لعلني أستشعر وجودها ..
صورتها كانت وردة كُتب عليها (أحبك )..أتخيلها تهمس بها لي ..
ترى هل وضعتها لي أم لآخرين غيري..
آخرين ..نعم ..لم أفكر في ذلك من قبل ..هل تحادث آخرين ..؟؟؟؟
هل تحب غيري ...؟؟؟
آه ..أخيرا ظهرت ..كانت دقات الماسنجر ..
تدفع إلى قلبي كل نبضات الحياة التي توقفت .
حبيبي ..كانت أول كلمة تظهر على شاشتي منها ..
نعم أنا حبيبها وهي حبيبتي التي أحببتها وملأت عليَّ عالمي البارد الفارغ من كل شيء.
أخبرتها بما فعل بُعدها في كل كياني ..إعتذرت ..
سامحتها ..وكنت قد سامحتها من قبل ..حتى قبل أن أعرفها.
طلبت منها أن تغير تلك الصورة التي وضعتها لتعبر عن ذاتها...
وتضع بدلا منها صورتها ..أريد أن أراها ..هل هي كما تخيلتها ..
سحر كلامها ..عذوبة حروفها ..إنها تعشق الورد وتهوى الموسيقى الكلاسيكية مثلي ..
قبلت على الفور وكأنها كانت تنتظر طلبي ..إنها متشوقة مثلي لأن أراها ..
إختفت صورة الوردة للحظات ..لقد حلت محلها صورتها ..
لم أحتمل ما رأيته ..إنها .......!!!!!!!!!!!
avatar
عاشق السهر
سوبر
سوبر
اوسمه :
ذكر
عدد الرسائل : 715
تاريخ الميلاد : 10/03/1985
العمر : 32
الموقع : www.sahr2009.yoo7.com
العمل/الترفيه : صيدلى
المزاج : عال العال
تقييم : 23
تاريخ التسجيل : 01/12/2008

رد: حصريا ولاول مرة صفحات من مذكراتى

في الخميس أغسطس 27, 2009 2:06 am
أيوه ياباشا لقيت ايه
لقيت واحده عندها خمسين سنه
او واحده وحشه خالص
او واحد
اول موضوع بيشدني بعد سهوره
موضوعك
تحياتي
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: حصريا ولاول مرة صفحات من مذكراتى

في الجمعة أغسطس 28, 2009 2:20 pm
هذا الصباح كنت جالساً على طرف سريري، اقول لنفسي إن رمضان لم يعد مثلما كان، وان بهجته انطفت فلم تعد كبهجة الزمن الذي مضى، حتى الزينات والفوانيس لم ارها في الشوارع مثلما كنا نراها في طفولتنا، وتحسرت على الزمن الذي مضى، وقلت لنفسي إن الأيام تصير اكثر جموداً وبشاعة واحسست بالحزن، ثم مضيت إلى يومي ..


لكنني قبل الغروب حين امسكت كوب التمر المنقوع بالحليب ووقفت في شرفة المنزل انتظر سماع الأذان، تنتبهت ان زينات براقة ملأت شارعنا بالفعل، وثمة فوانيس معلقة هنا وهناك، فادركت ساعتها أن رمضان بقي هو رمضان، وان الناس لم تزل تعلق الزينات والأنوار والفوانيس .. وتصنع الكنافة والقطائف، لكن الذي تغير كان أنا وتلك الأشياء التي كانت نابتة في القلب يوماً فذبلت وانتهت، .. حتى كوب اللبن بالتمر هذا كان ليضفي علي بهجة وسعادة لم أعد احس بشيء منها اليوم، ثم أذن المؤذن في المسجد القريب، وأنطلق الولد الصغير في الشرفة اسفلنا صائحاً بفرحة إلى داخل منزله.
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: حصريا ولاول مرة صفحات من مذكراتى

في الجمعة أغسطس 28, 2009 2:24 pm
الاغنية دى هفت عليا

قلت اجبهالكم تسمعوها معايا



ودى كلماتها علشان تغنوها وانتوا بتسمعوها

مع مراعاة تكرار بعض الكوبليهات







غنّي يا سمسمية
لرصاص البندقية
و لكل إيد قوية
حاضنة زنودها المدافع

غني لكل دارس
في الجامعة و المدارس
لمجد بلاده حارس
من غدر الصهيونية

غنّي لكل عامل
في الريف و في المعامل
بيأدي الواجب كامل
و ادّيله ورده هدية

غنّي و دق الجلاجل
مطرح ضرب القنابل
راح تطرح السنابل
و يصبح خيرها ليّ


بس خلاص


دعبست عليها وجبتهالكم

من تحت ارض جوجل سيرش
avatar
ساره
سوبر
سوبر
اوسمه :
انثى
عدد الرسائل : 1027
تاريخ الميلاد : 26/10/1987
العمر : 30
العمل/الترفيه : طالبه
المزاج : 100
تقييم : 99
تاريخ التسجيل : 24/10/2008

رد: حصريا ولاول مرة صفحات من مذكراتى

في الجمعة أغسطس 28, 2009 6:09 pm
حلوه اوي الاغنيه وكلماتها جميله ومعانيها
اختيار موفق
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى