سهرالليالي
منتدى سهرالليالى ♥♥ .... أحلى منتدى
مرحبا بك ....عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائها اهلا بك فى اسره منتدى ......... 🌺 سهرالليالى
احلامنا البسيطه لازم تجرى فى دمنا علشان نقدرنعيش ونحقق حلمنا♥♥.
المواضيع الأخيرة
أفضل 10 أعضاء في هذا المنتدى
1967 المساهمات
1279 المساهمات
1144 المساهمات
1027 المساهمات
978 المساهمات
839 المساهمات
824 المساهمات
794 المساهمات
715 المساهمات
639 المساهمات
المتواجدون الآن ؟
ككل هناك 4 عُضو متصل حالياً :: 0 عضو مُسجل, 0 عُضو مُختفي و 4 زائر

لا أحد

مُعاينة اللائحة بأكملها


شاطر
استعرض الموضوع السابقاذهب الى الأسفلاستعرض الموضوع التالي
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

الاسكندرية فى 2030

في الجمعة أغسطس 07, 2009 12:36 pm
مشهد 1
نهار داخلي
المكان : مجموعة من الموظفين في احد شركات الأسكندرية .
الزمان : شهر اغسطس من عام 2030
(الأبطال : أنا وشوية ناس تانية مالهمش لازمة ( كومبارس يعني

الموظفين جالسون على مكاتبهم يأكلون الساندوتشات ويقرأون الجرائد
موظف 1 : إيه رأيك يا استاذ ادهم في اللي بيحصل دلوقتي في شبرا ده ؟؟
ادهم : والله ربنا ينصرهم على أعدائهم انا شايف والله إن المقاومة المسلحة في شبرا ممكن تحقق إنجاز كبير اوي وتعمل انتصار على العدو الإسرائيلي
موظف 1 : يسمع من بقك ربنا والله يا استاذ ادهم من سنين طويلة والواحد نفسه يسمع عن إنتصار للعرب على اليهود من سنين طويلة ما سمعناش العرب بينتصروا
موظف 2 : بس انا شايف والله يا جماعة إن جماعة تحرير شبرا غلطانين برده يعني إزاي يعني يسيبوا الشباب بتوعهم يروحوا يشربوا من مية النيل ؟؟ ما هو لما شبابهم يروحوا يشربوا من مية النيل معنى كده على طول إنهم بيستفزوا إسرائيل علشان تحاربهم
موظف 1 : يا عمي شباب صغير ومتهور وتلاقيهم سمعوا من أهاليهم إن النيل ده كان في يوم من الأيام بتاع المصريين فراحوا يشربوا منه
موظفة 1 : تلتفت في انتباه شديد وتستدير تاركة المرآة التي تظبط فيها شعرها ...إيه ده ؟ النيل ؟؟ النيل اللي في إسرائيل ده كان بتاع المصريين ؟؟ إيه الكلام الغريب ده يا جماعة ؟
ادهم: اهو ده عيبكم يا جيل اليومين دول ..يا بنتي النيل ده انا عديت عليه اكتر من ست سبع مرات زمان وانا لسه شباب لما كنت بزور القاهرة
موظفة 1 : يعني كنت في رحلة سياحة لأسرائيل يعني وعديت من عليه ؟
ادهم: رحلة سياحة إيه يا بنتي ...النيل ده كان بتاع المصريين والله العظيم قبل ما اسرائيل تحتله سنة 2013
موظفة 1 في غضب مصطنع : انتم بتشتغلوني شكلكم يا جماعة والله انا كده حزعل منكم

موظف 1 : والله يا بنتي ما بنشتغلكيش ..ابقى اسألي باباكي وهو يقولك
موظفة 1 : ما انت عارف يا اونكل انا مابشوفش بابا غير اسبوعين كل سنة لما بيرجع من السفر

موظف 2 : أهو ده بس اللي فالحين فيه الأهالي يسافروا الصومال وأثيوبيا يشتغلوا هناك ويرجعوا بشولة فلوس ويسيبوا عيالهم جهلة كده

!!!!موظف 1 : طيب وحنعمل إيه يا جماعة إحنا حنقعد ساكتين كده وشبرا بتنضرب ؟؟
محمود : لا طبعا إحنا حنروح فيه وقفة إحتجاجية في نادي المحامين النهاردة ..ده اقل حاجة نعملها لشبرا يا جماعة ..الوقفة الأحتجاجية بعنوان لن تسقط شبرا

قطــــــــــع



مشهد 2
ليل خارجي
..نادي المحامين بالأسكندرية على الكورنيش

أمن مركزي كثيف يحيط بنادي المحامين على كورنيش الأسكندرية ولا يسمح بدخول الناس إلا فرادى لا فتات معلقة على جانبي النادي ..بالأمس رمسيس والعتبة ..واليوم شبرا ...وغداً الدور على من ؟؟؟
ينزل رجل في أواخر الأربعينيات ( انا ) يدخل مقر النادي يلتفت يميناً ويسارا يذهب إلى مجموعة من الأشخاص الواقفين يلتقونه بترحاب ويعانقونه .

شخص 1 : إزيك ياادهم واحشنا يا راجل ..يعني احنا ما نشوفكش يعني غير في المظاهرات بس .
ادهم : ياااه يا جماعة كل ما باجي النادي بفتكر ايام الجامعة زمان فاكرين ؟؟؟ اول وقفة إحتجاجية كانت هنا ؟؟لما شارون اقتحم المسجد الأقصى وحصلت الإنتفاضة في فلسطين .
طفل 1 لأبيه الواقف مع المجموعة : بابا يعني إيه فلسطين ؟؟؟
شخص 2 ( الأب ) ينظر للطفل شذراً ويتجاهله وينظر لادهم ويقول : يااااه يا هومة انت لسه فاكر الله يخرب عقلك ده كان سنة كام ده ؟؟؟ تقريبا 2005 أو 2010 صح ؟
ادهم : آه تقريبا كان في الحدود دي كده يااااه كانت أيام فاكر أيامها كان كيلو اللحمة بأربعين جنيه شوف دلوقتي بقى بكام ....انا جيت هنا اول ما جيت اتظاهرت علشان فلسطين وبعدين العراق وبعدين لبنان وبعدين بقى حبة حاجات كتير اوي كده وقعوا ورا بعض كنا كل شهر والتاني نيجي نعمل وقفة إحتجاجية فاكرين يا جماعة .
شخص 2 : سيبك انت من الماضي سمعتم يا جماعة التصريح اللي قاله الراجل اسمه إيه قائد حزب تحرير شمال شبرا ؟؟ بيقول إنه ذاهب إلى بورسعيد وما وراء بورسعيد !!! تفتكروا عنده صواريخ توصل لبورسعيد ؟

الجميع يغمغم في استنكار
شخص 3 : صعبة أوي دي يا جماعة ده مجرد كلام إعلامي ..دي بورسعيد دي رئة إسرائيل ...هي حتسيبه يضربها بالساهل كده ؟؟ مستحيل طبعا

ادهم : تفتكروا ياجماعة لما إسرائيل تحتل إسكندرية ممكن يسيبونا نعمل وقفة إحتجاجية في نادي المحامين برده .
الجميع يضحكون بصوت عالي...
شخص 1 : ههه يا عم ادهم إنت بس متشائم كده طول عمرك ..إحنا فين وإسرائيل فين بس . وبعدين الجيش الإسكندراني متسلح اوي وقوي جدا وإسرائيل تعمل له ألف حساب .
ادهم : طيب انا من سنين لما سقطت السويس قلتلكم اقابلكم لما شبرا تسقط في نادي المحامين ؟؟ قلتم إيه بقى ساعتها ..فضلتم تتريئوا علي وتضحكوا ..أديها اهي بتضرب شبرا .
شخص 2 : آه انت عندك فراسة برضه تحسد عليها مش انت برده قلتلنا زمان ايام الجامعة لما إسرائيل ضربت جنوب لبنان اقابلكم هنا لما نكون بندعم المقاومة في السويس ؟؟؟ بس برضه حرام عليك يا راجل حرام عليك انت عايز تجيب أسكندرية زي شبرا برضه ده اليهود لو جم هنا والله اقرقشهم كده ؟؟
ادهم : طيب بكرة تشوفوا .
شخص 1 : انتم حتفضلو تتكلموا كده يلا نقوم بواجبنا ونهتف مع اللي بيهتفوا .

هتاف يتصاعد من الميكروفون والجميع يردد . في صوت خلف الميكروفون .

يا يهودي يا خسيس ..والله لنضرب في السويس .
تامر اولمرت اتلم اتلم ....حنخليها دم بدم ...
بالصواريخ والحديد ...دمر دمر بورسعيد.
واحد اتنين ...الجيش الليبي فين



الكاميرا الموجودة على سطح العمارة المقابلة لنادي المحامين تعمل زووم أوت ببطء ...جموع المتظاهرين الواقفين في نادي المحامين المكشوف السقف...تملأ الكادر ..تتصاغر صورتهم جداً مع استمرار الزوم أوت ليظهر في الكادر جزء كبير من كورنيش الأسكندرية والزووم أوت يبتعد أكثر ، تستدير الكامير تدريجيا بعيدا عن المتظاهرين ومن بعيد جدا يلوح ميدان المنشية ويظهر نصب الجندي المجهول التذكاري الأبيض الشهير و ويبدو اجسام معدنية تتحرك ، زووم إن على الميدان والنصب التذكاري تبدأ الأشياء في الوضوح ، دبابات مرسوم على جانبها نجمة داوود ومكتوب تحتها بحروف عبرية تبدأ في المرور من بجوار الميدان الشهير وتتجه إلى الإسكندرية ...وما بعد الإسكندرية .
avatar
emy
سوبر
سوبر
اوسمه :
انثى
عدد الرسائل : 794
تاريخ الميلاد : 21/10/1986
العمر : 31
العمل/الترفيه : \'طالبه جامعيه
المزاج : روشه
تقييم : 34
تاريخ التسجيل : 25/11/2008

رد: الاسكندرية فى 2030

في السبت أغسطس 08, 2009 12:57 am
موضوع صعب
وكمان كبرنا قبل الاوان
بس يفضل عطرك في المكان
سهر عملت صفحه ع الفيس بوك بالميل بتاعها
وفيها موضوعات لكل واحد فينا

_________________
في الحب خطابات نبعث بها
وأخرى نمزقها
وأجمل الخطابات هي اللتي لا نكتبها ........ ايمى
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى