حد يشتري قلب

في يوم من الايام........كان في ايدى قلبى مليان حنان


عمر ما نسمة عدت عليه.......الا وكانت ترمي السلام


وهو ابدا ...............كان قافل بابة من حديد


ولا كان بيسمح.......بغنوة تلاعب خيالة من قريب او بعيد



كان ملك ايدى.........اضحك بيضحك ويملا الدنيا عيد



ابكي ............يردد دمعتى ويقول الدنيا خلاص مش مكان لفرحتى


العب.........يلعب ويجرى يجمع عصافيرى من فوق غصونى ويلونها بلون عيونى



بس !!!!! .......كان وحيد ؟ بس عمرة ما اشتكى ولا جالي في يوم وبكى


وقال خلاص.......محتاج لدفئ ..محتاج لحضن يضمنى ..محتاج لهادى يدلنى


كنت ناسية......او عاملة ناسية انة قلب محتاج لنسمة تفتح طريقة تولع شموعة تخضر غصونة


وفي يوم .......هب عبيرك لقيت قلبى ملك ايدك


من غير كلام بينا او وعود......اصبح متيم من غير حدود


راح دنيا حبك........... وبقا اسير لفتة منك


هو قلبى والا قلبك........ياريت تقولي وبلاش تعاند في.......في القلب الا كان في الايد

الله يا نور بجد مش ممكن الابداع ده والصدق فى المشاعر ممكن يكون غير كده نور بجد كلمات كلها صدق
ومشاعر روعه نور ممكن تسمحيلى بعد اذنك يعنى احسدك لانك بتعرفى قد كده تعبرى عن حبك للى بتحبيه
بس من غير زعل يارتنى اعرف اعبر ذيك كده عن حبى نور فى كل موضوع ليكى همسه كلمة معنى حتى لو كان حزن او فرح صدقينى بتعلم منك كتير قوى ربنا يسعدك يا نور زى ما كل يوم بتسعدين بموضوع
اجمال الف مرة من الى اقبله تقبلى مرورى من غير زعل مش دمتى بكل خير

زاى تقول انك مش بتقدر تعبر عن المشاعر والاحاسيس وانا دايما بتعلم منك رقة التعبير واختيار العبارات



الا بيسعدنى انا اكتر دايما هو مرورك والا بيحب مش محتاج الفاظ ولا عبارات ولا صفحات


كفاية كلمة بحبك كفاية اشارة او نظرة او حتى لفتة ممكن تعبر الف مرة من كل كلام الدنيا



لا تحرمنى مرورك الرقيق ولك منى كل امنياتى بالسعادة وان تعيش حبك وتعبر عنة

بصراحه اول حاجه ميزتها هنا اول لما اشتركت فى المنتدى جو الاسره
و الاخوه و الاحترام بين الناس كلها و بعضها ... فعلا شيئ المفروض كل الناس
اللى هنا تفتخر بيه ... و بجد احييكوا عليه
تانى حاجه ميزتها هنا ... ان هنا فى المنتدى فنانه بحق و حقيق اسمها نور
احساس طاغى ... كلمات فى منتهى الرقه و الجمال
لما تنتهى من قراءة الموضوع تحس انها فعلا قدرت تعيشك فى جو الموضوع
و انك مستنى منها الموضوع اللى جى علشان تقراه ... تحس انك ممكن تقرأ ساعات كتيره لمواضيعها و فى كل ساعه تعدى يزيد اعجابك بالمواضيه اكتر من الساعه اللى قبلها و ما تحسش بأى نوع من انواع ملل ...نور انتى فنانه ساحره حقيقيه ... اتمنالك التوفيق ديما

قلبك ماعادش ملكك
دي انغام بصراحه اغنيه كلماتها روعه وتنطبق علي موضوعك الرائع ميرسي يا نور المنتدي
بحبك اوووي

رامى دايما منور صفحتى بردك الرقيق الرائع وطبعا دية مش حاجة بعيدة عن قلم حساس زى قلمك


وشخصية محترمة مثلك لها حضورها الطاغي من اول يوم في المنتدى



وفعلا اكتر حاجة بتميز بتنا دة هو الحب بين كل الا فية تحس في كل حرف وتشعر بية من اول ما تدخل باب البيت



كل واحد فية بيخاف علي شعور التانى وبيحبة وبيشجعة في كل حاجة بيكتبها



اهلا بيك نورت بيتك وفخورين انك واحد من اهل البيت دة



لا تحرمنى مرورك الرقيق ولك منى امنياتى بكل سعادة

ايمى الجميلة الرقيقة انا كمان بحبك اوى يا حبيبتى


ودايما منورة صفحتى بمرورك واغنياتك وكلماتك الرقيقة




لا تحرمينى مرورك الرقيق



اقبلي منى امنياتى بكل سعادة وحب لكى

.

كل سنة وانت بالف خير يارب


ادهم وحشتنى انت فين طبعا انت عارف ان بغيابك بنفقد حاجة مهمة اوى



لان دايما مفيش حد ممكن يملا مكان الاستاذ لا تحرمنا وجودك دائما بيننا


دايما ردك ومرورك بيسعدنى لا تحرمنى من ردك الرقيق ولا مرورك


تقبل منة احساسى لك بالسعادة

نور بجد جميلة واحساسك انا بحبه جداااا

ميرسى على الكلامات الجميلة يا اميرة الشات

وميرسي بجد على مواضيعك الرقيقة

وكل سنة وانتي طيبة وانا اسف على تأخير ردي عليكي

كل سنة وانت طيب يا عمرو نورت المنتدى


كلنا كنا مفتقدين ردوك ومواضيعك الجميلة



ودايما بنتعلم منك رقة الاحساس نورت الموضوع بردك


لا تحرمنى مرورك ولك منى كل امنياتى بالسعادة