سهرالليالي
منتدى سهرالليالى ♥♥ .... أحلى منتدى
مرحبا بك ....عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائها اهلا بك فى اسره منتدى ......... 🌺 سهرالليالى
احلامنا البسيطه لازم تجرى فى دمنا علشان نقدرنعيش ونحقق حلمنا♥♥.
المواضيع الأخيرة
أفضل 10 أعضاء في هذا المنتدى
1967 المساهمات
1279 المساهمات
1144 المساهمات
1027 المساهمات
978 المساهمات
839 المساهمات
824 المساهمات
794 المساهمات
715 المساهمات
639 المساهمات
المتواجدون الآن ؟
ككل هناك 4 عُضو متصل حالياً :: 0 عضو مُسجل, 0 عُضو مُختفي و 4 زائر

لا أحد

مُعاينة اللائحة بأكملها


شاطر
استعرض الموضوع السابقاذهب الى الأسفلاستعرض الموضوع التالي
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

أمي مسافرة وهاعمل فرخة

في الأحد أكتوبر 04, 2009 5:23 pm



بسبب ظروف عائلية منيلة بستين نيلة

اضطرت ماما انها تغادر ارض الوطن

وتسافر الى حيث تستقر عائلتنا المصونة

واخدت معاها كل العيلة حتى اختى المتجوزة



ولما كنت انا قاعد لوحدى فى البيت

بسبب ان انا اللى هاقفل الشقة بعد ماما ماتسافر

ولما كنت انا صايم الستة البيض وجعان

وهفني الشوق انى اكل فراخ

فنزلت علشان اشترى كيس فراخ كوكى

وقلت احمره وافطر بيه على المغرب



وكانت هذه الاحداث

نزلت اشترى كيس الفراخ

رجعت البيت

دخلت المطبخ علشان ادور على طاسة احمر فيها الفراخ

لاقيت طاسة غويطة نوعا ما

دورت على الزيت اللى ماما بتحمر بيه الاكل

مش لاقي الزيت

دورت كويس

مش لاقي الزيت برضه

دورت كويس اوى

لحد ما لاقيت ازازة بيضاء متلحوسة من برة لا تسر الناظرين

وفيها سائل لونه يميل الى الاورانج الغااااااااااامق

فقلت فى عقل بالى

اكيد هو ده الزيت بتاع التحمير

حطيت شوية زيت فى الطاسة الغويطة وولعت عليه

وقلت اروح اغير هدومى يكون الزيت سخن وارجع احط فيه الفراخ

غيرت هدومى ورجعت لاقيت الزيت بيعمل بقاليل

اى نعم البقاليل كان شكلها متغير

عن البقاليل اللى انا بشوفها لما اجى احمر حاجة

لكن قلت يمكن اختلاف انواع الزيوت

بيخلى البقاليل تختلف فى احجامها واصواتها

سميت بالله وحطيت قطع الفراخ

وكان استقبال الزيت لقطع الفراخ

استقبال حااااار

تقولوش الزيت كان بيهتف بحياة الفراخ

المهم

بعد مرور حوالى عشر دقايق

مابين الفرجة على التلفزيون

ومابين التقليب المستمر لقطع الفراخ

تم تحمير الفراخ والحمد لله

وادان المغرب ادن

وانا سميت بالله وقطمت قطمة فراخ

قطمتها بنهم شديد

وبعدين بؤي توقف عن المضغ

وحواجبي انضموا الى بعض

وعيونى اتسبلت

ولسانى بيلعب جوة بؤي

وزورى قفل اللوز

وخلاها تمنع اى حاجة ممكن تتزحلق للمعدة

ومخى حاول بطرق مختلفة

انه يعرف ايه اللى انا بطفحه ده

وايدى ماستنتش كتير

لان صوابعى سحبت منديل

وتفيت اللى انا باكله فى المنديل

ورميت المنديل فى الباسكيت - زى ما ماما علمتنى -

وقربت طبق الفراخ من مناخيرى وانا متوجس خيفة

لاقيت الفراخ ريحتها فراخ

بس كارفة على حاجة تانية مش قادر احددها

قمت هزيت طولى ورحت لحد المطبخ

فتحت النور

قربت من طاسة الزيت

وقربت مناخيرى منها

ماشمتش حاجة

مسكت الازازة مصدر الزيت

وفتحتها وشمتها مش شامم حاجة غريبة

رحت ناحية الحوض

ودلقت شوية زيت فى الحوض

ومعرفش ايه اللى خلانى

احط صوابعى فى الحوض واخد لحسة من الزيت

وافركه بين صوابعى

ومعرفش ايه اللى خلانى افتح المية سرسوب

واحط صوابعى تحت السرسوب

وافرك الزيت بالمية وافرك صوابعى الابهام والسبابة والوسطى

والاقى الزيت بيطلع رغاوي

واذ فجأتن يسقط الامر من ايدى

واقرر انى اجيب علبة الحلاوة الفاضية

اللى ماما بتحط فيها صابون المواعين وليفة المواعين

واحط فيها شوية زيت وشوية مية

واقرر انى اغسل كوباية الشاى الموجودة فى الحوض

واذ فجأتن الاقي ان الكوباية بتتغسل وبتنضف

على عكس ما كنت متوقع انها هتتلحوس زيت

واذ فجاتن اعرف ان الزيت ماكنش زيت

وانما كان سائل لتنظيف الصحون

اقول فى عقل بالى

الحمد له ان ماما مش موجودة

علشان ماتشوفش خيبة ابنها التقيلة

رحت كلت شكولاتة كادبورى بالبندق

وبعد كدة نزلت وسط البلد

و كلت ساندوتشات جمبرى بالطحينة





سؤال الحلقة

لما الزيت طلع مش زيت

طب الفراخ اتحمرت ازااااااااااااى؟
avatar
ramy
سوبر
سوبر
اوسمه :
ذكر
عدد الرسائل : 225
تاريخ الميلاد : 14/10/1985
العمر : 32
الموقع : القاهره
العمل/الترفيه : مهندس فى مجال مافيش غير4 او 5 فى مصر بيشتغلوا فيه ...
المزاج : دايما رايق لأنى دايما بقول الحمد لله ..ابتسم فأنت لست اشقى الناس
تقييم : 47
تاريخ التسجيل : 24/09/2009

رد: أمي مسافرة وهاعمل فرخة

في الأحد أكتوبر 04, 2009 9:27 pm
ههههههههههههههه .... احم احم ... ايه يا ادهم هتكسفنا قدام البنات ... يقولوا ما نعرفش نطبخ و لا ايه ....هههههه ... المهم ان فى سؤال تانى ... ازاى الصابون بيغلى و ازاى فضل فى الطاسه و ما اتبخرش ..... بس يمكن ده صابون مضروب ... و بعدين ازاى و انت بطلع حتت الفراخ من الطاسه ما اتزحقلتش ... بس هو فعلا زى ما بيقولوا ساعة القدر
avatar
فرح
مشرف عام
مشرف عام
اوسمه :
انثى
عدد الرسائل : 978
تاريخ الميلاد : 12/12/1989
العمر : 27
العمل/الترفيه : طالبه
المزاج : جميييييييييييييييييييييييييييييييييل
تقييم : 62
تاريخ التسجيل : 11/11/2008

رد: أمي مسافرة وهاعمل فرخة

في الإثنين أكتوبر 05, 2009 8:15 am
عشان تعرف قيمه البنات اجمل الكائنات
وحشنا موضوعاتك وردودك
اهلا بيك يارامي
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: أمي مسافرة وهاعمل فرخة

في الإثنين أكتوبر 05, 2009 2:29 pm
مفيش كسوف ولا حاجة يا رامى
لازم البنات تعرف اننا بنعرف نعمل كل حاجة
وحتى ان كنا مبنعرفش نطبخ
ربنا يخلينا المعلبات

من غير اسئلة يا رامى
اصل انا لما باكون جعان
مبفكرش
وممكن تكون ما اتزحلقتش
عشان متعودة واخدت بالها


اهلا بيكى يا فرح
عارفين قيمتكم والله
ودة اللى مخلينا
مربوطين فى ساقية ليل ونهار
عشان نعجب ونرتبط ببنوتة حلوة

اتمنالكم السعادة
avatar
emy
سوبر
سوبر
اوسمه :
انثى
عدد الرسائل : 794
تاريخ الميلاد : 21/10/1986
العمر : 31
العمل/الترفيه : \'طالبه جامعيه
المزاج : روشه
تقييم : 34
تاريخ التسجيل : 25/11/2008

رد: أمي مسافرة وهاعمل فرخة

في الإثنين أكتوبر 05, 2009 3:06 pm
كونه طلع صابون سائل مش معناه انك مش بتعرف تطبخ
مره في مره هتبقي زوج مثالي
انت اكلت الشيكولاته كلها
avatar
عاشق السهر
سوبر
سوبر
اوسمه :
ذكر
عدد الرسائل : 715
تاريخ الميلاد : 10/03/1985
العمر : 32
الموقع : www.sahr2009.yoo7.com
العمل/الترفيه : صيدلى
المزاج : عال العال
تقييم : 23
تاريخ التسجيل : 01/12/2008

رد: أمي مسافرة وهاعمل فرخة

في الثلاثاء أكتوبر 06, 2009 10:18 am
أنابقي نفسي لما امي تسافر الاقي فرخه اعزمها عندنا
واكلها
وابقي احكي لك طريقه التحمير والاكل والتنظيف وما الي ذلك
بس انت ادعي لي بأي مناسبه عشان تبقي امي مسافره
avatar
نور
سوبر
سوبر
انثى
عدد الرسائل : 368
تقييم : 0
تاريخ التسجيل : 22/02/2009

رد: أمي مسافرة وهاعمل فرخة

في الثلاثاء أكتوبر 06, 2009 2:35 pm
طبعا انت غلطان يا ادهم لما مش بتعرف في الحاجة بتعملها لية



انت مش عارف ان لكل فرخة صابون معين ليها بيتقلي فية اكيد حطيت الصابون الغلط



تانى مرة ابقي اسال وبطل بخل واطلب دليفري
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: أمي مسافرة وهاعمل فرخة

في الثلاثاء أكتوبر 06, 2009 11:01 pm
ههههههههههههههه
الفراخ اللى انت بتتكلم عليها يا عاشق
انا استاذ فيها
بس مبحبهاش
وهاكلها وامى موجودة
وهابقى اعزمك


والله كنت باعرف يا نور اطبخ
بس متعرفيش اية اللى حصلى
يمكن خفت عشان انا والفرخة فى البيت لوحدنا
وكلام الناس كتير والشيطان شاطر
فقولت ارميها فى النار
احسن ما اروح انا
بس الظاهر انى ظلمتها


والله انا زوج مثالى يا ايمى
شوفيلى بس انتى عروسة
وانا هاشرفك والله
بس يكون ليها فى الفراخ
وتكون شوكولاتاية
وهابقى اسيبلك حتة
avatar
عاشق السهر
سوبر
سوبر
اوسمه :
ذكر
عدد الرسائل : 715
تاريخ الميلاد : 10/03/1985
العمر : 32
الموقع : www.sahr2009.yoo7.com
العمل/الترفيه : صيدلى
المزاج : عال العال
تقييم : 23
تاريخ التسجيل : 01/12/2008

رد: أمي مسافرة وهاعمل فرخة

في الأربعاء أكتوبر 07, 2009 12:00 am
مبحبهاش ازاي؟
انا لومكنتش لسه شايف ماتش غانا وجنوب افريقيا وماتش مصر وكوستاريكا و حاسس بأنكسار كنت راجعت معاك
وخليتك تموت فيها
بس انت ليه مش نزلت المباريات كنت عارف ان ده اخرتها
avatar
عاشق السهر
سوبر
سوبر
اوسمه :
ذكر
عدد الرسائل : 715
تاريخ الميلاد : 10/03/1985
العمر : 32
الموقع : www.sahr2009.yoo7.com
العمل/الترفيه : صيدلى
المزاج : عال العال
تقييم : 23
تاريخ التسجيل : 01/12/2008

رد: أمي مسافرة وهاعمل فرخة

في الأربعاء أكتوبر 07, 2009 12:00 am
مبحبهاش ازاي؟
انا لومكنتش لسه شايف ماتش غانا وجنوب افريقيا وماتش مصر وكوستاريكا و حاسس بأنكسار كنت راجعت معاك
وخليتك تموت فيها
بس انت ليه مش نزلت المباريات كنت عارف ان ده اخرتها
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى