سهرالليالي
منتدى سهرالليالى ♥♥ .... أحلى منتدى
مرحبا بك ....عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائها اهلا بك فى اسره منتدى ......... 🌺 سهرالليالى
احلامنا البسيطه لازم تجرى فى دمنا علشان نقدرنعيش ونحقق حلمنا♥♥.
المواضيع الأخيرة
أفضل 10 أعضاء في هذا المنتدى
1967 المساهمات
1279 المساهمات
1144 المساهمات
1027 المساهمات
978 المساهمات
839 المساهمات
824 المساهمات
794 المساهمات
715 المساهمات
639 المساهمات
المتواجدون الآن ؟
ككل هناك 4 عُضو متصل حالياً :: 0 عضو مُسجل, 0 عُضو مُختفي و 4 زائر :: 1 روبوت الفهرسة في محركات البحث

لا أحد

مُعاينة اللائحة بأكملها


شاطر
استعرض الموضوع السابقاذهب الى الأسفلاستعرض الموضوع التالي
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

اسكت بقى ... واقلع جزمتك

في الأحد فبراير 14, 2010 1:45 am


فى اواخر الشهر

والاجواء متوترة بينهم

علشان الفلوس قليلة





هو مخنوق

لانه شايف فى عيونها

نظرة حرمان مدارية





وهي مخنوقة

لانها شايفة فى عيونه

نظرة العاجز اللى مافيش فى ايده حاجة يعملها





بيقول كلام يحاول بيه التخفيف من التوتر

كلام عبارة عن وعود

وان شاء الله اول الشهر

هاوديكى السينما

وهاجبلك الفستان الجديد

وهاجبلك كباب وكفتة من ابو شقرة





كلام بيوتر الجو اكتر

وتتمنى من جواها انه يسكت

وبلاش يحمل نفسه فوق طاقتها

وتتمنى انه يصدق فعلا انها مش عايزة حاجة

وانها كفاية عليهم يكونوا مستورين قدام الناس





وهى بدورها

تتكلم

وتطيب خاطره

وتقوله صدقنى مش عايزة حاجة

كفاية عليا انك جانبي





وكلامها بيوتره اكتر ويحس بالعجز اكتر

وكلامه بيوترها اكتر ويحسسها بالحرمان اكتر

فيقرروا انهم يسكتوا

وكل واحد فيهم مخنوق

ويهربوا من الكلام بتـــتـــويـــبة

وتصبح على خير

ويناموا ضهر فى ضهر

والنوم هربان من عيونهم

وكل واحد منهم

بيفكر يعمل ايه علشان خاطر التانى يهدا ويرتاح





يخلص شغله

ويقرر انه ياخدها مشي

رغم بعد المسافة بين شغله وبيته

علشان التوفير

وعلشان خاطر يقدر ينفذ اللى عايز يعمله




يروح عند حلوانى لابوار

يشترى قطعتين جاتوه

ويروح عند عربية الكبدة يجيب اربع ساندوتشات

ولما يوصل جنب البيت

يجيب ازازة بيبسى لتر ونص

من المينى ماركت اللى جنب البيت




يدخل بيته

يلاقها قاعدة

وجايبة طشت فيه مية وملح

وحاطاه قدامها

يستغرب ويقولها ايه ده

بتعملى ايه؟

ترد عليه وتقوله

لما لاقيتك اتاخرت عرفت انك خدتها مشى

فقلت اجهزلك مية وملح علشان ادعكلك رجليك




يوطى على راسها ويبوسها

تلمح الحاجات فى ايده وتسأله ايه ده؟

يقولها كبدة وجاتوه اللى كان نفسك فيهم الاسبوع اللى فات

تقوم تبوسه فى خدوده

يكمل كلامه بالوعود

بس والله اول الشهر هاجبلك الفستـــــ

تحضنه وتكتم كلامه ببوسة فرنسية الايحاء

وتهمس فى ودنه وتقوله

اسكت بقى واقلع جزمتك
avatar
نور الحياه
سوبر
سوبر
انثى
عدد الرسائل : 159
تقييم : 4
تاريخ التسجيل : 03/01/2010

رد: اسكت بقى ... واقلع جزمتك

في الأحد فبراير 14, 2010 8:35 pm
انت دايما كدة تغيب وترجع بموضوع شيق ورائع زى ما اتعودنا منك
 اولا لية الغيبة دية كلها وثانيا حمدلله علي السلامة وياربت مش تحرمنا من مواضيعك الرائعة

 الرقيقة وبجد عجبتنى اوى القصة دية وبعدين اسمها  ملفت \

تقبل تحياتى واحساسى لك بكل سعادة
avatar
فرح
مشرف عام
مشرف عام
اوسمه :
انثى
عدد الرسائل : 978
تاريخ الميلاد : 12/12/1989
العمر : 27
العمل/الترفيه : طالبه
المزاج : جميييييييييييييييييييييييييييييييييل
تقييم : 62
تاريخ التسجيل : 11/11/2008

رد: اسكت بقى ... واقلع جزمتك

في الأحد فبراير 14, 2010 9:49 pm
كنت فين ده كله وحشتنا يا هومه وكمان كاتب موضوع واحد بس
احنا خلصنا امتحانات ونفسنا مفتوحه للرومانسيه
موضوع روعه


كمان
avatar
سهرالليالي
Admin
Admin
اوسمه :
انثى
عدد الرسائل : 1967
تاريخ الميلاد : 20/11/1990
العمر : 27
المزاج : مرح .ابتسامه دائمه . نشيطه
تقييم : 289
تاريخ التسجيل : 22/08/2008
http://sahr2009.yoo7.com

رد: اسكت بقى ... واقلع جزمتك

في الإثنين فبراير 15, 2010 5:53 am
شايفاهم أغني الناس أجمل حاجه انهم عندهم حب
وده شيئ من ضمن أشياء كتير بنتمني نملكها لكن مش نقدر نشتريها بالمال
.,'"¤*:) happy valentgnes day.,'"-¤*:)
avatar
ساره
سوبر
سوبر
اوسمه :
انثى
عدد الرسائل : 1027
تاريخ الميلاد : 26/10/1987
العمر : 30
العمل/الترفيه : طالبه
المزاج : 100
تقييم : 99
تاريخ التسجيل : 24/10/2008

رد: اسكت بقى ... واقلع جزمتك

في الإثنين فبراير 15, 2010 9:17 am
الاول حمدلله علي سلامتك ياهومه كنت بتتجوز ومش عزمتنا والا ايه
كنت فين وليه وازاي؟
كان عندنا امتحانات وبيت ومشاكل قد كده وكنا بندخل عشان نشوف بعض
كنت بتعمل ايه
موضوعك فيه رومانسيه وحب وتضحيه وحاجات كتير حلوه
حسدتهم علي وجودهم مع بعض كفايه انهم مع الحب ده والتفاهم ...مع بعض ده احسن من الاكل والفستان
رأي سهور عجبني جدا عندهم الشيئ اللي اغنياء العالم مش يقدروا يشتروه بكل الفلوس اللي عندهم
عندهم احاسيس حلوه وروح جميله ومشاعر وحب
avatar
محمد السحرى
سوبر
سوبر
اوسمه :
ذكر
عدد الرسائل : 1144
تاريخ الميلاد : 18/10/1981
العمر : 36
الموقع : sahr2009.yoo7.com
المزاج : احبكم
تقييم : 206
تاريخ التسجيل : 22/12/2008

رد: اسكت بقى ... واقلع جزمتك

في الثلاثاء فبراير 16, 2010 12:50 am
ادهم بعد كلام نور وسهر وساره مش لاقى اى كلام اقوله غير حمدلله على السلامة وحشتنا وحرمنا من موضيعك الجميلة والمعانى الاجمل دمت بخير استاذى العزيز ادهم
avatar
عاشق السهر
سوبر
سوبر
اوسمه :
ذكر
عدد الرسائل : 715
تاريخ الميلاد : 10/03/1985
العمر : 32
الموقع : www.sahr2009.yoo7.com
العمل/الترفيه : صيدلى
المزاج : عال العال
تقييم : 23
تاريخ التسجيل : 01/12/2008

رد: اسكت بقى ... واقلع جزمتك

في الثلاثاء فبراير 16, 2010 1:36 am
يحيا الحب شايف يا باشا الرومانسيه الجامده عملت ايه في اجمل الكائنات نسوا المشتريات والطلبات واختاروا الحب وتعيش معاه علي لمبه جاز
وعش العصفوره يقضينا

avatar
emy
سوبر
سوبر
اوسمه :
انثى
عدد الرسائل : 794
تاريخ الميلاد : 21/10/1986
العمر : 31
العمل/الترفيه : \'طالبه جامعيه
المزاج : روشه
تقييم : 34
تاريخ التسجيل : 25/11/2008

رد: اسكت بقى ... واقلع جزمتك

في الأربعاء فبراير 17, 2010 12:12 am
أيوه عش العصفوره يقضينا

رغم ان حكايه تحضر له الطشت و الميه والملح مش عجباني
لكن الحب جميل في كل صوره وبأي طريقه أو وسيله
حبهم جميل متبادل هوده الحب
اجمل مساء حب لكل اعضاء منتدانا
avatar
ramy
سوبر
سوبر
اوسمه :
ذكر
عدد الرسائل : 225
تاريخ الميلاد : 14/10/1985
العمر : 32
الموقع : القاهره
العمل/الترفيه : مهندس فى مجال مافيش غير4 او 5 فى مصر بيشتغلوا فيه ...
المزاج : دايما رايق لأنى دايما بقول الحمد لله ..ابتسم فأنت لست اشقى الناس
تقييم : 47
تاريخ التسجيل : 24/09/2009

رد: اسكت بقى ... واقلع جزمتك

في الأربعاء فبراير 17, 2010 1:04 am
و الله يا ادهم ماكلام فارغ انا بجد صقفت ليك لما خلصت الموضوع ....فعلا صقفت موضوع امتياز ... بجد تحفه ... احييك .... استمر يا ادهم و امتعنا والله عندك موهبه مش طبيعيه ... احييك مره تانيه و اتمنالك السعاده
avatar
اسراء
مشرف
مشرف
اوسمه :
انثى
عدد الرسائل : 824
تاريخ الميلاد : 10/02/1989
العمر : 28
العمل/الترفيه : طالبه جامعيه
المزاج : روعه
تقييم : 72
تاريخ التسجيل : 29/11/2008

رد: اسكت بقى ... واقلع جزمتك

في الخميس فبراير 18, 2010 8:19 am
خير ما يكتنز الرجل في بيته المرأه الصالحه اذا نظر اليها سرته واذا امرها اطاعته واذا غاب حفظته

ده حديث
فيه مثل بيقول كوني له جاريه يكن لك عبدا
وزمان جدتي وجدتك قالت
خدي لك راجل أجير طول النهار ..وغفير طول الليل


وكل ده بيكون وبيستمر بالحب بس
بالحب بس انت غالي عليا
دي ام كلثوم
انت ياهومه كاتب كل حاجه في موضوعك قلت كل حاجه
اتمني اللي يقرا يفهم المعني
avatar
هانيا
مشرف
مشرف
انثى
عدد الرسائل : 538
تاريخ الميلاد : 11/11/1987
العمر : 30
العمل/الترفيه : طالبه
المزاج : حلوووووووووووووووووو
تقييم : 57
تاريخ التسجيل : 29/11/2008

رد: اسكت بقى ... واقلع جزمتك

في الجمعة فبراير 19, 2010 12:04 am
فعلا ادهم قال في موضوعه كل حاجه ياريت اللي يقرأ يفهم كل حاجه

مساااء الفل
avatar
هانيا
مشرف
مشرف
انثى
عدد الرسائل : 538
تاريخ الميلاد : 11/11/1987
العمر : 30
العمل/الترفيه : طالبه
المزاج : حلوووووووووووووووووو
تقييم : 57
تاريخ التسجيل : 29/11/2008

رد: اسكت بقى ... واقلع جزمتك

في الجمعة فبراير 19, 2010 12:05 am
فعلا ادهم قال في موضوعه كل حاجه ياريت اللي يقرأ يفهم كل حاجه

مساااء الفل
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: اسكت بقى ... واقلع جزمتك

في الجمعة فبراير 19, 2010 1:51 am
السلام على من اتبع الهدى

كل سنة وانتم طيبين
منورين كلكم

منورة يا نورا
الله يسلمك يا ستى ومفيش غياب دى كانت لحظات نقاهة
والحمد لله انى معاكم وبينكم


منورة يا فرح
اشكرك واتمنالك الفرحة والسعادة والنجاح
وابن الحلال كمان عشان انا عارف ان دة حلم كل البنات

منورة يا سهر
وطبعا كلامك حقيقى لان اجمل شىء فى الدنيا الحب
وهابى فالنتين
وكل سنة وانتى طيبة

منورة يا سارة
لا مفيش جواز لسة
انا قولتلك اختاريلى عروسة وانتى طنشتى
والحب طبعا هو اساس كل بيت
وهو اللى بيحمينا

منور يا محمد
وادام الله عليك كلالخير وكل السعادة
انت استااااذ
وربنا يخليك

منور يا هيثم
وانا شخصيا مفتقدك
طبعا كلامك جميل وحقيقى
اهم شىء الحب دة بينسى الواحد اسمة

منورة يا ايمى
مش فاهم اعتراضك على الطشت
مع الحب يا ايمى بتزول الحواجز
وممكن الحبيبة تعمل اى شىء لحبيبها
وممكن الحبيب يعمل اى شىء لحبيبتة
لان الحب بيلغى الكرامة
واعتقد ان مفيش حاجة اسمها كرامة فى الحب
نفس الشىء الرجل ممكن يطبخ ويغسل الاطباق كمان
لو حس ان حبيبتة تعبانة
الحب بيغير كل المفاهيم والمبادىء والمعتقدات
وبيصنع مفاهيم ومبادىء ومعتقدات خاصة بية


منور يا رامى
اشكرك يا رامى
الموهبة عندك انت
وانا قولتلك قبل كدة انى باستمتع بكبسولاتك اللى على الفيس بوك
وباشوفها كل يوم
وتسلملى يا غالى

منورة يا اسراء
كلامك جميل اوى
واحاديثك جميلة
وكل كلمة ليكى ليها معنى جميل ومهم
بس اتمنى اعرف فهمتى اية
لانى لما كتبت القصة مكنتش اقصد منها حاجة
انا شوفت موقف حصل قدامى بين زوج وزوجتة
وتخيلت اللى كتبتة دة

منورة يا هانيا
مساء الفل يا ست الكل


وكل سنة وانتم طيبين
avatar
mona
سوبر
سوبر
اوسمه :
انثى
عدد الرسائل : 839
تاريخ الميلاد : 23/09/1990
العمر : 27
العمل/الترفيه : طالبة فى كلية حقوق
المزاج : الحمد الله
تقييم : 3
تاريخ التسجيل : 03/12/2008

رد: اسكت بقى ... واقلع جزمتك

في الخميس مارس 04, 2010 10:47 am
قصة جميلة اوى
وفعلا كلامك صح
واهم حاجة التفاهم بين الزوجين والتضحية
وطبعا من البداية لازم يكون فى حب
وصحيح يا ايمى
الطشت ده اكبر دليل على الحب
وعمره ما ينقص من الكرامة
او من عزة النفس
بالعكس بتزيدى غلاوه عند حبيبك
avatar
emy
سوبر
سوبر
اوسمه :
انثى
عدد الرسائل : 794
تاريخ الميلاد : 21/10/1986
العمر : 31
العمل/الترفيه : \'طالبه جامعيه
المزاج : روشه
تقييم : 34
تاريخ التسجيل : 25/11/2008

رد: اسكت بقى ... واقلع جزمتك

في الخميس مارس 04, 2010 7:50 pm
كل يوم باتاكد انك بتكتب بحروف من دهب موضوعاتك بتغلا وبتزيد

ميرسى يا ادهم
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى