يا انا يالكمبيــــــــــــــــــــــــــــــــــــــــــــــــــــــــــــــــــــــــــــــــــــــــوتر

الله عليكى سهر الغريب ان كلامك دائما ياتى فى وقته والله النهارده بس كنت بتكلم مع اصحابى وبقول لهم اجر صيام التطوع والصلاة عموما فى ميزان جدتى لانها هى اللى عودتنى من وانا صغير اوى اصوم لتنين والخميس والثللاث ايام وهى اللى علمتنى الصلاة اما عن الحواديت ياه والله عرفت كل قصص الانبياء والصحابه منها ربنا يرحمها اللهم امين ويجعل فى ميزان حسناتها كل اللى علمتهولى ويارب يطول فى عمر جدتى لاامى . اكيد سهر اى كلام عنك مش هيوفيكى حقك لانك اكبر من اى كلام ام عن موضوعك انا شفته من زاويه تانيه هو يبدو سيره شخصيه لكن انا شفته عن حاجه بقت مفقوده فى حياتن وهى الترابط الاسرى وان احنا بنعيش عمرنا وعمر من سبقونا بناخد منهم تجاربهم ولو عرفنا وفهمن صح هنعيش عمرنا وعمرهم كمان اسف طولت فى ردى شويه بس موضوعك يستحق اكتر من رد دمتى بكل خير سهر

جدتى الله يرحمها فقدت بصرها وهى كبيره لكن كنت باحس انها شايفه كل حاجه وفاهمه كل حاجه وكان كلامها كله بيطلع صح وكنت افضل اسالها عن اى حاجه وكل حاجه وكانت لاتمل من الاجابه كنت بافرح لما بنكون عندها فى الاجازه وحزنت كتير على فراقها الله يرحمها ومش بانسى لها اى كلمه او اى نصيحه وباضم صوتى لصوتك ان اللى له جده او جد عايش يستفيد من وجودهم ويتعلم منهم

صباحك زى الفل ياسهر

تيته ربنا يخليها لى جميله ورقيقه وموسوعه معلومات لكن مش تحكى حواديت ولا تتحمل وجود دوشه جنبها وخصوصا الاطفال لكن فى اصدار الاوامر والفرمانات مالهاش مثيل من واحنا صغيرين وهى جاده جدا .مشاركه جميله ياسهوره كالعاده باحس وانا باقرا لك انك على طبيعتك وصراحتك وتلقائيه كلماتك وخفه روحك بتجمل كل كتاباتك

النهارده وانا بافتكرها وافتكر كل جميل اتعلمته منها اتمنى من كل انسان موجود جده او جدته يعرف انه عنده كنز ثمين وان ابتسامته فى وجههم بتسعدهم وان صباح الخير مهمه جدااا


اجمل مافيكى يا سهوره المفاجأه لما بتفاجئينا بموضوع جميل بحاله كلنا بنعيشها لكن مش نعرف نعبر عنها بالجمال لاده والحب ده صباحك ملايكه صباحك طفوله صباحك هنا