سهرالليالي
منتدى سهرالليالى ♥♥ .... أحلى منتدى
مرحبا بك ....عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائها اهلا بك فى اسره منتدى ......... 🌺 سهرالليالى
احلامنا البسيطه لازم تجرى فى دمنا علشان نقدرنعيش ونحقق حلمنا♥♥.

سهرالليالي

منتديات سهر متنوعة وجديدة دردشة وشات الغاز والعاب نكت شعر ادب رياضة سياسة مناقشات وابداء راي ... اجمل شباب في اجمل منتدي انضم الينا....................احلامنا البسيطة لازم تجري في دمنا ........علشان نقدر نعيش ونحقق حلمنا ..............سهرالليالي
 
الرئيسيةالرئيسية  البوابةالبوابة  اليوميةاليومية  س .و .جس .و .ج  بحـثبحـث  التسجيلالتسجيل  دخولدخول  
المواضيع الأخيرة
» انا وانتى والنساء
أمس في 11:42 pm من طرف محمد السحرى

» ضاربة الودع
أمس في 11:27 pm من طرف محمد السحرى

» حكاية ف حدوته ف حلم
أمس في 6:27 pm من طرف العندليب

» مسلسل جراند أوتيل
الإثنين ديسمبر 05, 2016 9:23 pm من طرف فرح

» مسلسل طريقى الحلقات كامله
الإثنين ديسمبر 05, 2016 9:08 pm من طرف فرح

» اجمل اغانى سميه قيصر
الإثنين ديسمبر 05, 2016 7:47 pm من طرف فرح

» عيد ميلاد سهر الليالى
الأربعاء نوفمبر 30, 2016 6:27 pm من طرف عاشق السهر

» عيد ميلاد اجمل الكائنات سهوره
الأربعاء نوفمبر 30, 2016 6:10 pm من طرف عاشق السهر

» الى سهر فى عيد ميلادها
الثلاثاء نوفمبر 29, 2016 9:22 pm من طرف ساره

التبادل الاعلاني
أفضل 10 أعضاء في هذا المنتدى
سهرالليالي
 
adhamromancy
 
محمد السحرى
 
ساره
 
فرح
 
mona
 
اسراء
 
emy
 
عاشق السهر
 
محمـد العاشق
 
المتواجدون الآن ؟
ككل هناك 23 عُضو متصل حالياً :: 0 عضو مُسجل, 0 عُضو مُختفي و 23 زائر :: 2 عناكب الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 73 بتاريخ الأحد سبتمبر 30, 2012 10:34 pm

شاطر | 
 

 مكــــــان أحســــن ....

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
adhamromancy
سوبر
سوبر


اوسمه :
ذكر
عدد الرسائل : 1214
تاريخ الميلاد : 02/07/1983
العمر : 33
المزاج : زى الفل
تقييم : 96
تاريخ التسجيل : 26/08/2008

مُساهمةموضوع: مكــــــان أحســــن ....   السبت أغسطس 24, 2013 9:11 am




بالشهر اللى احنا فية دة
يبقى كدا عدوا 5 سنين
بالتمام والكمال من يوم ما عرفتك
انا لسه فاكرة اللحظة دى كويس
عشان ساعة ما شفتك قلبى عرفك ف ثانية
وكأنه بيشوف الغيب و بكرة و المستخبى
يومها قبل ما أنام إتجرأت
و طلبتك من ربنا و استكترك عليا
و لما صحيت تانى يوم قولت لأ
يا عبيط يا اللى مبتتعلمش
و إنسى و مش معقول و مش هيحصل
و خرجتك من بالى فورا و بسرعة
عشان متعلقش بأمل
وعشان الدنيا عودتنى بقسوتها
انى أبطل أستنى الذى لن يأتى
وعشان كدة كنتى تلاقينى باحاول اتجاهلك
من باب رد الفعل العكسى
لكن ربنا
كان أكرم من كل اللى فات
و فجأة لقيتك بتجيلى
و لحد عندى
من غير محاولة و لا محايلة و لا حيلة
و من غير سبب
و الاهم .... من غير معاد

و يمكن هوه دا السبب الاكبر
ف تشبثى بيك
لإن اللى بيستنى محال و يلاقيه بيحصل
من العبث انه يتخلى عنه
دا منطق العقلاء يعنى
وانا مكنتش لسه اتجننت قوى يعنى
عشان افرط ف حلم جالى لحد باب قلبى
بس دا مكنش الشىء الوحيد
انا حبيتك قوى
قوى
حبيتك اكتر من روحى
حبيتك لدرجة انى كل مرة اتعذبت بيك ومعاك
و كنت حاسس بعدها انى لازم امشى
مكنتش بعرف أعمل كدا
حاجة دايما كانت بترجعنى
بتوقفنى
بتمنعنى
بتخلينى عاوز وبشدة
ادوس على كل وجع
وادور عليك
واقول معلش
حتى لو حاصل بينا ايه
حاجة كدا و معرفش اوصفها
الناس البسيطة بتقول
"ربنا حط محبة فلان ف قلبى"
دى الحقيقة
بمنتهى الايجاز
ربنا حط ف قلبى محبتك يا حبيبى
وخلى المحبة دى تملى كل ركن ف قلبى
وتسكن كل حتة ف روحى
خلى المحبة دى تبقى
فوق أى مشاعر
محبة تعدى حدود عشق راجل لست
محبة اب لبنتة
واخ لاختة
ومحبة صديقة وصاحبة وكل حاجة
وكل مرة كنت بتضايق او احزن
واحد من دول بيزعل
و ييجوا التانيين يرجعونى
عشان كدا كنت بدور عليك
وارجعلك
كنت بدوس على حاجات كتير ف السكة
عشان انتا أهم
و عارف ان اللى بينى و بينك
اكبر من أى خصام
و عدى المنطقى والمقبول
وانك مينفعش تكون عادى و زيك زى غيرك
أطبق عليك قوانينهم
و لا ألزمك بقواعد الفراق السارية عليهم
مهما زعلتنى

على فكرة ...
مفيش حاجة ف قلبى اتغيرت
انا لسه بحبك زى الاول و اكتر
اكتر لدرجة عمرك ما هتعرفها ولا تشوفها
لأن انا نفسى مش عارف اخرها
و كل لحظة تعدى قلبى يخضنى
بجنان ممكن يحسه و يعمله
واكتشف انى ممكن لما اشوف واحد
قريب منك أغير و أتعب
وبعدين الاقينى فجأة بطلب منك
انك تسمحله يقرب أكتر
لو كان دا ممكن ميخلكش وحيد
والاقينى مستعد اضعف لو دا هيقويك
و أبعد لو دا هيريحك
وأبطل أحبك عشان بحبك
وميهمنيش قلبى
واقولى خلينى بعدين عشان مش وقته
و هوه مسئول منى و له الحق قبل قلبى


كل دا متغيرش لكن اللى فارق دلوقتى
انك مش هينفع تشوف دا تانى
ولا تحسه
مش لأنى قررت كدا
لكن لأن قلبك خلاص انقفل
و انا مش زعلان منك
لكن زعلان عليك و علينا
واللى بشوفه منك دلوقتى بيأكدلى
ازاى انى كنت صح و شايفك كويس
وازاى كنت عارف من اول لحظة انك مفارقنى
وان عمرك ... ما قدرت مهما عملت
انك تحبنى لدرجة انك تستنى

انا عارف انك حاولت
حاولت وكان هدفك انك تسعدنى
و حاولت تغير قواعد حياتك اوقات
عشان مبعدش و تخلينى جنبك
لكن المحاولات راحت هباء ببساطة
لأن أى شىء مهما كان حلو
لا يمكن تستطعمه
وانتا ف حلقك مرار
وانا عارف ان اللى انتا شوفته ف حياتك
يخليك متحسش بأى حاجة غير الوجع
ويارتنى كنت أقدر أغير دا
واصلحه
بس للأسف
معرفتش
ومقدرتش
وغالبا لأن دى مش مهمتى انا
يمكن دى مهمة شخص ما غيرى
مجاش حياتك فعلا و لا لسه دخلها
و يمكن لأنها مش مهمة أى حد ... غيرك
و يمكن أى حاجة و كل حاجة

و يمكن لأنى كتير مقدرتش أتغلب
على أنانيتى ورغبتى ف انى امتلكك
و تصورت ان دا حقى
ولازم اخده بغض النظر عن الظروف والوقت
وكل لحظة ناديتك فيها و احتجتلك
على قد ما كان بيوجعنى صدك
على قد ما كل مرة وانا بعيط منك
كنت ببقى عاوز اخدك ف حضنى
و انا اللى اقولك ... معلش
و منيش ملاك و لا بعمل كويس
لكن الحقيقة انى فعلا حاسس
انى قصرت معاك
معملتش اللى كان لازم يتعمل
أذيتك اكتر ما نفعتك
وخنقتك اكتر ما حليت أيامك
و للحظة أهنتك وانا مش حاسس
و رغم انى عارف ان كبرياءك فوق كل شىء
و كمان دلوقتى بفارقك واحنا زعلانين قوى
ومش عارف حتى أسمع صوتك
وأودعك بما يليق


معرفش ليه حبى دايما بيأذى اللى بحبهم
وليه بعادهم بيكون الحل الوحيد الباقى
عشان يبقوا أحسن
و يعيشوا ف راحة
والمقارنة بينك
وبين اللى قبلك يمكن مش صح
بس الخاتمة معاكم انتوا الأتنين واحدة
للأسف
والحل لتقليل الألم دا
انى أمشى عشان حياتكم تمشى

لكن انت ...... زى ما بتقول الست
هعمل ف حبك ايه ؟
و ازاى هكمل حياتى و انتا مش فيها
واقدر اتحمل كدا .. ؟
معرفش
وانا جالى هلع لما اتأكدت
لما اتاكدت اننا لمش لبعض
معنديش فعليا أى خطط حاليا
لأحتواء الكارثة دى اللى بتكرر تانى
ومعرفش عندى قوة و طاقة اتحمل كدا تانى
و بحس ان روحى بتنسحب
و ان اللى جاى خلاص مش فارق
و التفكير فيه هوه كمان مش فارق
و أريح اجابة دلوقتى هيا ...
معرفش

بس عارف ؟
اللى أعرفه قوى ويهمنى
انك تكون بخير
اللى يهمنى انك تسلم من كل شر
اللى يهمنى انك تسامحنى على كل مرة
ضايقتك فيها و خنقتك
و حملتك فوق طاقتك
انا بعتذرلك مش لأنى بقلل من قدر نفسى
ولا غاوي أعذبها واشيل الذنوب
لأ
انتا فعلا صارحتنى من اول لحظة
انك كدا ليك دماغك وطريقتك
والمفروض منتظرش منك التقليدى والمعتاد
وكان لازم أحترم دا و اتفهمه
واعرف انى لازم اكون قده
وانا معملتش كدا و ضغطت عليك
و طالبتك بحاجات متقدرش عليها
طالبتك تكون انسان عادى
وانتا مش زى أى حد

عاوزك تسامحنى يا حبيبى
لما ينتهى غضبك الشديد عليا يوما ما
عاوزك لما تهدى
تعرف انى بحبك فعلا مش بس كلام
بحبك اكبر من أى تصور و خيال
وحدود للأشياء
وعاوزك تعرف انى بدعيلك من قلبى
كل لحظة بفتكرك فيها
و بتمنى ربنا يخرجك من سجن الوحدة
اللى انتا محبوس فيها بمزاجك

و الأهم ....
عاوزك تعرف انى لسه شايفك كبير
وعالى
و غالى زى منتا
و مهما كان اختلافنا دلوقتى
انا اكتر واحد أزعم انى قربت منك
و عرفت اللى محدش غيرى عرفه
و قلبى شافك نضيف وطيب وحنين
رغم انك بتحاول ساعات كتير تبان العكس
و تخلى قلبك يظهر أقسى م الحجر
ودا مش حقيقى

و عاوزك تعرف انك روح روحى
مهما عملت
ومهما صورت المشهد بإنى
كنت ف حياتك خمس سنين صحيح
بس و كأنهم كانواخمس دقايق
وكأنى ف قلبك ... كنت مفيش


واذا كنا خلاص افترقنا
و مش هعرف اشوفك تانى
و لا اسمع صوتك تانى
ولا هيبقى بينا كل اللى كان من تانى
فعاوزك تفهم ليه كنت دايما بدور عليك
مش بس عشان بحبك
و بحتاجلك
قد ما كنت عارف ان وقتى معاك
أقل من القليل
واللى فاضلى معاك و منك
و اللى باقيلى جنبك مش كتير

و تأكد انى لو كنت أقدر احبك
اكتر من كدا
ألف مرة
والله مكنتش هتردد لحظة
بس سامحنى
لأنى مقدرتش اعمل كدا
لأسباب منك و منى و م الدنيا البخيلة
و سامحنى من قلبك
مش بس عشان اللى كان بينا
ولا عشان مبقاش فيه وقت
لأ .. لأنى مش قادر أتخيل زعلك منى
حتى لو مش هتعرفنى و هعرفك تانى
مش قادر اتحمل غضبك عليا
مش قادر اتحمله بجد


عاوزك كمان تعرفى
انى بدعيلك طول الوقت
ربنا يصلحلك حالك
و بطلب من اللى بيحبونى يدعولك
عشان لو ان باب السما مقفول ف وشى
فيمكن الملايكة تسمع الدعا من ناس طيبين
فبرضو هتوصله
ويبقالك منه نصيب
انا عاوزك بخير
حتى لو بعيد عن عينى
انتا ف قلبى مهما بعدت عنى
ودا كفاية لو هيكون لك فيه خير
بقى كفاية خلاص


واذا كان البعاد بقى قدر
فنا هرضى عشان انتا ترضى
ومش هدور عليك تانى
و لا هنوى خير و أغلط و بعدين أذيك
و لا هكون موجود ف حياتك
الا لو احتجتنى ف يوم
ومكنش فيه غيرى يقدر يساعدك
ولو انى عارف
انك مش هتطلب منى حاجة
بس انا عارف انك متأكد
انى مش هتأخر عليك لحظة ... اكيد

مش هدور عليك
لكن هستناك ...
هستناك ف مكان أحسن
مكان مفيهوش أى ظروف و اعتبارات
مكان مفيهوش ناس و مسئوليات
مكان مفيهوش خوف
مكان مفيهوش سوء فهم
مكان مفيهوش زعل و بعاد و هجر
مكان مفيهوش سياسة
مكان مفيهوش احكام مطلقة
مكان مفيهوش كره
مكان يجمعنا و ميفرقناش
مكان تشوفنى فيه انسان و حلو و نضيف
ومكان لما اشوفك فيه
اعرف أجرى عليك و اخدك ف حضنى
وانا عارف انه حقى
و محدش هيمنعنى و لا حتى انتا ...

اما انا
فـ هسيب مكانك
و دنيتك اللى انتا اخترتها
و هخرج منها عشان انتا تعيشها
و بتمنى من قلبى
انك تكون سعيد فيها
و تكون فعلا مبسوط مش بتقول كدا وبس
بتمنى متقفش عندك
و لا تتراجعش
لكن يا رب تمشى لقدام
بتمنى تكون راضى عن اختياراتك
و بتمنى كمان تلاقى دايما
اللى تحبه و يحبك
وتلاقى قلوب حواليك اكتر
بتمنى متشوفش أذى اكتر
وتشوف خير اكتر
و ترضى اكتر
و تعوض كل اللى فاتك من العمر
بأحسن
واكرم ف كل اللى جاى
و بتمنى تلاقيلك خلاص و راحة
و تدوق طعم الفرح
و ربى يسعدك زى ما خلتنى أفرح كتير قوى
لدرجة تخلى أى زعل يتلاشى
مهما كان

و خليك يا حبيبى براحتك
خليك هناك عندك زى ما حابب
و قد ما ترضى و مكتوبلك
و انا زى ما قولتلك
هستناك
بس
ف .... مكان أحسن
الرجوع الى أعلى الصفحة اذهب الى الأسفل
http://www.facebook.com/adhamromancy
فرح
مشرف عام
مشرف عام


اوسمه :
انثى
عدد الرسائل : 942
تاريخ الميلاد : 12/12/1989
العمر : 26
العمل/الترفيه : طالبه
المزاج : جميييييييييييييييييييييييييييييييييل
تقييم : 61
تاريخ التسجيل : 11/11/2008

مُساهمةموضوع: رد: مكــــــان أحســــن ....   الثلاثاء أغسطس 27, 2013 10:00 am

حاجة دايما كانت بترجعنى 
بتوقفنى 
بتمنعنى 
بتخلينى عاوز وبشدة 
ادوس على كل وجع 
وادور عليك 
واقول معلش


     



اجمل حب فى الدنيا معقول فيه كده ......... يابخت القلب اللى بيحب ويتحب


رغم كل شىء يابختك فى حبك  


صباحك حب واشراق  صباحك ورده جميله بنداها 

_________________
الدنيا ريشه فى هوا طايره مابين جناحين .....

واحنا النهارده سوا .....
وبكره هنكون فين .....
فى الدنيا فى الدنيا .....
فرح
الرجوع الى أعلى الصفحة اذهب الى الأسفل
emy
سوبر
سوبر


اوسمه :
انثى
عدد الرسائل : 761
تاريخ الميلاد : 21/10/1986
العمر : 30
العمل/الترفيه : \'طالبه جامعيه
المزاج : روشه
تقييم : 34
تاريخ التسجيل : 25/11/2008

مُساهمةموضوع: رد: مكــــــان أحســــن ....   الثلاثاء أغسطس 27, 2013 5:32 pm

اما انا 
فـ هسيب مكانك 
و دنيتك اللى انتا اخترتها 
و هخرج منها عشان انتا تعيشها 
و بتمنى من قلبى 
انك تكون سعيد فيها 
 



مش اى حد يقدر على كده ولا يقدر يتحمل كده الا اذا كان  بيحب انسان فوق الوصف


عاوزه اقولك ان الحب   يستحق
........    انك تعيش حب وانسان بيبادلك نفس الشعور ده فى حد ذاته رائع   الحب ووعد النجوم ده رووووووووووووعه
وحشتنا  ورجعت لنا   حمدلله على السلامه

_________________
في الحب خطابات نبعث بها
وأخرى نمزقها
وأجمل الخطابات هي اللتي لا نكتبها ........ ايمى
الرجوع الى أعلى الصفحة اذهب الى الأسفل
ساره
سوبر
سوبر


اوسمه :
انثى
عدد الرسائل : 990
تاريخ الميلاد : 26/10/1987
العمر : 29
العمل/الترفيه : طالبه
المزاج : 100
تقييم : 99
تاريخ التسجيل : 24/10/2008

مُساهمةموضوع: رد: مكــــــان أحســــن ....   الثلاثاء أغسطس 27, 2013 11:21 pm




_________________
كُنت أسمَع نِزار قباني يَقولْ :
(لِماذَّا عَلي أن أُمزقَ نَفسي لأجلِك أيتُها الغَـالية ) !!

حَتى أدركتُ مَا معنىَ أنّ يُمزقكَ حُب مَن تُحبْ ♥♥

الرجوع الى أعلى الصفحة اذهب الى الأسفل
ساره
سوبر
سوبر


اوسمه :
انثى
عدد الرسائل : 990
تاريخ الميلاد : 26/10/1987
العمر : 29
العمل/الترفيه : طالبه
المزاج : 100
تقييم : 99
تاريخ التسجيل : 24/10/2008

مُساهمةموضوع: رد: مكــــــان أحســــن ....   الثلاثاء أغسطس 27, 2013 11:29 pm

الله يحرق الحب وسنينه فكرتنى باللى مات اقصد باللى فاااات ......    الحب ده شىء غريب بيسرق راحه بالنا واحلامنا ومع ذلك بنستسلم له بكل هدوء ويمكن بحب وشوق

 

اجمل مافى الموضوع انك معانا   .......  بحبك وبقلبك  واسرارك       
  اصحابك  

_________________
كُنت أسمَع نِزار قباني يَقولْ :
(لِماذَّا عَلي أن أُمزقَ نَفسي لأجلِك أيتُها الغَـالية ) !!

حَتى أدركتُ مَا معنىَ أنّ يُمزقكَ حُب مَن تُحبْ ♥♥

الرجوع الى أعلى الصفحة اذهب الى الأسفل
سهرالليالي
Admin
Admin


اوسمه :
انثى
عدد الرسائل : 1950
تاريخ الميلاد : 20/11/1990
العمر : 26
المزاج : مرح .ابتسامه دائمه . نشيطه
تقييم : 282
تاريخ التسجيل : 22/08/2008

مُساهمةموضوع: رد: مكــــــان أحســــن ....   الأربعاء أغسطس 28, 2013 10:22 am

أروع ما قد يكون في العمر ( حب ) .. وأروع ما في القلب ( نبضات )


                           

_________________
_________________
احلامنا البسيطه لازم تجرى فى دمنا.. علشان نقدر نعيش ونحقق حلمنا♥ღϠ₡ღ♥ ✿✿♥ღϠ₡ღ♥
_̴ı̴̴̡̡̡ ̡͌l̡̡̡ ̡͌l̡*̡̡ ̴̡ı̴̴̡ ̡̡͡|̲̲̲͡͡͡ ̲▫̲͡ ً̲̲̲̲̲͡͡͡͡ ̲̲͡▫̲̲͡͡ ̲|̡̡̡ ̡ ▼ ▼ —
✿✿-✿✿♥♥ღϠ₡ღ♥

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­­­ ­ ­ ­ ­ ­ ­ ­
♯ آلوجع ليسَّ بـ آلبكآءء ، بل بِ تلك آلتنهيدة آلتي تكآد أن تنتزِع روحك بعدها .
الرجوع الى أعلى الصفحة اذهب الى الأسفل
http://sahr2009.yoo7.com
محمد السحرى
سوبر
سوبر


اوسمه :
ذكر
عدد الرسائل : 1135
تاريخ الميلاد : 18/10/1981
العمر : 35
الموقع : sahr2009.yoo7.com
المزاج : احبكم
تقييم : 199
تاريخ التسجيل : 22/12/2008

مُساهمةموضوع: رد: مكــــــان أحســــن ....   السبت سبتمبر 07, 2013 11:29 pm


مش هدور عليك
لكن هستناك ...
هستناك ف مكان أحسن
مكان مفيهوش أى ظروف و اعتبارات
مكان مفيهوش ناس و مسئوليات
مكان مفيهوش خوف
مكان مفيهوش سوء فهم
مكان مفيهوش زعل و بعاد و هجر
داءما ممتميز وكلماتك لها الف معن كل معن وحده موضوع مستقل دمت دائما مضئ منتدنا ودمت بكل خير ادهم

_________________
الى من يقراء كلماتى قد تعجبك او لا تعجبك لكن اعرف انك تقرانى انا فاانا ما بين السطور انا النقاط فوق الحروف فلا تضع كلماتى  على نحو او صرف او وزن بيت او قفيت شعر فاانا لا اكتب الا احساسى
الرجوع الى أعلى الصفحة اذهب الى الأسفل
اسراء
مشرف
مشرف


اوسمه :
انثى
عدد الرسائل : 807
تاريخ الميلاد : 10/02/1989
العمر : 27
العمل/الترفيه : طالبه جامعيه
المزاج : روعه
تقييم : 72
تاريخ التسجيل : 29/11/2008

مُساهمةموضوع: رد: مكــــــان أحســــن ....   الأحد سبتمبر 08, 2013 9:14 pm

واذا كان البعاد بقى قدر
فنا هرضى عشان انتا ترضى
ومش هدور عليك تانى
و لا هنوى خير و أغلط و بعدين أذيك
و لا هكون موجود ف حياتك
الا لو احتجتنى ف يوم
ومكنش فيه غيرى يقدر يساعدك
حكايتك جميله  وحبك رائع وجود انسانه فى حياتك تحبك وتحبها رغم الصعوبات ورغم البعاد الا انه حب رائع فيها كل الاحاسيس الحلوه والمره

_________________
مرحبا عدد قطرات المطر ..... مرحبا عدد اوراق النهر ..... مرحبا عدد اغصان الشجر مرحبا عدد امواج البحر

...... اسراء
الرجوع الى أعلى الصفحة اذهب الى الأسفل
 
مكــــــان أحســــن ....
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سهرالليالي :: منتدي الادب والشعر :: منتدى همس القلوب-
انتقل الى: