سهرالليالي
منتدى سهرالليالى ♥♥ .... أحلى منتدى
مرحبا بك ....عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائها اهلا بك فى اسره منتدى ......... 🌺 سهرالليالى
احلامنا البسيطه لازم تجرى فى دمنا علشان نقدرنعيش ونحقق حلمنا♥♥.
المواضيع الأخيرة
مكتبة adhamromancyالأربعاء ديسمبر 13, 2017 4:32 pmadhamromancy
انتى انتى حبيبتىالثلاثاء ديسمبر 12, 2017 9:16 pmhanya
الى اين الهروب منك الثلاثاء ديسمبر 12, 2017 9:11 pmhanya
رسائل إلى الحبيب.. الثلاثاء ديسمبر 12, 2017 9:06 pmhanya
حكايه الشطرنج الثلاثاء ديسمبر 05, 2017 7:59 pmemy
أفضل 10 أعضاء في هذا المنتدى
1974 المساهمات
1294 المساهمات
1144 المساهمات
1032 المساهمات
978 المساهمات
839 المساهمات
827 المساهمات
796 المساهمات
715 المساهمات
639 المساهمات
المتواجدون الآن ؟
ككل هناك 9 عُضو متصل حالياً :: 0 عضو مُسجل, 0 عُضو مُختفي و 9 زائر :: 1 روبوت الفهرسة في محركات البحث

لا أحد

مُعاينة اللائحة بأكملها


شاطر
استعرض الموضوع السابقاذهب الى الأسفلاستعرض الموضوع التالي
avatar
adhamromancy
سوبر
سوبر
اوسمه :
ذكر
عدد الرسائل : 1294
تاريخ الميلاد : 02/07/1983
العمر : 34
المزاج : زى الفل
تقييم : 128
تاريخ التسجيل : 26/08/2008
http://www.facebook.com/adhamromancy

فى مكان احسن

في الجمعة أكتوبر 27, 2017 9:17 pm
تقييم المساهمة: 100% (5)

لو ربنا كاتبلى عمر
وعشت لشهر يونيو الجاى
يبقي احنا بقالنا ١٠سنين مع بعض
بالتمام والكمال من يوم ما عرفتك
انا لسه فاكر اللحظة دى كويس
عشان ساعة ما شفتك قلبى عرفك ف ثانية
وكأنه بيشوف الغيب و بكرة و المستخبى
يومها قبل ما أنام إتجرأت
و طلبتك من ربنا و استكترك عليا
و لما صحيت تانى يوم قولت لأ
يا عبيط انت مبتتعلمش
و إنسى و مش معقول و مش هيحصل
و خرجتك من بالى فورا و بسرعة
عشان متعلقش بأمل
وعشان الدنيا عودتنى بقسوتها
انى أبطل أستنى الذى لن يأتى
لكن ربنا
كان أكرم من كل اللى فات
و فجأة لقيتك بتجيلى
و لحد عندى
من غير محاولة و لا محايلة و لا حيلة
و من غير سبب
و الاهم .... من غير معاد




و يمكن هوه دا السبب الاكبر
ف تشبثى بيك
لإن اللى بيستنى محال و يلاقيه بيحصل
من العبث انه يتخلى عنه
دا منطق العقلاء يعنى
وانا مكنتش لسه اتجننت قوى
عشان افرط ف حلم جالى لحد باب قلبى
بس دا مكنش الشىء الوحيد
انا حبيتك قوى
قوى
حبيتك اكتر من روحى
حبيتك لدرجة انى كل مرة اتعذبت بيك ومعاك
و كنت حاسس بعدها انى لازم امشى
مكنتش بعرف أعمل كدا
حاجة دايما كانت بترجعنى
بتوقفنى
بتمنعنى
بتخلينى عاوز وبشدة
ادوس على كل وجع
وادور عليك
واقول معلش
حتى لو حاصل بينا ايه




حاجة كدا و معرفش اوصفها
الناس البسيطة بتقول
"ربنا حط محبة فلان ف قلبى"
دى الحقيقة
بمنتهى الايجاز
ربنا حط ف قلبى محبتك يا حبيبى
وخلى المحبة دى تملى كل ركن ف قلبى
وتسكن كل حتة ف روحى
خلى المحبة دى تبقى
فوق أى مشاعر
محبة تعدى حدود عشق راجل لست
محبة اب لبنتة
واخ لاختة
ومحبة صديقة وصاحبة وكل حاجة
وكل مرة كنت بتضايق او احزن
واحد من دول بتزعل
و ييجوا التانيين يرجعونى
عشان كدا كنت بدور عليك
وارجعلك
كنت بدوس على حاجات كتير ف السكة
عشان انتا أهم
و عارف ان اللى بينى و بينك
اكبر من أى خصام
و عدى المنطقى والمقبول
وانك مينفعش تكون عادى و زيك زى غيرك
أطبق عليك قوانينهم
و لا ألزمك بقواعد الفراق السارية عليهم
مهما زعلتنى
 




على فكرة ...
مفيش حاجة ف قلبى اتغيرت
انا لسه بحبك زى الاول و اكتر
اكتر لدرجة عمرك ما هتعرفها ولا تشوفها
لأن انا نفسى مش عارف اخرها
و كل لحظة تعدى قلبى يخضنى
بجنان ممكن يحسه و يعمله
واكتشف انى ممكن لما اشوف واحد
قريب منك أغير و أتعب و أعيط
وبعدين الاقينى فجأة بطلب منك
انك تسمحله يقرب أكتر
لو كان دا ممكن ميخلكش وحيد
والاقينى مستعد اضعف لو دا هيقويك
و أبعد لو دا هيريحك
وأبطل أحبك عشان بحبك
وميهمنيش قلبى
واقولى خلينى بعدين عشان مش وقته
و هوه مسئول منى و له الحق قبل قلبى  




كل دا متغيرش لكن اللى فارق دلوقتى
انك مش هينفع تشوف دا تانى
ولا تحسه
مش لأنى قررت كدا
لكن لأن قلبك خلاص انقفل
و انا مش زعلان منك
لكن زعلان عليك و علينا
واللى بشوفه منك دلوقتى بيأكدلى
ازاى انى كنت صح و شايفك كويس
وازاى كنت عارف من اول لحظة انك مفارقنى
وان عمرك ... ما قدرت مهما عملت
انك تحبنى لدرجة انك تستنى




انا عارف نك حاولت
حاولت وكان هدفك انك تسعدنى
و حاولت تغير قواعد حياتك اوقات
عشان مبعدش و تخلينى جنبك
لكن المحاولات راحت هباء ببساطة
لأن أى شىء مهما كان حلو
لا يمكن تستطعمه
وانتا ف حلقك مرار
وانا عارف ان اللى انتا شوفته ف حياتك
يخليك متحسش بأى حاجة غير الوجع
ويارتنى كنت أقدر أغير دا
واصلحه
بس للأسف
معرفتش
ومقدرتش
وغالبا لأن دى مش مهمتى انا
يمكن دى مهمة شخص ما غيرى
مجاش حياتك فعلا و لا لسه دخلها
و يمكن لأنها مش مهمة أى حد ... غيرك
و  يمكن أى حاجة و كل حاجة




و يمكن لأنى كتير مقدرتش أتغلب
على أنانيتى ورغبتى ف انى امتلكك
و تصورت ان دا حقى
ولازم اخده بغض النظر عن الظروف والوقت
وكل لحظة ناديتك فيها و احتجتلك
على قد ما كان بيوجعنى صدك
على قد ما كل مرة وانا باتالم منك
كنت ببقى عاوز اخدك ف حضنى
و انا اللى اقولك ... معلش
و منيش ملاك و لا بعمل كويس
لكن الحقيقة انى فعلا حاسس
انى قصرت معاك
معملتش اللى كان لازم يتعمل
أذيتك اكتر ما نفعتك
وخنقتك اكتر ما حليت أيامك
و للحظة أهنتك وانا مش حاسس
و رغم انى عارفة ان كبريائك فوق كل شىء
و كمان دلوقتى بفارقك واحنا زعلانين قوى
ومش عارف حتى أسمع صوتك
وأودعك بما يليق




معرفش ليه حبى دايما بيأذى اللى بحبهم
وليه بعادهم بيكون الحل الوحيد الباقى
عشان يبقوا أحسن
و يعيشوا ف راحة
والمقارنة بينك
وبين كل اللى عرفتهم قبلك ظالمة لانك حد تانى
بس الخاتمة معاكم واحدة
ويمكن اى بعاد محتمل
انما انت على رأي الست
هاعمل فى حبك اية


معرفش
و زى ما جالى هلع اوقات كتير
حاليا عندى نفس الأحساس معاك
معنديش فعليا أى خطط حاليا
لأحتواء الكارثة دى اللى بتكرر تانى
ومعرفش عندى قوة و طاقة اتحمل كدا تانى  
و بحس ان روحى بتنسحب
و ان اللى جاى خلاص مش فارق
و التفكير فيه هوه كمان مش فارق
و أريح اجابة دلوقتى هيا ...
معرفش




بس عارف ؟
اللى أعرفه قوى ويهمنى
انك تكون بخير
اللى يهمنى انك تسلم من كل شر
اللى يهمنى انك تسامحنى على كل مرة
ضايقتك فيها و خنقتك
و حملتك فوق طاقتك
انا بعتذرلك مش لأنى بقلل من قدر نفسى
ولا غاوي أعذبها واشيل الذنوب
لأ
انتا فعلا صارحتنى من اول لحظة
انك كدا ليك دماغك وطريقتك
والمفروض منتظرش منك التقليدى والمعتاد
وكان لازم أحترم دا و اتفهمه
واعرف انى لازم اكون قده
وانا معملتش كدا و ضغطت عليك
و طالبتك بحاجات متقدرش عليها
طالبتك تكون انسان عادى
وانتا مش زى أى حد




عاوزك تسامحنى يا حبيبى
لما ينتهى غضبك الشديد عليا يوما ما
عاوزاك لما تهدى
تعرف انى بحبك فعلا مش بس كلام
بحبك اكبر من أى تصور و خيال
وحدود للأشياء
وعاوزك  تعرف انى بدعيلك من قلبى
كل لحظة بفتكرك فيها




و الأهم ....
عاوزك  تعرف انى لسه شايفك كبير
وعالى
و غالى زى منتا
و مهما كان اختلافنا دلوقتى
انا اكتر واحد أزعم انى قربت منك
و عرفت اللى محدش غيرى عرفه
و قلبى شافك نضيف وطيب وحنين
رغم انك بتحاول ساعات كتير تبان العكس
و تخلى قلبك يظهر أقسى م الحجر
ودا مش حقيقى


 
و عاوزك تعرف انك روح روحى
مهما عملت
ومهما صورت المشهد بإنى
كنت ف حياتك عشر سنين صحيح
بس و كأنهم كانوا عشر دقايق
وكأنى ف قلبك ... كنت مفيش



واذا كنا خلاص افترقنا
و مش هعرف اشوفك تانى
و لا اسمع صوتك تانى
ولا هيبقى بينا كل اللى كان من تانى
فعاوزك تفهم ليه كنت دايما بدور عليك
مش بس عشان بحبك
و بحتاجلك
قد ما كنت عارف ان وقتى معاك
أقل من القليل
واللى فاضلى معاك و منك
و اللى باقيلى جنبك مش كتير




و تأكد انى لو كنت أقدر احبك
اكتر من كدا
ألف مرة
والله مكنتش هتردد لحظة
بس سامحنى
لأنى مقدرتش اعمل كدا
لأسباب منك و منى و م الدنيا البخيلة
و سامحنى من قلبك
مش بس عشان اللى كان بينا
ولا عشان مبقاش فيه وقت
لأ .. لأنى مش قادر أتخيل زعلك منى
حتى لو مش هتعرفنى و هعرفك تانى
مش قادر اتحمل غضبك عليا
مش قادر اتحمله بجد



عاوزك كمان تعرف
انى بدعيلك طول الوقت
ربنا يصلحلك حالك
و بطلب من اللى بيحبونى يدعولك
عشان لو ان باب السما مقفول ف وشى
فيمكن الملايكة تسمع الدعا من ناس طيبين
فبرضو هتوصله
ويبقالك منه نصيب
انا عاوزك بخير
حتى لو بعيد عن عينى
انتا ف قلبى مهما بعدت عنى
ودا كفاية لو هيكون لك فيه خير
بقى كفاية خلاص



واذا كان البعاد بقى قدر
فنا هرضى عشان انتا ترضى
ومش هدور عليك تانى
و لا هنوى خير و أغلط و بعدين أذيك
و لا هكون موجود ف حياتك
الا لو احتجتنى ف يوم  
ومكنش فيه غيرى يقدر يساعدك
ولو انى عارف
انك مش هتطلب منى حاجة
بس انا عارف انك متأكد
انى مش هتأخر عليك لحظة ... اكيد




مش هدور عليك
لكن هستناك ...
هستناك ف مكان أحسن
مكان مفيهوش أى ظروف و اعتبارات
مكان مفيهوش ناس و مسئوليات
مكان مفيهوش خوف
مكان مفيهوش سوء فهم
مكان مفيهوش زعل و بعاد و هجر
مكان مفيهوش سياسة
مكان مفيهوش احكام مطلقة  
مكان مفيهوش كره
مكان يجمعنا و ميفرقناش
مكان تشوفنى فيه انسان و حلو و نضيف
ومكان لما اشوفك فيه
اعرف أجرى عليك و اخدك ف حضنى
وانا عارف انه حقى
و محدش هيمنعنى و لا حتى انتا ...



اما انا
فـ هسيب مكانك
و دنيتك اللى انتا اخترتها
و هخرج منها عشان انتا تعيشها
و بتمنى من قلبى
انك تكون سعيد فيها
و تكون فعلا مبسوط مش بتقول كدا وبس
بتمنى متقفش عندك
و لا تتراجعش
لكن يا رب تمشى لقدام
بتمنى تكون راضى عن اختياراتك
و بتمنى كمان تلاقى دايما
اللى تحبه و يحبك
وتلاقى قلوب حواليك اكتر
بتمنى متشوفش أذى اكتر
وتشوف خير اكتر
و ترضى اكتر
و تعوض كل اللى فاتك من العمر
بأحسن
واكرم ف كل اللى جاى
و بتمنى تلاقيلك خلاص و راحة
و تدوق طعم الفرح
و ربى يسعدك زى ما خلتنى أفرح كتير قوى
لدرجة تخلى أى زعل يتلاشى
مهما كان



و خليك يا حبيبى براحتك
خليك هناك عندك زى ما حابب
و قد ما ترضى و مكتوبلك
و انا زى ما قولتلك
هستناك
بس
ف .... مكان أحسن
avatar
سهرالليالي
Admin
Admin
اوسمه :
انثى
عدد الرسائل : 1974
تاريخ الميلاد : 20/11/1990
العمر : 27
المزاج : مرح .ابتسامه دائمه . نشيطه
تقييم : 290
تاريخ التسجيل : 22/08/2008
http://sahr2009.yoo7.com

رد: فى مكان احسن

في السبت أكتوبر 28, 2017 9:20 pm
تقييم المساهمة: 100% (2)
ربنا حط ف قلبى محبتك يا حبيبى 
وخلى المحبة دى تملى كل ركن ف قلبى 
وتسكن كل حتة ف روحى 
خلى المحبة دى تبقى 
فوق أى مشاعر 
محبة تعدى حدود عشق راجل لست
محبة اب لبنتة

واخ لاختة

_________________
_________________
احلامنا البسيطه لازم تجرى فى دمنا.. علشان نقدر نعيش ونحقق حلمنا♥ღϠ₡ღ♥ ✿✿♥ღϠ₡ღ♥
_̴ı̴̴̡̡̡ ̡͌l̡̡̡ ̡͌l̡*̡̡ ̴̡ı̴̴̡ ̡̡͡|̲̲̲͡͡͡ ̲▫̲͡ ً̲̲̲̲̲͡͡͡͡ ̲̲͡▫̲̲͡͡ ̲|̡̡̡ ̡ ▼ ▼ —
✿✿-✿✿♥♥ღϠ₡ღ♥

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­­­ ­ ­ ­ ­ ­ ­ ­
♯ آلوجع ليسَّ بـ آلبكآءء ، بل بِ تلك آلتنهيدة آلتي تكآد أن تنتزِع روحك بعدها .
avatar
فرح
مشرف عام
مشرف عام
اوسمه :
انثى
عدد الرسائل : 978
تاريخ الميلاد : 12/12/1989
العمر : 28
العمل/الترفيه : طالبه
المزاج : جميييييييييييييييييييييييييييييييييل
تقييم : 62
تاريخ التسجيل : 11/11/2008

رد: فى مكان احسن

في السبت أكتوبر 28, 2017 9:27 pm
اولا حمد الله على السلامه وحشتنا بجد ووحشتنا كلماتك واحساسك الراقى
ثانيا الكلمات روووووعه والدموع نزلت من عينى
ثالثا مش بنشبع من كلماتك وحضورك

_________________
الدنيا ريشه فى هوا طايره مابين جناحين .....

واحنا النهارده سوا .....
وبكره هنكون فين .....
فى الدنيا فى الدنيا .....
فرح
avatar
ساره
سوبر
سوبر
اوسمه :
انثى
عدد الرسائل : 1032
تاريخ الميلاد : 26/10/1987
العمر : 30
العمل/الترفيه : طالبه
المزاج : 100
تقييم : 99
تاريخ التسجيل : 24/10/2008

رد: فى مكان احسن

في السبت أكتوبر 28, 2017 9:36 pm
مش عارفه بتجيب الكلام الحلو ده من فين قطعت قلبى فينك ياهومه من زمان مش قريت الكلام الحلو ده واحساس الحب  ده

_________________
كُنت أسمَع نِزار قباني يَقولْ :
(لِماذَّا عَلي أن أُمزقَ نَفسي لأجلِك أيتُها الغَـالية ) !!

حَتى أدركتُ مَا معنىَ أنّ يُمزقكَ حُب مَن تُحبْ ♥♥

avatar
ساره
سوبر
سوبر
اوسمه :
انثى
عدد الرسائل : 1032
تاريخ الميلاد : 26/10/1987
العمر : 30
العمل/الترفيه : طالبه
المزاج : 100
تقييم : 99
تاريخ التسجيل : 24/10/2008

رد: فى مكان احسن

في السبت أكتوبر 28, 2017 9:43 pm




الف مبروك يافرح انتى وهيثم اطلاله جميله  يا اجمل عروسه عقبال الفرح
تعالى ع الشات

_________________
كُنت أسمَع نِزار قباني يَقولْ :
(لِماذَّا عَلي أن أُمزقَ نَفسي لأجلِك أيتُها الغَـالية ) !!

حَتى أدركتُ مَا معنىَ أنّ يُمزقكَ حُب مَن تُحبْ ♥♥

avatar
adhamromancy
سوبر
سوبر
اوسمه :
ذكر
عدد الرسائل : 1294
تاريخ الميلاد : 02/07/1983
العمر : 34
المزاج : زى الفل
تقييم : 128
تاريخ التسجيل : 26/08/2008
http://www.facebook.com/adhamromancy

رد: فى مكان احسن

في السبت أكتوبر 28, 2017 9:43 pm
الله يسلمك يا فرح
والف مبروك
والله مهما حكيتلك عن مشاعرى حاليا مش هتصدقى حجم الفرحة والشجن والقلق والمحبة والندم والالفة والشوق والرغبة
ومهما حكيتلك مش هتعرفى غلاوتكم عندى ونظرتى وتفكيري فيكم وفى المنتدى ككل
واسف ع الغياب
وشكرا على مرورك
شكرا يا سهر
وحشتونى
avatar
adhamromancy
سوبر
سوبر
اوسمه :
ذكر
عدد الرسائل : 1294
تاريخ الميلاد : 02/07/1983
العمر : 34
المزاج : زى الفل
تقييم : 128
تاريخ التسجيل : 26/08/2008
http://www.facebook.com/adhamromancy

رد: فى مكان احسن

في السبت أكتوبر 28, 2017 9:46 pm
تقييم المساهمة: 100% (1)
شكرا يا سارة
وحشتينى
دة جزء من قلبى وهو يقطر الما وينزف دما
شكرا على احساسك
مبروك يا هيثم
يا اجمل عريس
avatar
ساره
سوبر
سوبر
اوسمه :
انثى
عدد الرسائل : 1032
تاريخ الميلاد : 26/10/1987
العمر : 30
العمل/الترفيه : طالبه
المزاج : 100
تقييم : 99
تاريخ التسجيل : 24/10/2008

رد: فى مكان احسن

في السبت أكتوبر 28, 2017 10:00 pm
كنت لسه هاقول فين شكرا يا ساره

انت كمان وحشتنا اوووى الف سلامه على قلبك يارب دايما معانا


_________________
كُنت أسمَع نِزار قباني يَقولْ :
(لِماذَّا عَلي أن أُمزقَ نَفسي لأجلِك أيتُها الغَـالية ) !!

حَتى أدركتُ مَا معنىَ أنّ يُمزقكَ حُب مَن تُحبْ ♥♥

avatar
فرح
مشرف عام
مشرف عام
اوسمه :
انثى
عدد الرسائل : 978
تاريخ الميلاد : 12/12/1989
العمر : 28
العمل/الترفيه : طالبه
المزاج : جميييييييييييييييييييييييييييييييييل
تقييم : 62
تاريخ التسجيل : 11/11/2008

رد: فى مكان احسن

في السبت أكتوبر 28, 2017 10:04 pm
والله المنتدى نور... دايما ادهم بيجمعنا باسلوبه الراقى الجميل

_________________
الدنيا ريشه فى هوا طايره مابين جناحين .....

واحنا النهارده سوا .....
وبكره هنكون فين .....
فى الدنيا فى الدنيا .....
فرح
avatar
العندليب
مشرف عام
مشرف عام
ذكر
عدد الرسائل : 184
تاريخ الميلاد : 01/08/1985
العمر : 32
المزاج : مرح
تقييم : 6
تاريخ التسجيل : 08/12/2008

رد: فى مكان احسن

في السبت أكتوبر 28, 2017 10:18 pm
يومها قبل ما أنام إتجرأت
و طلبتك من ربنا و استكترك عليا
و لما صحيت تانى يوم قولت لأ
يا عبيط انت مبتتعلمش
و إنسى و مش معقول و مش هيحصل
و خرجتك من بالى فورا و بسرعة
عشان متعلقش بأمل
وعشان الدنيا عودتنى بقسوتها
انى أبطل أستنى الذى لن يأتى
لكن ربنا
كان أكرم من كل اللى فات
و فجأة لقيتك بتجيلى



الله  الواحد كان نسى الكلام الحلو ده والاحساس العالى ده
تسلم يا باشا
عودا احمد


avatar
اسراء
مشرف
مشرف
اوسمه :
انثى
عدد الرسائل : 827
تاريخ الميلاد : 10/02/1989
العمر : 28
العمل/الترفيه : طالبه جامعيه
المزاج : روعه
تقييم : 72
تاريخ التسجيل : 29/11/2008

رد: فى مكان احسن

في السبت أكتوبر 28, 2017 10:38 pm





حمدلله ع السلامه يا رومانسى المنتدى ياترى ايه سبب الغياب ده كله وازاى قدرت انك تبعد  كل ده كل موضوعاتك هتلاحظ اننا شفناها اثناء غيابك مئات المرات

حروف جمييييييييييييييييييييييييييييله وحضور جبار والموضوع كبير
واذا كان البعاد بقى قدر
فنا هرضى عشان انتا ترضى
ومش هدور عليك تانى
و لا هنوى خير و أغلط و بعدين أذيك
و لا هكون موجود ف حياتك
الا لو احتجتنى ف يوم  
ومكنش فيه غيرى يقدر يساعدك
ولو انى عارف
انك مش هتطلب منى حاجة
بس انا عارف انك متأكد
انى مش هتأخر عليك لحظة ... اكيد





ربنا ما يجيب بعاد ويفرحك  حبك جمييييل

_________________
مرحبا عدد قطرات المطر ..... مرحبا عدد اوراق النهر ..... مرحبا عدد اغصان الشجر مرحبا عدد امواج البحر

...... اسراء
avatar
فرح
مشرف عام
مشرف عام
اوسمه :
انثى
عدد الرسائل : 978
تاريخ الميلاد : 12/12/1989
العمر : 28
العمل/الترفيه : طالبه
المزاج : جميييييييييييييييييييييييييييييييييل
تقييم : 62
تاريخ التسجيل : 11/11/2008

رد: فى مكان احسن

في السبت أكتوبر 28, 2017 10:49 pm
ازيك يا اسوووووو وانا اقول المنتدى نور  

_________________
الدنيا ريشه فى هوا طايره مابين جناحين .....

واحنا النهارده سوا .....
وبكره هنكون فين .....
فى الدنيا فى الدنيا .....
فرح
avatar
اسراء
مشرف
مشرف
اوسمه :
انثى
عدد الرسائل : 827
تاريخ الميلاد : 10/02/1989
العمر : 28
العمل/الترفيه : طالبه جامعيه
المزاج : روعه
تقييم : 72
تاريخ التسجيل : 29/11/2008

رد: فى مكان احسن

في السبت أكتوبر 28, 2017 10:56 pm
نور بوجودك يا قمر مبروك الخطوبه عقبال الفرح اعز حبايبى ربنا يفرحكم


_________________
مرحبا عدد قطرات المطر ..... مرحبا عدد اوراق النهر ..... مرحبا عدد اغصان الشجر مرحبا عدد امواج البحر

...... اسراء
avatar
adhamromancy
سوبر
سوبر
اوسمه :
ذكر
عدد الرسائل : 1294
تاريخ الميلاد : 02/07/1983
العمر : 34
المزاج : زى الفل
تقييم : 128
تاريخ التسجيل : 26/08/2008
http://www.facebook.com/adhamromancy

رد: فى مكان احسن

في الأحد أكتوبر 29, 2017 9:54 am
صباح الخير
شكرا يا عندليب على ذوقك
والله كلكم وحشتوني
شكرا يا اسراء
وحشتيني
والله الغياب اسبابة كتيرة وغصب عنى والله ومش بارادتى ومش هيتكرر تانى
مهما حدث
اوعدك
avatar
اسراء
مشرف
مشرف
اوسمه :
انثى
عدد الرسائل : 827
تاريخ الميلاد : 10/02/1989
العمر : 28
العمل/الترفيه : طالبه جامعيه
المزاج : روعه
تقييم : 72
تاريخ التسجيل : 29/11/2008

رد: فى مكان احسن

في الأحد أكتوبر 29, 2017 7:58 pm

يا رب دائما منتدى سهر يجمعنا  شفنا اجمل ايام عمرنا  واجمل صداقه واجمل اخوات



_________________
مرحبا عدد قطرات المطر ..... مرحبا عدد اوراق النهر ..... مرحبا عدد اغصان الشجر مرحبا عدد امواج البحر

...... اسراء
avatar
عاشق السهر
سوبر
سوبر
اوسمه :
ذكر
عدد الرسائل : 715
تاريخ الميلاد : 10/03/1985
العمر : 32
الموقع : www.sahr2009.yoo7.com
العمل/الترفيه : صيدلى
المزاج : عال العال
تقييم : 23
تاريخ التسجيل : 01/12/2008

رد: فى مكان احسن

في الأحد أكتوبر 29, 2017 8:21 pm
ازيك يا صاحبى حمدلله ع السلامه لك وحشة والله ويارب يكون خير ان شاء الله  ..... والله يبارك فيك وعقبالك ان شاء الله كلنا لها









عاوزك كمان تعرف 
انى بدعيلك طول الوقت
ربنا يصلحلك حالك 
و بطلب من اللى بيحبونى يدعولك
عشان لو ان باب السما مقفول ف وشى
فيمكن الملايكة تسمع الدعا من ناس طيبين
فبرضو هتوصله
ويبقالك منه نصيب 
انا عاوزك بخير 
حتى لو بعيد عن عينى 
انتا ف قلبى مهما بعدت عنى 
ودا كفاية لو هيكون لك فيه خير
بقى كفاية خلاص

_________________
بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت .. قارب نجاة
قالوا مفيش
غير بس هو الحب قارب نجاه
عاشق السهر
avatar
adhamromancy
سوبر
سوبر
اوسمه :
ذكر
عدد الرسائل : 1294
تاريخ الميلاد : 02/07/1983
العمر : 34
المزاج : زى الفل
تقييم : 128
تاريخ التسجيل : 26/08/2008
http://www.facebook.com/adhamromancy

رد: فى مكان احسن

في الإثنين أكتوبر 30, 2017 9:12 am
صباح الخير يا هيثم
واحشنى والله
والف مبروك
والخير بوجودكم وبوجودى معاكم دايما
avatar
هانيا
مشرف
مشرف
انثى
عدد الرسائل : 538
تاريخ الميلاد : 11/11/1987
العمر : 30
العمل/الترفيه : طالبه
المزاج : حلوووووووووووووووووو
تقييم : 57
تاريخ التسجيل : 29/11/2008

رد: فى مكان احسن

في الإثنين نوفمبر 06, 2017 8:54 pm
كل هذا الحب   الصفحه اتحولت ل قلوب حلوه وحب وصداقه 

_________________
ترنم يا قلبي رغم الدموع
فلازال حبه باقيا........وان كان يوما سيموت
فسيبقى في قلبي حيا.......
وهو الذي افرحني يوما.........وسنينا ابكاني

هانيا
avatar
adhamromancy
سوبر
سوبر
اوسمه :
ذكر
عدد الرسائل : 1294
تاريخ الميلاد : 02/07/1983
العمر : 34
المزاج : زى الفل
تقييم : 128
تاريخ التسجيل : 26/08/2008
http://www.facebook.com/adhamromancy

رد: فى مكان احسن

في الثلاثاء نوفمبر 07, 2017 9:16 am
دايما ان شاء الله
avatar
emy
سوبر
سوبر
اوسمه :
انثى
عدد الرسائل : 796
تاريخ الميلاد : 21/10/1986
العمر : 31
العمل/الترفيه : \'طالبه جامعيه
المزاج : روشه
تقييم : 34
تاريخ التسجيل : 25/11/2008

رد: فى مكان احسن

في الثلاثاء نوفمبر 07, 2017 7:55 pm
يارب دايما يجمعنا منتدى سهر وترجع اجمل ايامنا والسحرى والطائر وميدو واحساس وحريف ونور  ومنى ورامى وكل الاعضاء اللى غايبين

_________________
في الحب خطابات نبعث بها
وأخرى نمزقها
وأجمل الخطابات هي اللتي لا نكتبها ........ ايمى
avatar
adhamromancy
سوبر
سوبر
اوسمه :
ذكر
عدد الرسائل : 1294
تاريخ الميلاد : 02/07/1983
العمر : 34
المزاج : زى الفل
تقييم : 128
تاريخ التسجيل : 26/08/2008
http://www.facebook.com/adhamromancy

رد: فى مكان احسن

في السبت نوفمبر 11, 2017 5:11 pm
يارب
ان شاء الله
اجمل ايام واجمل صحبة
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى