سهرالليالي
منتدى سهرالليالى ♥♥ .... أحلى منتدى
مرحبا بك ....عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائها اهلا بك فى اسره منتدى ......... 🌺 سهرالليالى
احلامنا البسيطه لازم تجرى فى دمنا علشان نقدرنعيش ونحقق حلمنا♥♥.
المواضيع الأخيرة
أفضل 10 أعضاء في هذا المنتدى
1967 المساهمات
1279 المساهمات
1144 المساهمات
1027 المساهمات
978 المساهمات
839 المساهمات
824 المساهمات
794 المساهمات
715 المساهمات
639 المساهمات
المتواجدون الآن ؟
ككل هناك 4 عُضو متصل حالياً :: 0 عضو مُسجل, 0 عُضو مُختفي و 4 زائر

لا أحد

مُعاينة اللائحة بأكملها


شاطر
استعرض الموضوع السابقاذهب الى الأسفلاستعرض الموضوع التالي
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

أشعر بالسعادة حينما

في السبت نوفمبر 11, 2017 5:06 pm



أشعر بالسعادة حينما


الاقي عشرين جنيه في بنطلون قديم في الدولاب


أشوف طفل صغير بيضحك بصوت عالي


لما نبقى في رمضان ..
وابقى في الشارع وقت آدان المغرب ..
والاقي ناس ماعرفهمش ولا يعرفوني بيجروا عليّ عشان يدوني كوباية قمر دين وكام تمره مع انى مبحبش قمر الدين


أحس ان في ناس بيحبوني لله فـِ لله


لما أشوفك رايق


أعرف اني مش هاسيب اسكندريه ..
ولو هاسيبها يبقى للقاهرة


الاقي ناس بتشاركني الحاجات اللي بتسعدها وبتقولها ..
بدل ماهم مقضينها لايك في الصمت


حد من صحابي القدام يكلمني ويسأل عليّ


لمّة العيله في فطار رمضان واحنا كل مره بنزيد عن السنه اللي قبلها


اروح اصلي في الجامع واشوف طفل صغير لابس جلابيه وطاقيه وجاي مع ابوه ..
ويفضل لاخمنا لغاية مانخلص الصلاة ونبقى مخنوقين منه ..
وأول مايشوفنا ويلمح في عينينا نظرة الخنقه ..
يروح جاري على ابوه وقاعد جنبه وهو مكسوف


لما حد يعشمنى بالأكل في يوم عند فرحات بتاع الحمام وينفَضّ ..
واروح مع ناس صحابي واغيظة


أروح اصلي التراويح في جامع حاتم ..
والاقي الجامع فيه اكتر من عشرة الاف ..
وكل الناس سايعه بعض والجو روحاني لأبعد الحدود


اشوف قطه نايمه على جنبها وعيالها بيرضعوا منها وهم متطمنين للي حواليهم


نخرج نتفسح انا وصحابي ونزقطط ونتصور صور معفنه ونبقى شايفينها احلى صور في الحياه


لما باتمشى في شوارع اسكندريه بالليل ..
وياسلام لو في الشتا


احضر حفلة لعمر خيرت في مكتبة اسكندريه


لما اخد بوسه من طفل صغير ..
او ينام في حضني


لما اطفي النور وأولّع اباجورة المكتب واحط رجلي عالمكتب واسمع فيروز


لما اقوم اعمل نيسكافيه وارجع الاقي كذا كومنت كلهم حلوين


لما اعمل كنافه وانا ما باعرفش اعملها وبتطلع زي الزفت ..
وابقى باكلها وانا فرحان ان في مخلوق كامل متكامل طلع من تحت ايدي حتى لو وحش


لما باشرب مج النيسكافيه بتاع الصبح


لما اكون سبب في ضحكة حد باحبه


لما اصلي الفجر في وقته


افتكر ايام الرحلات بتاعة زمان وتهيصنا وغُنانا في الاتوبيس ..
والتجهيزات اللي قبل الرحله


لما باكل سمك وجمبري من عند حسنى


لما باسمع الراديو على إذاعة القرآن الكريم في محل مقفول


لما اقعد افكر في حل لمشكله وفجأه الاقيلها حل سهل قوي


لما ابطل اكتب عشان احساس غبي اني فقدت مهارة الكتابه ..
واكتب بعد كده
الاقيني باكتب حلو ..


لما اعمل طبق فول بالزيت والليمون زي اللي عامله دلوقتي
ماتيجي تاكل ؟


لما اروح المطار استنى حد من صحابي ولا قرايبي ..
والاقي الناس بتستقبل بعض وهي بتضحك وفرحانه برجوع الغايب


لما الاقي شباب شكلهم يفرح في الفالنتاين شايلين ورد


لما الاقي اسره مصريه مكونه من اب و أم ومعاهم ولدين وراكبين فيزبا ..
والعيال فرحانه عشان قاعدين عالناحيه اللي فيها الشباك


لما اقرى آخر كومنت لـ حبيبي واقع في الارض ضحك


لما الاقي حد صاحبي لاسع بيتصل بي وبيقول لي : جاي طلعة االقاهرة صَدّ رَدّ !؟


لما ابقى هاموت من الحر والخنقه ..
وادخل اصلي الضهر في جامع فيه تكييف
باحس بسكينه وارتياح نفسي لا يوصف

لما الاقي تواليت نضيف

لما اسمع صوت المسحراتي وهو بينادي على اسمي للسحور في رمضان


لما الاقي واحد بيثق فيّ ويقوللي انه عايز يقوللي سر


لما بنت اخويا اللي عندها خمس سنين تقولي انا باحبك قوي ياعمو وعايزه اتجوزك


لما ماما بتتفشخر بيا وسط اخواتها وصاحباتها


لما الكهربا تكون قاطعه في الايام الحر اللي مايعلم بيها الا ربنا وترجع تاني واسمع صوت المروحه وهي بتلف ..
باحس ان روحي رجعتلي تاني


لما كنا في ميدان التحرير قبل خلع مبارك ولقيت واحد و واحده شكلهم بيحبوا بعض ..
ولقيته نايم بدماغه على رجلها زي مايكون طفل وهو متطمن في وسط الميدان ..
مع ان جنبهم اسره كان شكلها سلفي


لما كنت باقف مع جيراني في اللجنه الشعبيه قدام بيتنا واهاليهم بتعمللهم سندوتشات ويبعتولهم ترمس شاي ..
وانا ارخم عليهم واقولهم انا عايز نيسكافيه بلاك


لما لقيت واحد ولا اعرفه ولا يعرفني في الميدان بعد ما مبارك اتخلع ..
بياخدني بالحضن واحنا فرحانين

لما ابويا يضحك بصوت عالي وهو اصلا مابيضحكش كتير


لما اجيب برطمان نوتيلا وافتحه وادبّ اول معلقه منه في بؤي


لما اقف قصاد المرايه واحس اني مرتاح


لما باحس اني قدرت اضحك حد كان متضايق واطلعه من المود


استشعر رضا الله ويكون معايا فلوس كتير عشان ابسط اللي حواليا


لما باغنّي


لما احس ان الناس بتحسن من سلوكها في الشارع وبيقفوا طوابير ومابيرموش حاجه عالارض


أعود طفلا


لما الاقي حد ماعرفوش بييجي يساعدني ولما باديله فلوس مايرضاش ياخدها ابدا


لما اقدر اساعد حد غلبان ويدعيلي من قلبه


لما اكون نازل الصبح متضايق والاقي طفل بيضحكلي في العربيه اللي قدامي


لما اروح فرح والاقي ناس فرحانه من قلبها ومابينمّوش على خلق الله


لما بالاقي حد بيقول انه بيحب يدخل على الاكاونت بتاعي عالفيس عشان يقرا حاجه حلوة


لما اقعد مع صحابي ونفتكر الذكريات القديمه ونضحك عليها


لما ابقى مسافر مع صحابي وافتكسلهم نوع أكل غريب وياكلوه ويعجبهم ..
والاقيهم بيقولولي تاني يوم : هاا ..
افتكستلنا ايه النهارده !!؟؟


لما باروح مصلحه حكوميه واقدر اضحّك موظف من بتوع فوت علينا بكره ياسيد ..
ويخلّصلي الحوار بتاعي عشان ضحكته


لما باشوف راجل و ست كبار في السن وماسكين ايد بعض وبيحبوا بعض قوي


لما ابقى باعمل فطار في رمضان والاقي ابويا قبل الفطار بنص ساعه مثلا بيقولي : اعمل حسابك فلان هايفطر معانا


لما تيجي في بالي فكرة اني هاوصل للي عايز اوصله
وهاثبت للي بيراهنوا على فشلي انهم أفشل ناس في الحياه
واني لو ماوصلتش للي انا عايزه .. يبقى هاموت وانا باحاول


لما تكون في حاجه واقفه قدامي في الشغل وماحدش عارف يعملها ..
وفي الاخر اعرف اعملها


لما اسمع القرآن واكمل معاه ..
خاصة لو سورة انا عارف اني مش حافظها


لما انت يا حبيبي تكلمنى
وترجع لحضنى
واحس انك سعيد

ملحوظه
لقيت ان السعاده عباره عن حاجه بتتنقل بالإيحاء
لو حد سعده الموضوع ده وعايز يسعدني .. يقول اللي بيسعده في رد

avatar
العندليب
مشرف عام
مشرف عام
ذكر
عدد الرسائل : 177
تاريخ الميلاد : 01/08/1985
العمر : 32
المزاج : مرح
تقييم : 6
تاريخ التسجيل : 08/12/2008

رد: أشعر بالسعادة حينما

في الأحد نوفمبر 12, 2017 6:31 pm
الله يديم عليك وعلينا السعاده
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى