- هاني العباسيعضو متميز
عدد الرسائل : 2
تقييم : 6
تاريخ التسجيل : 22/12/2017
لوسالوك عن معني الحب
الإثنين مارس 26, 2018 10:46 pm
[وحدهم المديرون لديهم صلاحيات معاينة هذا الرابط]
[rtl]لو يوم سألوك عن معني الحب
اوعاك تنكب
وتبان من أول لحظة ضعيف
اتقل واتمايل في القعدة
دا مفيش بنيان منغير قاعدة
ولو جالك مرة الشوق حاير
أو اخر السنة راودك ف منام
انفخ دخانك في يناير
واعمل صايم عن اي كلام
ارسم احلامك بضفاير
ممدودة ف شباك العشاق
وبتحض نسمة ف ليلة صيف
شبعانه غرام مع هوا مشتاق
اياك تتثبت من نظرة
أو تدخل في العشق مناظرة
راح تعشق جد وتزيد ع الحد
انا قلبي عليك
دا ساعات البرد
يكون تخاطيف
بيجيلنا ف اخر فبراير
وتروح الشتا مع ضربة شمس
تلقااااه تخاريف
متبعش غرامك طوالي
دا كتير بتكون النظرة دي كدب
لدغات ملفوفة ف ورقة زيف
انا كاره كل معاني العشق
ان كانت كدا تتقال تصريح ...
لو مرة صادفت غريب القلب
اوصف له طريق ..
يقدر يمشيها ف ليل الشوق
يتعكز علي ضي مشاعرو
وتوصلو ليه ....
طوالي لفووووق
اطمن ولا تحمل همو
الريح متكفل بشراعو
هيسافر بيه ويصبرو لو عاند يمو
هيشوف بالروح انوار موانيه
حتي وان كان اللحظ كفيف
لو يوم ساوموك علي كسب القوت
متخافش الجوع
دا محدش ماسك في يمنيو ازرار الموت
رزقك مضمون
صوتك مسموع أملك مرفوع
اوعاك تختار كشف الاسرار
أو تهتف تحت رايات فرعون
لو ملك الكون
او هدد يحرق احلامك
واقتدي بنيرون
او دخل الازهر بخيولو
زي نابليون...
انصب ضهرك وكفاية خضوع
يتساوي ف اخر الليل
حالك.. وترف غيرك...
حتي ان كان ذادك فتافيت
أو نص رغيف
لو حد جه سألك يوم ع النور
اوعاك تخزل قلبو المكسور
طبطب بشويش
علي ضهر الايام تفتحلو
حضنها ببراح..
الكون دا سداح في مداح
كوكتيل تحابيش
ويساع الكل بدون تصنيف
لو حد جه سألك يوم عنها
خليك دوغري...
وواعاك تتكعبل ف حنينك
والوجع المحفور ف سنينك
وغتاتة وخلق معاندينك
ارسمها كتاب
مليان احلام
ونصوص محفوظة
باحكامهاااا
مفيهاش تحريف
هاني[/rtl]
- محمد السحرىسوبر
- اوسمه :
عدد الرسائل : 1238
تاريخ الميلاد : 18/10/1981
العمر : 42
الموقع : sahr2009.yoo7.com
المزاج : احبكم
تقييم : 245
تاريخ التسجيل : 22/12/2008
رد: لوسالوك عن معني الحب
الثلاثاء مارس 27, 2018 10:08 pm
ارسمها كتاب
مليان احلام
ونصوص محفوظة
باحكامهاااا
مفيهاش تحريف كلمات رائعه ومعانى اروع تسلم ياشاعر
مليان احلام
ونصوص محفوظة
باحكامهاااا
مفيهاش تحريف كلمات رائعه ومعانى اروع تسلم ياشاعر
رد: لوسالوك عن معني الحب
الأربعاء مارس 28, 2018 7:42 pm
ارسم احلامك بضفاير
ممدودة ف شباك العشاق
وبتحض نسمة ف ليلة صيف
شبعانه غرام مع هوا مشتاق
اياك تتثبت من نظرة
أو تدخل في العشق مناظرة
راح تعشق جد وتزيد ع الحد
حروف راقيه
ممدودة ف شباك العشاق
وبتحض نسمة ف ليلة صيف
شبعانه غرام مع هوا مشتاق
اياك تتثبت من نظرة
أو تدخل في العشق مناظرة
راح تعشق جد وتزيد ع الحد
حروف راقيه
صلاحيات هذا المنتدى:
لاتستطيع الرد على المواضيع في هذا المنتدى