اجرى الحقلك كرسى قبل ما ياخده عم مرسى, السباق عالكرسى

السلام عليكــم ورحمـة الله وبركاتــة ،،

شوفوا هو موضوع بسيط ولكننننننن و خدوا بالكوا قوى من كلمة لكن دى بيجى بعدها دايما بلاوى سودة

ولكن هو موضوع مستفز فى واقع الأمر و فى نفس ذات الوقت ..........

انا كل يوم لما اجى اركب المترو ببصم بالعشرة ان مش الحكام بس اللى بيتسابقوا عالكرسى

ولكن من الواااااااااااااضح و الظااااااااااااهر و الجلىىىىىىى " مش الجيلى اللى بيتاكل " دة غير دة

من الواضح ان دى صفة متوارثة فى الشعب المصرى اساسا ابا عن جد .....

تيجى تركب المترو فى عربية السيدات تلاقى العيون كلها شغاله مسح عالقاعدين

وياسلام بقى لو واحدة تجرؤت و فتحت شنطتها ثلا تطلع التذكرة و لا عطست حتى او بدر منها اى حركة عفوية

تلاقى الستات عينيها هتطلع عالكرسى بتاعها و كلهم متحفزين للهجوم عالكرسى على امل يعنى انها كدة بتستعد

لمغادرة الكرسى و نزول المحطة .....وبص بقى عالوشوش لو الست طلعت مش قايمة , قمه الإحباط و الحزن و اليأس

تقولشى فرصة عمرهم ضاعت منهم !!!!!!!!!!

و الحاجة الرخمة بقى فى الموضوع لما يكون الواحد واقف فى امان الله و يشاء الله عز وجل انه يفضى الكرسى اللى قدامه مباشرة و يهم بالجلوس و خلاص بيقعد يلاقى نفسه قعد على حجر حد , خيييييييير اللهم اجعله خير هو مش كان فاضى دلوقتى ؟؟

يبوصولك كأنك مجنون اتارى الست ام احمد اول ما الكرسى اللى جنبها فضى اتزحزحت عشان تقعد جنبها صاحبتها ام فاروق

والمواطن الغلبااااااااان المسكييييييييييين اللى رجليه ورمت من الواقفة و خلاص ربنا فرجها عليه و هيقعد يغتصبوا حقه بكل غتاتة و رخامة و تناحة............اعوذ بالله على دى ناس يا جدع مش معقولة بجد

محسوبتكم بقى , من اجل البرستيج بقف ثابته ولا اتجه ناحية اى كرسى عشان بس الواحد ما يهزقش نفسه و يتحرج ويلاقى حد تانى جرى ناحيته , فالواحد بيقف بكرامته بس على حساب رجلين سيادته بقى فلترفع شعار " اصون كرامتى من قبل رجلى " بكسر الراء ركزوا ها..........

بجد بذمتكم انا راضية ذمتكم و انتوا ناس اصلا و ذمتكوا واسعه يجرى فيها الخيل يعنى

دة موقف سخيف ولا مش سخيف ؟؟

ايه يعنى كرسى ؟؟ يستحق الواحد يعمل عشانه ضغينه مع المواطن اللى ذيه؟؟ والناس تتلاءم و تتخابث و الله بيعملوا خطط
عشان يفوزوا بالكرسى تلاقى الصحاب اللى مع بعض يقعدوا يغمزوا لبعض كدة بيوزعوا نفسهم يعنى انتى روحى هناك الست دى شكلها مش هتكمل للمعادى اخرها كدة حسنى مبارك و هتموت روحى اوقفى هناك....و انتى روحى عند الست دى ابنها قاعد على رجلها مطلع عين اللى خلفوها مش هتتحمل اكتر من محطتين و هترميه من الشباك و تقوم تسلم نفسها ....

حاجات كدة و الله و انا بقى لما الاقى النظام دة شغال و الاشارات و المواضيع دى بتننننننح بقى و مش بقوم و لو محطتى جت مابقومش الا لما هم ينزلوا ها بقى غتاتة كدة..........مبحبش نظام القرطسة لا للقرطسة لا مؤاخذة انا عندى البنى ادم يجى يطلب من الذوق يقعد مكانى و انا اقومله بمزاجى لكن قرطسة لااااااااااااا لا مومكن ابدا يحصل

ها بس كدة خلاص فرغت الشحنة اللى عندى

سلامو عليكو

تسلم ايدك على الموضوع كويس ورائع




مشكوووووووووووووووا جداا


نسالكم الفاتحه على روح محمد رمضان عبد السلام


او محمد العاشق

شكرا على الرد
ويارب ارحم موتانا المسلمين
واجعل قبورهم روضه من رياض الجنة
وارحمهم واغفر لهم