عريس جاهز ولا عريس خايب

السلام علي اهل السلام اذيكم بجد كلكم وحشتوني اوى مش جايلي نوم فقلت اقوم ارغي معاكم شوية



معاكم شوية واحكلكم حكاية واخد رايكم فيها صلو علي النبي ( علية افضل الصلاة والسلام)


عندى صاحبتي عقبال عندكم وعندنا هاتخش عش الزوجية وطبعا الموضوع مش سهل دة حوار كبير اوى


من بيت وفرش وجهاز وحاجات كلنا عارفينها وطبعا هي البت خسة ومعدومة من كترالا وراءها ولا مستنيها


المهم كلمتني وقالتلي تعالي عاوزاكي قلت في سرى خير هو في اية قولتلها حاضر اخر النهار هاجيلك


وجية وروحت ولما دخلت لاقيتها هي وماممتها وستها قعدين طبعا دخلت وبوسة من هنا وبوسة من هنا لغاية خدى


ما وجعني المهم اذيك يا نونة الحمد لله يا طنط اذيك يا ستو اذيك يا بنتي وقعدت وبدا الكلام كلمة من



العروسة المكوسة وكلمة من مامتها وستها يابت يا خايبة مش لو كنتي اخدت العريس التاني كنت زمانك مستريحة


وجيبلك كل حاجة احسن من الخايب الا معاكي والا مش عارف لغاية دلوقتي يديك حق الكوافير والفستان جنتة نيلة


الا ما فية حاجة تسر انا عارفة عاجبك فية قال علي راى المثل لا جمال ولا مال ولا حلاوت لسان طبعا كل دة


وانا قاعدة مكتومة كتمت الكحك وبسمع والعروسة الغلبانة جبي ساكتة وبتسمع ساكتت مامتها طلعت ستها


وقالت كدة بصوت تريقة خلاص بقي يا روحية المهم انها تكون مبسوطة وكلمة من هنا يا حضرات وكلمة من هنا


وانا بقيت في وسط هدومي وحسيت ان البت مغلوبة علي امرها ولازم اساعدها المهم اتشمللت وقولت خلاص بقي يا


طنط النصيب غلاب المهم ربنا يسعدها قالتلي نصيب اية بس احنا الا بندور علي الفقر فين وبنروحلو جالها


عرسان كتير بس هي الا خايبة وقال اية بتحب قال حب قال خلي بقي الحب ياكلها ويجبلها الحاجات الناقصة جوة


الشقةوخلية يدفع الاقساط الا هتكون عليهم وخلية لما ربنا يكرمها يولدها في عيادة مش مستشفي حكومي وخلية


يفسحها ويجبلها الا هي عاوزاة ويخلية؟؟؟؟؟؟ ويخلية ومخلصتش من قصيدة يخلية دة الا استمرت طول القعدة


وفجاة تليفوني رن فرحت قولت لنفسي خلاص هترحم من قصيدة خلية رديت لاقيتها امي بتقولي يلا يا هانم كفايا كدة


اية القعدة عاجبتك الست دية دايما انا مظلومة معاها قولتلها حاضر بيني وبينكم لاقيتها فرصة اني استاذن


وقمت وقفت وقولتلها معلش يا طنط انا لازم امشي واخدت العروسة في حضني وبوستها وقولتلها بت بلاش جواز احسن


وربنا معاكي ويلطف بيكي وتصمدى وخرجت وانا بقول لنفسي هو الواحدة بتجوز علشان تفرح والا علشان تسمع قصيدة

وقولت العريس الجاهز والا العريس الخايب والا فلتحيا العنوسة ولا قصيدة خلية

هههههههههههههههههههههههه
لسانك حلو اوى يا نور
وبتعرفى تحكى وتشدى الاذان وبالتاكيد الابصار
اهم شىء يا نور الارتياح والرغبة فى المشاركة
اهم شىء انك تلاقى الانسان اللى موجودة فية كل رغباتك
وتحسى انك عايشة لية وفية وعشانة
دة اهم من بتاع الشقة والعربية والجمبرى والاستاكوزا - رغم انهم مهمين اوى الايام دى -
واصعب ما يواجهة الشباب الايام دى
انهم مش بيلاقوا حد يفهمهم
لان كل حد قريب منهم بيفكر بتفكيرة هو
ودة غلط
المفروض الاب او الام او الجدة
تسمع للبنت
ما يحاولوش يعيشوا بنتهم او ابنهم زى ما هما عاوزين
المفروض البنت تعيش زى ما هى عاوزة
مع بعض النصايح طبعا

اتمنالك حياة سعيدة
وعقبالك

قد اية كلامك صح في حاجات كتير فعلا الواحد


لازم يدور علي الا يسعدة ويحس وهو معاة انة يملك الدنيا كلها




لان السعادة مش في الامكانيات وبس ولكن بالقلب الا يكون جبك العمر كلة



اسعدني مرورك اوى اوى بجد ولا تحرمني من تعليقاتك الجميلة ولا من موضوعاتك الاجمل



تقبل مني كل احساس بالسعادة

اهلا بيكي يانور موضوعات كلها جميله واحساسك حلو بعد رد ادهم مش لاقيه كلام اقوله دايما باتعلم منه الفلوس مش بتشتري كل حاجه ممكن تشتري بيها دوا بس مش تشتري صحه تشتري سرير بس مش تشتري نوم ممكن تشتري شبكه وفستان بس عمرها ماتشتري لحظه سعاده وحب الانسان اللي يحبك اغلي

نور بجد مش لاقى كلام ارد بيه عليكى غير انتى اكيد ليكى نصيب كبير من اسمك علشان كده اى حاجه بتكتبها
بتشع نور وجمال اما بخصوص موضوعك انا موفق على كل الى انتى قولتيه انتى وسهر وادهم بس انا شيف
انكم كتبتو عن ثلاث اضلع المشكلة ونسيتو الضلع الرابع وهو العريس الذى يمتلك الامكانات الى جاهز يعنى
لو هو بنى ادم ورجل لزم يعرف الهتتجوزه بتحب غيره ولا لا اعتقد ان التصرف ده هى حل كتير من المشاكل
وانا كتبت من وجة النظر دى علشان انا من الشباب الى يعنى الحمد لله مستوره معهم بس اكيد عمرى ما هخطب
وحدة الى لو كنت متاكد انها مش بتحب حد قبلى اكيد كرمتى لا تسمح بكده كمان انا عيذ نعزر الاهل اكيد هما
نفسهم يشوف بنتهم فى اسعد حال واعتقد ان احنا ارانا هتتغير لما نكون احنا فى موقف الاهل الاب والام يعنى
علشان احنا دلوقتى الى بيحركن هو القلب والاحساس اكتر من العقل والمنطق .دى وجة نظرى مش عرف ممكن
حد يتفق معى او لا على العموم ربنا يسعدنا كلنا ويحقق امانينا فى الزوج بمن نحب .شكرا يا نور واتمن ليكى
السعادة مع من تحبى

اناباتفق مع سحري في ان الاهل عندهم حق من حقهم يتطمنوا علي مستقبل بنتهم لكن ساعات بتكون دي مشكله صديقه وصديق ومهماوصفت لكم حبهم وصدقهم وعذابهم لما بيحاولوا يدافعوا عن حبهم باحس انهم همااللي من حقهم يقرروا ويتحملوا

ربنا معاكم يا ساره ويكون امتحان ساهل رايك انتي وساحرالقلوب صح بس راي ادهم مقنع ورد سهورتي حسيته وموضوع نور نعممه وكل البنات تاخدالجاهز بلاش الخايب