هل هلالك شهر مبارك

بسم الله الرحمن الرحيم

(وَيُطْعِمُونَ الطَّعَامَ عَلَى حُبِّهِ مِسْكِيناً وَيَتِيماً وَأَسِيراً& نَّمَا نُطْعِمُكُمْ لِوَجْهِ اللَّهِ لَا نُرِيدُ مِنكُمْ جَزَاء وَلَا شُكُوراً & إِنَّا نَخَافُ مِن رَّبِّنَا يَوْماً عَبُوساً قَمْطَرِيراً)

صدق الله العظيم


قال رسول الله صلى الله عليه وسلم

(أحبُّ الأعمال إلى الله ثلاثة : إشباع جوعة المسلم، وقضاء دينه، وتنفيس كربته)

صدق رسول الله صلى الله عليه و سلم


رمضان كريم ... الله أكرم
زى كل سنه ... هانستعد لرمضان قبله بكتير
وده بسبب غلاء الأسعار يوما بعد يوم
نلحق نخزن شويه رز وزيت وسمن وسكر أحسن مش ها نلاقيه
و و و و
حاجات كتيره أوى بنعملها كل رمضان
بس احنا مش جايين نقولك لا
ماتعملش كده
لا خالص
احنا بس عاوزينك تفتكر ان فيه اسر كتيره بتدعيلك كل رمضان
على الشنطه اللى بتبعتهالها
ايوه انت
انت وجارك وزميلك فى الشغل وصاحبك واخوك
متخيل دخلت الفرحة برمضان على كام بيت؟

انت عارف ....
فى الوقت اللى انت بتفكر فيه انك ازاى ها ترتب ميزانية رمضان علشان تجيب للبيت كل الطلبات الضروريه والغير ضروريه كمان
اصل رمضان ده شهر كريم
فى الوقت ده نفسه فى ناس بتفكر يا ترى انت ها تبعتلها ايه؟
مستنياك
بتحاول تتخيل
ويمكن تكون بتقول يا رب يزودوا السكر شويه
اصله اهم من المكرونه
السنة دى الأسعار ولعت!
السنه دى بنحلم وبنتمنى اننا ما نزودش مكونات الشنطه
بس على الاقل .... نفسنا نزود عدد الشنط
ممكن تساعدنا وايدك فى ايدنا
نوصل زكاة مالك او صدقاتك او تبرعاتك
لناس فى احوج ما يكون لمكونات الشنطه دى
يا ريت تفتكر الناس دى وانت بتستعد لرمضان
اكيد ها يبقى لهم نصيب كبير فى حساباتك
واللى اكيد اكتر ... انك هاتلاقى ده كله مستنيك
ويمكن سابقك كمان
يوم القيامه
يوم ما تكون فى أمس الحاجه لحسنه واحده تقربك خطوه للجنه
كل سنه وانت طيب
ورمضان كريم

مكونات الشنطة السنة دي بإذن الله:
5 كيلو أرز
3 كيلو مكرونة
5 كيلو سكر
2 كيلو سمن
ربع كيلو كركديه
2 باكو شاي

لو حابين تساهموا معانا لو سمحتم اتصلوا بينا على الأرقام دي:

من القاهرة: 0127338802 - 0127338803 - 0126741448
من الزقازيق: 0120107108 - 0121529277 - 0124104117- 0101109695
من طنطا: 0125283742 - 0168977361 - 0107797641
من الإسكندرية: 0122910468-0101045878-0122755652
من العاشر من رمضان: 0105727335
وكل سنة وانتم طيبين،
وجزاكم الله خيرا...












ياريت اشوف ردودكم الحلوة



اخوكم / الحريف

موضوع جميل اووووووووووووووووووى
انت احلى حريف

كل سنه وانت طيب
واتمنى ان كلنا يبقى عندنا نفس الروح والاحساس الجميل ده

شكرا على ردك الجميل ده يا سهر وبجد والله انتى اجمل عشان تعملى منتدى جميل زايك