ده رأيى وممكن تتفق او تختلف معايا!!؟(رأيى من التعديلات الدستوريه)

الإثنين مارس 14, 2011 12:48 pm تقييم المساهمة: 100% (1)

اعتقد ان الناس دلوقتى تلات فرق مش فريقين بس زى ما البعض بيتخيل،

فى ناس مع و ناس ضد و ناس محتارة ، و اعتقد ان دول الاغلبية، و عشان يفهموا اه ولا لا، لازم يبقا فى كتير من المصارحة و الشفافيه

يعنى واضح ان التيار الدينى كله مع التعديلات و ده لانهم خايفين ( وبصراحه ) من كلمه دستور جديد دلوقتى، لانها هتفتح الباب لتغير الماده التانية

وييجيى معاهم بقايا الحزب الوطنى، عشان بردو عاوزين انتخابات سريعه و بقوائم العمال و الفلاحين بتاعتهم الجاهزة يقدروا يحققوا بعض المكاسب،

اما المعارضين للتعديلات فهما الاقباط ( وان كانت قياداتهم لم تصرح بذلك) و معاهم الليبراليين من المسلمين، اللى حاليا لم يصرحوا بطلب تغيير الماده التانيه، و لكن شددوا على ان الدستور بالكامل لازم يتغير

وده بيحطنا فى تصور للوضع من حيث المزايا و العيوب مع او ضد التعديلات

فمثلا مع التعديلات تجد مزايا:

-استقرار سريع

-ضمان التخلص من الحكم العسكرى

-عدم تغيير المادة التانية

اما العيوب:

-مجلس شعب فيه 50% فلاحين وعمال

-عدم اكتمال الحياة السياسية السليمة وعدم فرز قوى سياسية قادرة على المنافسة امام ابقايا الوطنى و الاخوان

-الاقرار بصلاحية الدستور القديم بعد الثورة

-ترك تغيير الدستور و تقويض صلاحيات الرئيس فى يد الرئيس فقط بعد انتخابه

و اما ضد التعديلات فنجد المزايا:

-افقاد الدستور القديم الشرعيه

-اعطاء فرصة زمنية للحياة السياسية فى مصر ان تفرز قوى سياسية جديده معبرة عن الواقع

- برلمان منتخب بدون 50% فلاحين وعمال

- تقويض صلاحيات الرئيس قبل الاتيان باى رئيس

اما العيوب:

-قد يدخل الامر الى عدم استقرار

-قد يمسك الجيش بزمام الامور بصورة قد تصبح ديكتاتورية

-قد تتغير المادة الثانية التى تحدد هوية الدولة

لذا ارى ان الحل المحتمل ان يصدر بيانا من الجيش او من اللجنه المسئولة عن تغيير الدستور،او حتى من الاخوة الاقباط (لاسيما ان كانت من القيادة الكنسية) تطمئن الناس الى انه لا مساس مطلقا بالمادة التانية من الدستور، ساعتها هتلاقى الناس معظمها متفقه على راى واحد وهو "لا" غالبا، اما ان استمر الوضع هكذا، فاخشى ان الامر لن يحسم بسهوله، فكلا الامرين له عيوبه ومزاياه

انا شخصيا هقول نعم,ده رأيى الحالى
واحترم كل من يتفق معايا واقدر كل من يختلف معايا
اللهم ارنا الحق حقا و ارزقنا اتباعه و ارنا الباطل باطلا و ارزقنا اجتنابه

الإثنين مارس 14, 2011 9:24 pm

ميرسى على المعلومه يا امير حقيقى احنا محتاجين نفهم علشان نقول ونشارك

الخميس مارس 17, 2011 11:44 pm

الجمعة مارس 18, 2011 5:41 pm

انا اتفق معاك فى الرائي
هقول نعم
علشان بلدنا تروق

السبت مارس 19, 2011 10:03 am

الأحد مارس 20, 2011 9:55 am

انا اتفق مع ادهم ده رأيى وممكن تتفق او تختلف معايا!!؟(رأيى من التعديلات الدستوريه) 3823912936

وقلت فعلا لا
مجموعتنا كلها قالت لا
لكن الحوار بيعجبنى جدا واحب انه دايما تكون بينا لغه حواروتحاولوا تشرحوا لنا كل نقطه حوار ده رأيى وممكن تتفق او تختلف معايا!!؟(رأيى من التعديلات الدستوريه) 3823912936

افتكر ده حقنا عليكم ده رأيى وممكن تتفق او تختلف معايا!!؟(رأيى من التعديلات الدستوريه) 949133