و ايه الفرق؟؟!!!!!!!؟؟؟؟؟

و ايه الفرق

لما الوهم يصور ناس ولا الناس تتحول صوره
لما الدنيا تبعد ناس و باقى الناس تعيش مكسوره
لما الخوف يتحول وهم ولا الخوف يبقى ضروره
لما تاخدى بصوت العقل و ترمى قلبى ويا الصوره

و ايه الاحسن
لما تحبى بكل كيانك ولا بجزء من احساسك
لماتواجهى كل حياتك و تسيبك من الوقفه مكانك
ولا تبعدينى عن بابك و تزيد فى حياتك احزانك
لما احب الحب عشانك ولا اعيش تايه بعذابك

و ايه الفايده
ماانتى اخترتى ليكى و ليا
اخترتى تكرهى لياليا
اخترتى تشوفى فى عينيا ...ظلم الحب و ظلم الدنيا

مع انه
كنت اتحدى الدنيا و اشيلك جوايا عنيا
لو مسكتى فى يوم ايديا
مش مهم كلمة حب مش مهم لحظة حب بس اسمع منك فى مره
انك فعلا غالى عليا

رامى سعيد انك وفيت بوعدك ليا انك هتدخل المنتدى من تانى ومع الاعتزار ل انون انه يقراء الموضوع من تانى رامى اكيد فيه فرق بين اننا نكون رد فعل فى مشاعرنا وبين اننا نكون نحن اصحاب القرار لما تحبى بكل كيانك ولا بجزء من احساسك
لماتواجهى كل حياتك و تسيبك من الوقفه مكانك
ولا تبعدينى عن بابك و تزيد فى حياتك احزانك
لما احب الحب عشانك ولا اعيش تايه بعذابك
واكيد فيه فرق ماانتى اخترتى ليكى و ليا
اخترتى تكرهى لياليا
اخترتى تشوفى فى عينيا ...ظلم الحب و ظلم الدنيا

و الله يا اونو عندك حق لأن الحاله اللى انا فيها غريبه و الموضوع فسع غريب هى بس فضفضه منى ممكن مش اى حد يفهمها ...يمكن تكون محتاجه حد بيمر بنفس ظروفى علشان فهم شويه انا قصدى ايه ...عموما يشرفنى انك بس قريت الموضوع و دى حاجه تسعدنى و ان شاء الله الموضوع اللى جى يبقى احسن



محمد صديقى ..مجرد وجودى هنا دى حاجه بتسعدنى و انا بحب المنتدى جدا و الله و الناس اللى موجوده هنا بس كانت ظروفى صعبه شويه ولما خلصت من مشاكلى اكيد رجعت و كفايه انك طلبت رجوعى
اكبر مشكله فى الحب ان نجاح القصه و تكملتها مش فى ايد واحد ..دىفى ايد اطراف كتيره و للأسف عاطفة الحب نفسها هى اضعف حاجه و اللى كله بيجى عليها نتمنى الظروف تتغير و الناس عقولها كمان تتغير و مش تبقى ثوره فى بلدنا تبقى كمان ثوره فى عقولنا و الناس تقدر قيمة الحب كويس

الله بجد على هذا الحوار الراقى بين اتنين من اجمل الاعضاء سعيد انى انتمى لهذا المنتدى الرائع وسعيد بوجودى معكم شكرا رامى شكرا انون ودمتم بخير وسعادة

الموضوع جميل اوووى يارامى والكلمات حلوه والاحساس اجمل واجمل شىء فى الدنيا اننا نقدر نعبر عن احاسيسنا بالروعه دى والرقى ده كمان الحوار بينك وبين محمد واونو ممتع وده من اجمل مافى المنتدى الاشخاص الجميله والاسلوب الراقى الجميل كل سنه وانتم طيبين ويارب دايما منتدى سهرالليالى بيجمعنا

ميرسى يا اسراء على كلامك وروح الاخوه و المنتدى انتوا اللى علمتوهالنا من اول يوم اشتركت فيه فى المنتدى ...ميرسى تانى مره على تعليقك الظريف
و سيبك من موضوعى انتى اخبارك ايه ؟!!!؟

مع انه
كنت اتحدى الدنيا و اشيلك جوايا عنيا
لو مسكتى فى يوم ايديا عارف يارامى كلماتك بتدخل القلب كل بنت تتمنى يكون لها الكلام الحلو ده فعلا ايه الفرق لما نكون بنحب وبنبعد وبنخاف ايه الفرق لما يكون بايدينا السعاده وفى ايدينا نعيش حياتنا مع احبابنا ومش قادرين يمكن خايفين من المواجهه من حاجات كتبير لكن افضل لنا نعيش مع من نحب لان الحب بيييجى مره فى حياتنا ومش عارفه ليه كلنا بنخليه ذكرى مش حياه مش عارفه ليه؟؟؟؟؟؟؟؟؟