شعبولا يغني لغزة: "يا عالم حد يحوش.. ان شا الله حتى بجزمة"

بعد ساعات من بدء القصف الإسرائيلى لقطاع غزة، كتب الشاعر الغنائي المصري إسلام خليل، الذي يؤلف أغاني المطرب الشعبي شعبان عبد الرحيم، أغنية عبر من خلالها عن تضامنه، والشعب المصري مع الفلسطينيين المحاصرين في القطاع.

ونقلت صحيفة "المصري اليوم" المستقلة، الاثنين 29-12-2008، عن خليل قوله: "بمجرد ما شفت اللى حصل فى غزة على شاشات التلفزيون كلمت أبو عصام (شعبان عبد الرحيم)، وقلت له افتح التلفزيون واتفرج على اللى بيحصل، وقلت له أنا هاكتب وأنت هتغنى لأننا لازم نقف جنب الفلسطينيين".

وأضاف إسلام: "اتفقت مع شعبولا على تسجيلها بسرعة لإثبات موقف، خاصة أن الفنانين المصريين أصبحوا كسالى، ولم يتحرك أحد للتضامن مع الشعب الفلسطينى ولو بأغنية، وفي الآخر بيعيبوا علي عشان ما باكتبش غير لشعبان، هو فيه حد غيره بيتحرك ولا ياخد موقف؟".

ويقول جزء من الأغنية:
غلبت أكتب أغاني مش لاقي كلام يتقال
اللي بيحصل في غزة حرام ده ولا حلال
قنابل نازلة طالعة على الأرض وعلى البيوت
والدنيا في غزة والعة والناس عمالة تموت
يا عالم حد يلحق يا عالم حد يحوش
إن شاالله حتى بجزمة زي اللى خدها بوش".