خيانة مبلوعة !!!

السنة 1934
المشهد: ليل داخلى
يدخل البطل حجرة نومه فجأة بعد أن فاته القطار المتجه الى الأسكندرية فى طريقة للمحكمة للمرافعة عن أحد موكليه فيجد زوجته لابسه كومبينيزون بأكمام و تحتسى الخمر مع رجل غريب
توفيق: يا خاينة – بتخونينى فى بيتى و مع مين مع أعز أصحابى
سهير ( تدارى صدرها بالروب) : توفيق ماتظلمنيش يا توفيق – عبد الجواد أفندى كان بيراجع معايا حسابات العزبة و بعدين الكوفى وقع على الفستان فبعتته مع الكاماريرا عند المكوجى عشان ينشفه
توفيق: اخرسى – عليكى لعنة السماء – أنا فعلا آسف لأنى أعطيت أسمى و أموالى لواحدة دنيئة حقيرة مثلك.
سهير: أرجوك يا توفيق راجع نفسك – أنا أحبك.. أنا أعبدك.. أستحلفك بالسماء انك تتروى فى قراراك و متفهمنيش غلط . عبد الجواد أفندى صديق مخلص و يجب ألاّ تشك فى أخلاصه ليك برهه
توفيق : اذن انتى طالق يا هانم و انت يا عبد الجواد أفندى فأنا أسف لأنى أعطيتك ثقتى و سمحت لك تدخل بيتى – أخرج من بيتى يا حقير .. عليك اللعنة
سهير : تبكى بحرقة و يخرج توفيق للبار حتى يسكر فى صمت و يقود السيارة مخمورا و يحصل له شلل فى الحادثة - كااااااات

السنة : 2010
المشهد : برضك ليل داخلى
يدخل البطل حجرة نومه فجأة بعد أن فاتته الجيت فلايت بتاعت جنوب أفريقيا عشان يشوف نهائى كاس العالم فيجد زوجته ملط و بتشرب جوينت بانجو مطعم بالأكستاسى مع رجل غريب
توتى: يا بنت الايه – بتضربى بانجو مع أنتيمى من ورايا؟
سوزى: ايه الجليطة بتاعتك دى – مش اللى يدخل يخبط الأول – مانت صحيح مامتك ماكنتش فاضية تربيك.
توتى : لأ بجد يا سوزى – انت ليه قاعدة من غير الهدوم بتاعتك مع جيجو؟ داحنا فى يناير يو مايت كاتش كولد.
سوزى : تضع الروب على كتافها : أصل جيجو عندو مشكلة جامدة أوى لأن كوكى منفضّاله و بعدين أنا بحاول أخرجه من الكرايسز بتاعته – مش صاحبك و أنا لازم أسد فى غيابك؟ و بعدين خفت النار تمسك فى الهدوم السنسيتيك فقلعتها.
و بعدين متغيرش الموضوع – ايه اللى رجعك بدرى كده؟؟؟
توتى : مش عارف ليه مش مبسوط من اللى بيحصل بس المهم – ممكن ترولولى معاكو؟ كااات
ملحوزة
- ياريت نبطل نقرا بعنينا بس .. و نبحث عن الرمز ....الرمز و لاداعى للسطحية
- نبص كده عالرموز و نحاول نفهم منها التطور الذكورى مرورا بمرحلة القرون و تبدل شكل أطرافه تماما و وصولا الى مرحلة الأريال
مع تغيير فى عنصر واى الخاص بالكروموزومات الذكورية .... و يقاس على ذلك التطور فى المرأة

[size=24][size=24] فى كل مكان

و

كل زمان الرجل هو الرجل والمراءه هى المراءه[/size][/size]


[size=24]كل النوعيات بتفضل موجوده ..الرجل الشرقى سى السيد .....................الرجل الغير مبالى.......ونفس الشى للمراه

فيه الملتزمه وفيه المتحرره وفيه كل الانواع





مش السنين اللى بتاثر فى الناس............... الناس كده طبعها كده

مش تطور دى اساسيات البشر
متوارثه


نوعيات لا تنقرض..............[/size]

القصة حلوة اوى وبجد عجبني اوى اسلوب السخرية الا فيها ساعات كتير اوى بندارى الحقيقة بالسخرية يمكن لاننا مش قادرين نستحملها او لاننا مش عارفين نغيرها بس ياترى المعني الا وارء القصة مين السبب فيه الظروف والا الدنيا الا بتتغير كل ثانية والا العيب بقي فينا احنا

اولا نورتى يا نور المنتدى
وشكرك على ردك على الموضوع وكون البروفيل بتاعك من غير صورة يضفى كثير من الغموض على شخصيتك ودة شىء مميز
وطبعا يا نور العيب فينا مفيش كلام يعنى
ويعنى اية الدنيا
نحن من يؤثر فى كل الاحداث ونحن من يخلق الظرف ونحن ايضا من نتباكى عليها