سهرالليالي
منتدى سهرالليالى ♥♥ .... أحلى منتدى
مرحبا بك ....عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائها اهلا بك فى اسره منتدى ......... 🌺 سهرالليالى
احلامنا البسيطه لازم تجرى فى دمنا علشان نقدرنعيش ونحقق حلمنا♥♥.
المواضيع الأخيرة
أفضل 10 أعضاء في هذا المنتدى
1967 المساهمات
1279 المساهمات
1144 المساهمات
1027 المساهمات
978 المساهمات
839 المساهمات
824 المساهمات
794 المساهمات
715 المساهمات
639 المساهمات
المتواجدون الآن ؟
ككل هناك 5 عُضو متصل حالياً :: 0 عضو مُسجل, 0 عُضو مُختفي و 5 زائر

لا أحد

مُعاينة اللائحة بأكملها


شاطر
استعرض الموضوع السابقاذهب الى الأسفلاستعرض الموضوع التالي
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

افتتاح قناة سهر الليالى

في الأربعاء مارس 11, 2009 3:21 pm
تقييم المساهمة: 100% (1)
ادهم:- هاااااااى ايفرى بادى .... انا فيرى فيرى.. اند فيرى سعيد

فرنسا هانم :- ايه يا هومة مالك داخل المنتدى كده وبترقص وفرحان ؟

الحزين :- ايه يا بابا فى ايه ؟؟ اوعى تقولى عينوك رئيس للوزراء

ادهم:- نو نو نو ... رئيس مين ووزراء مين ؟؟؟ انا جايب لكم خبر يستاهل 15 جند حته واحده

همس الاحباب :- استنى بس يا بابا لما اجيب كرسى اقعد عليه قبل ما اسمع اخبارك .. احسن يغمى عليا من الخبر

حنين القلب :- فى ايه يا قوم مالكم ومال بابا ... انا سمعاك يا بابتى وكلى ودان صاغيه .. جولى ولا تخبيش يا زين .. لقيت لنا شقه ولا اتنين ؟

ادهم :- نو نو نو ... شقه مين وفول مين وطعميه مين ؟؟؟ انا استلفت قناه فدائيه على النايت سات .. وهسميها محطه سهر الليالى

حنين القلب :- لاياعم انا ماليش دعوه بيكم بتيتا .. انا مش عايزه ابقى فدائيه .. انا عايزه استنى رمضان الجاى واتفرج على عمى عباس الديميرى

الحزين :- ايه حكايه فدائيه دى كمان يا با الحاج ؟؟

ادهم:- ولد يا حزين.. يا فلفسوف عصرك واوانك مش عارف يعنى ايه فدائيه ؟؟ استلمى بقى خلفتك البيضاء يا فرنسيس

فرنسا هانم:- استلم ايه ؟؟ هو انا اصلا فاهمه يعنى ايه محطه فدائيه

همس الاحباب :- ولا يهمك يا بابا انا فاهم وعارف ... انت ناوى تلبس قميص متفجرات وتروح تحارب الهكسوس ... اتكل على الله يا بابتى .. وربنا ينصرك .. وتحيى جمهوريه مصر العربيه .... اييييييييييييه دنييييييييييييييييييا

ادهم:- انا عارفك انت يا خالد يا سوسه .. عايز تتخلص منى علشان محدش يقلب جيوبك وانت نايم .. لكن بعينك .. انا قاعد على قلبكم

همس الاحباب :- طيب ايه بقى حكايه المحطه الفدائيه دى ؟

ادهم:- طبعا دى من مساوئ التعليم فى مصر .. نو نو نو .. دى مش مصر لوحدها دى كل قاره اسيا كمان ... اسمع يا فالح منك له لها لها ... القمر الصناعى ده مش بيطير فى الفداء ؟؟؟ يبفى القنوات بتاعته قنوات فدائيه ... صح يا عباقره ولا مش صح ؟؟؟

الحزين :- بس فهمت .. قصدك قناه سهر الليالى الفضائيه

ادهم :- فضائيه !!!!!!!!.. ياعم روح نام اسمها الفدائيه مش الفضائيه .. عموما انا مش هدخل معاكوا فى جدل لغواتى .. فدائيه ولا فضائيه احنا مش هنتجوزها

فرنسا هانم :- طيب جبت منين القناه دى يا هومة؟؟؟

حنين القلب :- بابا .. ماليش دعوه ..انا عايزه قناه كروهات وقناه بمبى ليا لوحدى

ادهم:- خلاص يا روح بابا هاجبلك قناه لوحدك بتغنى العنب العنب العنب ... الحكايه يا قوم ... بلييييس ويت منت .... ولد يا همس .. هات التيبول دى علشان اقف عليها واعرف اشوفكم كلكم

همس الاحباب :- ماشى يا عم الحاج .. ادى التيبول .. قصدى الترابيزه اهى

ادهم:- بصوا بقى .. ذاتس ذا استورى ..القصه هى ان خال حسن باشا الفراش ... خرج من السجن اول امبارح وعلشان هو كان خارج حسن سير واسلاك ادوله 6 محطات فدائيه هديه على النايت سات ... وانا رحت ابارك له وخدت معايا عشر سجاير فرط .. ونص كيلو خيار .. وربطتين شبت وبقدونس .. قام الراجل الله يستره ادانى محطه فدائيه هديه ..وحلف برحمه سته ماهى راجعه

الحزين :- شبت وبقدونس يا حاج !!!!! طيب وهنعمل بيها ايه المحطه دى ؟؟

همس الاحباب :- ودى عايزه سؤال .. اكيد هنفرش بيها فى السوق ونبيع حرنكش

حنين القلب :- حرنكش ..... هييييييييييييييييييييه ... فكره جميله .. عايزه حرنكش عايزه حرنكش عايزه حرنكش

فرنسا هانم :- كلام الحزين مظبوط هنعمل بيها ايه ؟؟؟؟

ادهم :- احنا هنقدم فقرات متعضضه فى المحطه الفدائيه ... وانا الدكاتره الكبير والعلامه المشهور والحاصل على 46 ونص دكتوراه هقدم الفقره العلميه

حنين القلب :- ابا الحاااااااااااااااااج .... بلاش دى والنبى .. ابوس ايدك ابعد عن التاريخ والجغرافيا والعلم عموما ..خليك فى فن لعب البلى والكازوز احسن

فرنسا هانم :- طيب مش الاول تخلص كتاب معلم القراءه والكتابه علشان تعرف تقراء يا ادهم

الحزين :- بجد انا تعبت كل يوم .. اقعد احل معاك الكلمات المتقاطعه .. وانا اللى اقراء وانا اللى احل وانا اللى اكتب .. وانت فى الاخر تقولى شفت ذكاء ابوك ادهم يا حزين

همس الاحباب :- وانا بصراحه زهقت من المعلومات الفالصو بتاعتك دى يا حاج ...وبعدين قولى مين اول رئيس جمهوريه لمصر

ادهم:- ههههههه ده سؤال يا ولد ؟؟؟ طبعا يا جاهل اول رئيس جمهوريه لمصر هو الامير قطز .. لما الراجل بتاع الفرنجه جاله وقاله .. طيب اكلم مين انا لما احب اكلم شعب مصر ..فى فيلم جهااااااااااااااد انتى فين يا جهااااااااااد
سلاااااااااامه انا هنا يا سلاااااااااامه

الحزين :- ههههههه لا اصبت واحسنت ...بارك الله فيك وصبرنا على ما نحن فيه ...بس كنا عايزين نعرف منك ..ايه هى عاصمه مصر ؟؟؟ اظن ده سؤال سهل جدا واى عيل فى ابتدائى يعرفه

ادهم:- هههههه كلام جميل كلام معقول مقدرشى اقول حاجه عنه ... شوف يا فلفسوف عصرك واوانك ...تعاقبت على مصر عده عواصم من العصر القديم والعصر الحديث منذ اكثر من 150 سنه ...وكانت هناك عده عواصم منها ... مساكن عين شمس .. والسبتيه .. وبولاق ابو العلا .. وبولاق الدكرور .. وعزبه النخل

فرنسا هانم :- هههههه ونسيت برج القاهره وبرج الجدى وبرج العذراء ...... يلا يا ولاد الاكل جاهز بلاش وجع دماغ ... تعالى كل يا هومة وبطل فضايح

ادهم :- طبعا هناكل .. وبعدين نفتح القناه انا جايب معايا طفاشه صينى معتبره
********************
********************

الى اللقاء مع اولى حلقات محطتنا الفدائيه

مع تحيات فريق العمل

بمنتديات سهر الليالى








اتمنى التعليق وابداء الاراء وانتظرونا على الهواء فى قناة سهر الليالى
اوعى ايدك والريموت كنترول
avatar
نور
سوبر
سوبر
انثى
عدد الرسائل : 368
تقييم : 0
تاريخ التسجيل : 22/02/2009

رد: افتتاح قناة سهر الليالى

في الأربعاء مارس 11, 2009 5:20 pm
هومة اسمحلي الاول اهنيك علي القناة وربنا يباركلك فيها ويكفيها شر الرقابة وشر الاعلانات الهادفة علشان تعرف تصرف عليها

ثانيا اسمحلي اقولك حاجة كاتمة علي قلبي لازمة اقولها علشان مش اطق اموت

انت لا عرفت تتجوز ولا عرفت تربي اية العيال دول مش قبل ما تفكر تشغل القناة فكر انك الاول تربيهم وتعرفهم قيمة الوالد

وانا رايي تعملها قناة تربية تعلمهم فيها وكمان اشكرلي الست فرنسا علي الخلفة الا تشرح القلب دول

والقناة الفدائية بتاعتك دية عاجباني اوى واسمحلي اكون معاك فيها واكون من المشاركين الا رايك اروح لخالك احسن بشوية سجاير واخد واحدة انا كمانوانافسك
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: افتتاح قناة سهر الليالى

في الأربعاء مارس 11, 2009 5:29 pm
هههههههههههههههههههههههههههههههههههههههههههه
بصوا بقى ياريت نغض الطرف عن العيلة الكريمة دى
عشان انا تعبت من العيال وامهم
ايوة ومنك انتى كمان يا فرنسا دة انا متجوز دولة
ارحمنى يارب
انا يشرفنى انك تكونى معايا يا نور شوفيلك بقى كوافير وماكيير وشوية بودى جارد عشان هتكونى مذيعة القناة
واحنا معندناش رقابة
واعلاناتنا والحمد لله كلها هابطة
وبعدين ابعدى عن خالى عشان الدكتور مانع عنة البنات الحلوين
بس مش مانعنى انا عنهم

تسلمى يا نور
avatar
القلب الحائر
انثى
عدد الرسائل : 51
تقييم : 0
تاريخ التسجيل : 01/03/2009

رد: افتتاح قناة سهر الليالى

في الخميس مارس 12, 2009 6:04 am
جميل اوى الموضوع ده يا ادهم
بجد انا مع نور انت معرفتش تربى
انا لو منك احرم العيال دى من المصروف
اما بخصوص القناة
معندكش وظيفة خالية؟
لو مفيش ادينى عنوان خالك وانا اتفاهم معاه
ومتخفش الدكتور مش هيمانع لانى مش من الحلوين
فى انتظار اولى حلقات قناة سهر الليالى
avatar
mona
سوبر
سوبر
اوسمه :
انثى
عدد الرسائل : 839
تاريخ الميلاد : 23/09/1990
العمر : 27
العمل/الترفيه : طالبة فى كلية حقوق
المزاج : الحمد الله
تقييم : 3
تاريخ التسجيل : 03/12/2008

رد: افتتاح قناة سهر الليالى

في الخميس مارس 12, 2009 7:35 am
موضوع رائع يا ادهم
زى كل مواضيعك ومشاركات المتميزة
بس شكلى جيت متاخر والوظايف اللى فى القناة خلصت
انا ممكن اشتغل فى الشئون القانونية للقناة
والا هروح لخالك
فى انتظار اولى حلقاة
قناة سهر الليالى

_________________
تحمل الأشواك التي قد تدوسها في يومٍ من الأيام
ربما يكون بلاء من ربك
فلا تيأس
فكلما أحب الله عبداً إبتلاه
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: افتتاح قناة سهر الليالى

في الخميس مارس 12, 2009 11:13 am
بصوا بقى انا ماليش فى التهديد
خالى دة انا هاخطفة واطلب فدية من مرات خالى
ولانها بخيلة مش هتدفع
وابقوا فرجونى بقى هتوصلولة ازاى
ولان نور اتهمتنى فى اعز ما املك وهو تربيتى لمقصوفى الرقبة والبت عليا شعب المنتدى
احب اقولها معنديش وضايف خالية
اما بالنسبة للقلب الحائر انا تحت امرك
ابعت اوراقك وسيرتك الذاتية على العنوان دة وهتكون معايا ان شاء الله
جمهورية ادهم رومانسى-محافظة سهر الليالى-مدينة الادب والقصة والحوار العام-ماسبيرو قناة سهر الليالى
اما بالنسبة لمنىفانتى باين عليكى متوسمة فينا خير اوى
من اولها قانون ومحاكم
شكلك هتحبسينى
ابوس ايدك انا بامشى ع الحبل قصدى جنب الحيط
ابعتى ع العنوان اللى فات وانا هاشوفلك وظيفة حلوة
وسيبك من القانون ووجع القلب دة


شرفتونى وانتظروا الافتتاح
على فكرة الافتتاح بالملابس الرسمية
avatar
نور
سوبر
سوبر
انثى
عدد الرسائل : 368
تقييم : 0
تاريخ التسجيل : 22/02/2009

رد: افتتاح قناة سهر الليالى

في الخميس مارس 12, 2009 9:36 pm
السيد هومة المحترمة

من غير لا سلام ولا كلام احب ابلغك اني مش هاسكت لانك نفضتلي من مذيعة القناة الا كل وعدتني بيها

وانا كنت خلاص رتبت نفسي واشتريت باوريك وبعت اجيب اللبس من برة يعني صرفت فلوس قد كدة

واجرت بودى جارد تسمح تقولي الحساب عند مين لا انا مش هاسكت في مكتب عمل ومنظمات حقوق الانسان

وفي جرايد ومحطات فدائية شريفة وهاعملها ثورة وانا يا المحطة بتاعتك يا ابو العيال

وانتي يا مني لو سمحتي تكون اول قضية مني علي القناة




وتفضل بقبول اول قضية والسلام مش ختام
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: افتتاح قناة سهر الليالى

في الجمعة مارس 13, 2009 12:07 pm
الظاهر انك بتنسى انا قبل كدة قولت انى مش بتهدد
وبعدين دة كلة من ورا منى هى اللى فتحت عيون الموظفين ع القانون والمحاكم
انا هارجعك مذيعة تانى مش عشان انا خايف لا انتى عارفة المحاكم يومها بسنة
س عشان اشوفك بالبواريك الجديدة
ههههههههههههههههههههههههه
وورينى استايل كايدة العزال انا من يومى ايوة اة
والله شكلها هتبقى قناة مسخرة
من اولها محاكم اشوف فيكى يوم يا منى انتى ونور
avatar
عاشق السهر
سوبر
سوبر
اوسمه :
ذكر
عدد الرسائل : 715
تاريخ الميلاد : 10/03/1985
العمر : 32
الموقع : www.sahr2009.yoo7.com
العمل/الترفيه : صيدلى
المزاج : عال العال
تقييم : 23
تاريخ التسجيل : 01/12/2008

رد: افتتاح قناة سهر الليالى

في الثلاثاء أبريل 14, 2009 9:52 pm
ادهم باشا الله ينور


منور القناه والمنتدى
كل افكارك جميله وكل كلمه بتقولها اجمل من اللى قبلها

سعيد بوجودى معاكم
الله ينور
مبروووووووووووووووووووووووووك افتتاح القناه
عاوز اتعين يومين وهااخلص جيش
Sad

_________________
بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت .. قارب نجاة
قالوا مفيش
غير بس هو الحب قارب نجاه
عاشق السهر
avatar
محمد السحرى
سوبر
سوبر
اوسمه :
ذكر
عدد الرسائل : 1144
تاريخ الميلاد : 18/10/1981
العمر : 36
الموقع : sahr2009.yoo7.com
المزاج : احبكم
تقييم : 206
تاريخ التسجيل : 22/12/2008

رد: افتتاح قناة سهر الليالى

في الثلاثاء أبريل 14, 2009 11:33 pm
ايه يا عم ادهم سلام عليكم الاول شيفك عمل توزف الناس فى القناة ونس اخوك محمد يا عم شفلى اى وظيفة وسلام
حتى لو كانت مدير القناة زى بعضه انا مش طماع اهى اى حاجه احسن من القاعده اليومين دول وحكايه الملابس الرسمية
ديت مش عرف تنفع جلابيه جديده ولا لا ارجو الافاده ولكم خزيل الشكر

_________________
الى من يقراء كلماتى قد تعجبك او لا تعجبك لكن اعرف انك تقرانى انا فاانا ما بين السطور انا النقاط فوق الحروف فلا تضع كلماتى  على نحو او صرف او وزن بيت او قفيت شعر فاانا لا اكتب الا احساسى
avatar
فرح
مشرف عام
مشرف عام
اوسمه :
انثى
عدد الرسائل : 978
تاريخ الميلاد : 12/12/1989
العمر : 27
العمل/الترفيه : طالبه
المزاج : جميييييييييييييييييييييييييييييييييل
تقييم : 62
تاريخ التسجيل : 11/11/2008

رد: افتتاح قناة سهر الليالى

في الأربعاء أبريل 15, 2009 1:08 am
[code]هاى ادهم


انا كمان عاوزه ابقى معاك

وعندى حبه لبس وماكياج تحفه
وشويه فساتين سواريه
تجنن
ايه رايك انفع
والله شكلى ينفع مذيعه
واعلانات
و..............ييجى منى


فكرتك جميله ودايما معودنا على الجديد ميرسى ادهم ميرسى حبيبتى سهوره بحبكم

[/code]

_________________
الدنيا ريشه فى هوا طايره مابين جناحين .....

واحنا النهارده سوا .....
وبكره هنكون فين .....
فى الدنيا فى الدنيا .....
فرح
avatar
adhamromancy
سوبر
سوبر
اوسمه :
ذكر
عدد الرسائل : 1279
تاريخ الميلاد : 02/07/1983
العمر : 34
المزاج : زى الفل
تقييم : 120
تاريخ التسجيل : 26/08/2008
http://www.facebook.com/adhamromancy

رد: افتتاح قناة سهر الليالى

في الأربعاء أبريل 15, 2009 10:41 am
حمد الله ع السلامة يا عاشق
وحشتنى والله
كنت مفتقدك شخصيا
باقيلك كتير فى الجيش ولا اية
بس غريبة مفيش نت فى الجيش
هههههههههههههههههههههههههه



اية دة يا سحرى انت بتتكلم فى اية
يا عم انت الكل فى الكل
البس الحتة اللى ع الحبل وتعالى استلم المحطة كلها
انت سحرى الزمن الجميل
انا اتمنى الكل يشارك معايا
وعاوز الكل يطرح افكارة معايا فى القناة
واللى يكتب موضوع حلو وشايف انة ينفع ينزل فى القناة
يبعتة ع الخاص وانا هانزلة باسمة
يمكن بجد يبقى عندنا فضائية على راى هنيدى




حمد الله ع السلامة يا فرح
احلى ما فى غيبتك هو اننا عرفنا انك مؤثرة فى حياتنا
نورتى منتداكى
من غير ما تقولى يا ست الكل
انا اساسا اصلا يعنى
كنت عازم نفسى على كوباية شاى عندكم الليلة عشان اخد موافقة الاسرة الكريمة
على انك تشتغلى معايا
بس الظاهر انكم معندكمش شاى
بس احنا فى الاول الشهر يعنى


استعدى انتى كويس بس كدة
بس انا معنديش هزار
يوم التصوير مفيش حجج
لا سباحة ولا غيرة
دة انا هادفعلك فلوس
دى سيما
افهموها بقى
ههههههههههههههههه
خلاص اعملى حسابك انتى معايا
avatar
اسراء
مشرف
مشرف
اوسمه :
انثى
عدد الرسائل : 824
تاريخ الميلاد : 10/02/1989
العمر : 28
العمل/الترفيه : طالبه جامعيه
المزاج : روعه
تقييم : 72
تاريخ التسجيل : 29/11/2008

رد: افتتاح قناة سهر الليالى

في الأربعاء أبريل 15, 2009 10:23 pm
[code]وانا ياادهم احنا اصحاب من زمان
عاوزه ابقى مقدمه البرامج الاولى

والباروكه موجوده والماكياج الزايد واتعلم لك ازاى مش اخلى الضيف يقول ولا كلمه فى البرنامج واقول انا كل الكلام ايه رايك




انت جميل اوى وافكارك جميله
اتعودنا منك الكلام الجميل والافكار الجميله والابداع والنشاط
والقصص الناقده الساخره حبيتها منك اوووووى واحتفظت بيها
ميرسى ليك

اهلا بيك ياسحرى اهلا يامنى اهلا ياعاشق حمدلله على سلامتك وعاوزين نشبع منك قبل السفر اكيد عرفت ناس جداد فى الجيش واتعلمت حاجات جميله
وشكلك بقى احلى من غير الشعر الحرير
نورت المنتدى[/code]

_________________
مرحبا عدد قطرات المطر ..... مرحبا عدد اوراق النهر ..... مرحبا عدد اغصان الشجر مرحبا عدد امواج البحر

...... اسراء
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى