انا وهيفاء .....!!!!!

قاعد باتفسح عالشبكه العونكبوتيه .. والاقي كل الاخبار بتؤكد ان هيفاء وهبي اتجوزت
!!!!!!!!
ازاي ؟؟؟
بتاع ايه ؟؟؟
!!! لأ طبعا .. دي اشاعه
!!! هيفاء وهبي اصلا مش ملك نفسها عشان تتجوز .. هيفاء وهبي ملك الشباب كلهم

.. وباعتباري شاب - سابقا - قررت ابعتلها جواب .. أشتفسر عن الموضوع ده
----
.. عزيزتي هيفاء وهبي
ايه بقى .. ها .. ايه ؟؟؟
ليه يعني ؟؟؟؟؟؟؟
ليه ياهيفا تكسري بقلبي وتتجوزي .. ليه !!؟؟؟
انا عارف ان قلبك كبير .. وكبير بطريقه مبالغ فيها كمان - قصدي قلبها والنعمه - ويشيل من الحبايب عشرطاشر مليون الف شاب .. لزومه ايه الجواز بقى !!!!!؟؟؟؟؟؟

ياهيفا ده ساعة ماشفتك اول مره في الكليب بتاع قالولي عنه كلام .. لما كنتي لابسه فستان لون جلد النمر .. ساعتها حبيت كل النمور .. مش النمور بس .. نمور وأسود .. وفهوده
ده انا حبيت السلعوة ياشيخه
!!!!!!!!!!!!!!!!!!!!!!!!!!!!!
بلاش دي .. فاكره اغنية اقول اهواك تتكابر .. لما كنتي لابسه فستان احمر وبتغني تحت المطره .. اهو من ساعتها وكل ما الدنيا تمطر اقوم نازل ماشي باهيم على وشي في الشوارع .. على امل اني اشوفك وانتي بتقولي .. جلبك تلج جلبي نار
!!!!!!!!!!!!!!!!!!!!!!!!!!!!!
عارفه ياهيفا .. ساعة لما عملتي اغنية رجب حوش صاحبك عني .. قطعت علاقتي بكل اللي اسمهم رجب .. لدرجة ان في واحد صاحبي اسمه تامر رجب لقاني مطنشه ومش باتصل بيه .. ولما كلمني بيفهم ايه الحوار .. قلتله شوف ابوك عمل ايه يا محترم
!!!!!!!!!!!!!!!!!!!!!!!!!!!!!
ولما غنيتي يا واد ياتقيل .. يالهوي .. انتي الوحيده اللي خليتيني اقول مش هعمل دايت وخليني تخين وتقيل زي مانا كده .. وفضلت آكل لغاية ماتقلت عالميزان بتاع البيت ومابقاش بيعرف يجيب وزني صح .. وبقيت باوزن بره
!!!!!!!!!!!!!!!!!!!!!!!!!!!!!
ولا لما حصل حوار الطياره اللي رشقت فيكي ودخلتي المستشفى ساعتها .. انتقلت للرفيق الاعلى .. ومارجعتش للحياه غير لما الكليب بتاعك نزل
!!!!!!!!!!!!!!!!!!!!!!!!!!!!!!
يا هيفا انا من ساعة اغنية بوس الواوا وانا ماشي في الشارع باشوف أي حد متعور اجري ابوس واوته .. لدرجة اني فكرت اتطوع في أي مستشفى وابقى في الاستقبال عشان ابوس واوات كتير .. وبالرغم من اني مش فاهم يعني ايه ليك الواوا .. بس أي واوا كانت بتقابلني كنت باليكها وش
!!!!!!!!!!!!!!!!!!!!!!!!!!!!!!!

وبعدين انا راضي ذمتك .. أنهي الاحسن .. تبقي مسز ابو هشيمه .. ولا مسز ادهم ولما تدلعينى تقوليلى هومة يا خرااااااااااااااااابى دى الشقة كانت تولع انما هتدلعية تقوليلة اية هشومتى اخيييييييييييييييية ... طب ده حتى اسم ابو هشيمه عامل زي ابو سريع .. ابو دومه .. انما ادهم
!!!! ده الدلع هومة .. الوظوظه هومة .. الرقه هومة ..

!!!!!! ومين اصلا ابو هشيمه ده اللي تتجوزيه .. اللى ماعنده مدوّنه ولا سمعنا عنه في بلوجر حتى
!!!!!!!!!! ولا اكمنو شغال في حديد التسليح يبقى خلاص
طب مانا اصلا متخرج من قسم حديد في الكليه .. وكنت يوماتي باقرقش سيخين حديد على غيار الريق
واساسا بافكر استغنى عن شغل الحديد في التسليح .. وهلجأ للطبيعه وهسلّح بزعازيع القصب
وهعمل امبراطورية زعازيع .. لن يستطيع احد زعزتها
!!!!!!!!!!!!!!!!!!!!!!!!!!!!
وايه الفرح ابو تسعه مليون زورار ده .. اهو الريس طلع في التلفزيون وقعد يقول ان جوزك من رجال الاعمال المستفزين اللي بيغيظو العالم الغلابه .. أي نعم مصاريف موكب الريس والحراسه الخاصه بيه في الشهر .. اكتر من التسعه مليون زورار بتوع فرحك .. بس ده الريس .. ودي مصاريف شهر بحالو .. مش يوم
!!!!!!!!!!!!!!!!!!!!!!!!
وبعدين انتي مابتفكريش لقدام ياهيفا .. آه والله .. بالك لو كنت اتجوزتك .. كنت هعمل فرحك في مركز شباب عين الصيره .. واجيب المطرب ابراهيم عبرازق - بتاع اغنية أوعى الزغروف - يشدو بروائعة الفنيه في هاذوها الليله البهيه .. وكان هيبقى فرح على ابوه .. فرح تحكي وتتحاكى عنه الاجيال الغابره .. لكن هنقول ايه .. كل تفكيرك ورا
!!!!!!!!!!!!!!!!!!!!!!!!!!!!

واساسا اساسا بقى .. الجواز ده باطل .. ايوا باطل .. فرح ايه ده اللي مافيهوش ولا صورة ليكي وانتي بترقصي .. ولا حتى وانتي بترمي حزمة البصل على صاحباتك !!!؟؟؟؟
!!! ايوه باطل .. لأن ماحصلش الإشهار الأعلامي للحدث
.. وبالتالي باطل .. ومش بعيد كمان كام يوم اعمل جروب عالفيس بؤ اسمّيه
!! جواز هيفا من ابو هشيمه باطل .. بااااطل
.. وهنشر صورتك معايا .. وبالتالي هعمل الاشهار الاعلامي وتبقي مراتي فعلا
قولي بقى انك مش فاكره صورتنا مع بعض .. صورة فرحنا يابت .. مش فاكراها ولا ايه !!؟؟
.. طيب .. أهي ياستي


قولي بقى اني عاملها فوتوشوبش .. ماهو انتو أي حاجه تقولو فوتوشوبش وخيال علمي
بلاش الصورة دي .. الكليبات بتاعتك اللي عندي عالجهاز .. واللي موجودين في فولدر اسمه المودام .. دول برضه خيال علمي ؟؟؟؟؟
طب عليّ الطبيخ بالطماطم .. ويمين معصّج باللحمه المفرومه .. إن ما ارتجعتي ياهيفا عن اللي عملتيه .. هنقل كليباتك للفولدر بتاع حريمي القديمه .. وتبقي مع اخواتك .. نانسي عجرم ومنى زكي وحلا شيحه و.. وسنيّه لاكيه
مين سنيّه لاكيه اللي عندي عالكومبوتر دي !!!!!؟؟؟؟؟

وأخيرا .. نصيحتي ليكي يابنت الحلال .. اطلبي الطلاق للضرضره
بس ياخوفي .. ابو هشيمه يظرفك سيخين تلاته .. ويقولك ده المؤخر
!!!!!!

معلش يا ادهم المره دى جات اوت وبعدين المزة دى صعب تتجوز واحد اسم ادهم انت نسيت ادهم الشرقاوى
والى حصلة واكيد هى كانت بتقصدك لما قالت لصحبك رجب حوش ادهم عنى بين كانت خيفه منك
على العموم خيرة فى غيرة والمزز كتير وبعدين انت عرف الفرح اتكلف كام
8000000 وانا عرف ان الحالة اليومين دول مش قد كده وانا كنت بصفتى شاب كنت متنازل ليك عن حقى بس
معلش ترزق من غيرها لى طلب صغير عندك ممكن تبعت لخوك فولدر الحريم القديم علشن اخوك اليومين دول العمليه
عنده فاضيه خلص وهشوفك برضو ممكن ابعتك سخين حديد ولا حتى شويت براده علشان تقوى نفسك علشان بعد كده
تعجب ههههههههههههههههههههههههههههههههههههههههه شكرا ادهم حقيقى ضحكتنى مهو شر البالية ما يضحك
شكرا ادهم وخيرة فى غيرة

شكرا ليك يا سحرى
على مرورك الرقيق
وابتسامتك اللى عليا النعمة احلى من بتاعة هيفاء
انت تؤمر يا عم السحرى
بس قولى انت عاوز صور مين وانا ابعتلك
فنانين كانوا ماشيين معايا وانا كنت مصاحبهم
ولا نجوم السينما العالمية واحنا مخطوبين
ولا بنات مصريات بيموتوا فى هومة
حتى ولو كان شرقاوى
البلدى يوكل يا عم
بسم الله

اية دة يا عم ادهم هيفاء اية وبتاع اية ماهو الشباب الا ذيك


الا وافقين حال البنات فين الولاء لبنات بلدك انا من هنا بطلب


من كل البنات بانشاء حزب لمقاطعة الشباب الا ذيك حتي يرجعو لعقلهم


ويعرف ان الله حق وعلي راى المثل زى القرع تمد لبرة واخد بالك من موضوع

القرع دة


يلا تقبل مرورى وامرى لله

ادهم باشا مش بس الموضوع جميل وكبير في السن زي هيفا ام ?? ده مميز كل موضوع عليه اسمك مميز وفيه حاجه بيقول كل حاجه بس خلينا في بنات العشرين دول بنات اه قمراااات نور القمر سحري باشا منورين المنتدي كله