شندوتشات الكبدة .. !!!
الإثنين يونيو 08, 2009 8:30 pm
دايما بتشدنى ريحة شندوتشات الكبدة بتاعة عربيات الشوارع..والاقى نفسى متجة ناحيتها كانى منوم مغناطيسيا ..
وياما مشاكل حصلت بينى وبين اصحابى واحنا خارجين نتمشى...
والاقيهم عمالين يقترحوا... واحد يقول كنتاكى ..وواحد يقول بيتزا هت...
وانت يا هومة .. تقترح ناكل فين؟؟؟..والاقينى بدون تفكير بقول شندوتشات كبدة من اى عربية !!!
وفى مرة خرجت مع بنت كنت اعرفها.. وقالتلى انها جعانة وسالتنى هتعزمنى فين؟؟
وبرضو وبدون اى تفكير قلتلها شندوتشات كبدة من على اى عربية !!!
الغريب انها بعد ما رحنا واكلنا وضربت هى لوحدها بتاع اربع تنصاص كبدة
وتلات تنصاص سجق وشندوتش همبرطة - واتضح ان اسمها همبرطة مش همبرجر -
وحبست بقزازة بيبس صاروخ .. اختفت تماما وكل ما اتصل بيها ع الموبايل اسمع رسالة بتقول ..
عفوا ... هذا الرقم الذى تطلبة غير موجود .. ربما يكون جالو تسمم وبيعمل غسيل معدة دلوقتى !!!
ومن واقع خبرتى فى شندوتشات الكبدة .. لقيت ان كل عربية كبدة ليها طقوسها فى تحضير شندوتشات الكبدة..
واليكم البيان التالى:
*زيزو بتاع المنصورة :بيجيب كبدة مستوردة والله اعلم مستوردة منين بس مالناش فيها ..
هو اكل وبحلقة .. احنا نضرب واحنا ساكتين !!
ويقطعها قطع متوسطة الحجم .. ويحط عليها فلفل حامى جدا .. ودة عشان يضيع اى طعم ويمسح اثار الجريمة !!!
*عبد الغنى بتاع مدينة نصر : بيجيب كبدة مستوردة برضك - من نفس المستورد بتاع زيزو -
وبعد ما يقطعها قطع اصغر من حجم شندوتشات كبدة زيزو .. يحط عليها توم مفروم ..
عشان يضيع ريحة الكبدة وانت مش فاهم بتاكل اية !!!
*على بركة الله.. بتاع محطة الرمل: احتار العملاء والاطباء فى مصدر الكبدة اللى بيعمل منها الشندوتشات بتاعتة
ولكنهم جميعا اجمعوا على بعد النظر فى اختيار صاحب المكان اللى هو فية ..
وذلك لان بينة وبين محطة الاسعاف مافيش خمس دقايق مشى ..
يعنى يكون فيروس سى ابتدا يشتغل !!!
*باقى عربيات الكبدة : بتتفنن فى هرس الكبدة وجعلها عبارة عن حاجة مالهاش طعم ولا ريحة ..
وبتكتفى بس بالكلمة اللى مكتوبة على العربية بتاعتها وان دى شندوتشات كبدة..وبالايحاء بيوصل للمتلقى واللى هيضرب..
انة - سبحان الله - بيضرب كبدة !!!
ونظرالكل الحوارات اللى قولتها دى .. لازم اعترف واقول اية السبب اللى بيخلينى باعشق شندوتشات الكبدة بتاعة العربيات
لان السبب من وجهة نظرى بيعتبر نظرية فلسفية مصرية فى المقام الاول والاخير .. واليكم التفسير
التفسير العلمى:فى الدول المتقدمة والمتاخرة على السواء ..بيكون مقياس الحضارة بشندوتش الكبدة والقارىء للتاريخ المصرى القديم المعاصر ..
سوف يجد ان الحضارة المصرية القديمة قامت على شندوتشات الكبدة .. وذلك لان الفولكلور المصرى القديم كلمة بتقولها الام لابنها عند حدوث مكروة لة ..
بتروح خابطة ايدها على صدرها جامد وشاهقة وهى بتقوللو .. يا كبدى يا ابنى !!!
ولو انتقلنا للحضارة الاوروبية هنلاقى فرنسا وهى منبر الثقافة والحضارات فى اوروبا ..
هى كمان حضارتها مستمدة من الكبدة.. بس مش بيضربو كبدة بهايم - والحمير تعتبر بهايم برضك -
زى ما احنا بنضرب هنا فى الحضارة المصرية .. لا ..دول بياخدوا كبدة البط
والكيلو بتاع كبدة البط فى فرنسا عند اى فرارجى فرنساوى.. سعرة بيوصل لحوالى عششين جنية فرنساوى !!!
واخيرا وليس اخرا .. مينفعش انى انسى اهم حاجة بعد الكبدة فى الشندوتشات ..واللى هى رغيف العيش الفينو ..
اللى كان زمان بيتقطع وبيتشق بالسكينة عشان يتحشى كبدة .. بينما دلوقتى بقى طبيعى جدا انهم يشقوا الرغيف ..
بموس او كانر .. لانة بقى ارفع من السيجارة ..
والفن هنا فى كيفية وضع الكبدة فى داخل هذا الرغيف
عرفتوا لية بقى انا باعشق شندوتشات الكبدة !!!؟؟؟
- محمد السحرىسوبر
- اوسمه :
عدد الرسائل : 1238
تاريخ الميلاد : 18/10/1981
العمر : 42
الموقع : sahr2009.yoo7.com
المزاج : احبكم
تقييم : 245
تاريخ التسجيل : 22/12/2008
رد: شندوتشات الكبدة .. !!!
الإثنين يونيو 08, 2009 10:56 pm
ايه الحكاية يا عم ادهم فى الاول كان فول بالزيت الحار ودلوقتى سندوتشات كبدة والله بين عليك مش ناوى تجبه البر بسندوتشاتك
بتع الكبدة دى بس قبل ما انسى فيه واحد كده فى مدينة نصر اسمه على تلوث ابق روح كل من عنده بس انسنى فى الموضوع ده
خلينى فى الفول اضمن لان دالوقتى بق فيه كبدة خنزير على العموم انا عمرى ما اكلت لحوم خارج البيت بحب اضرب كشرى
او سمك حرام عليك جوعتنى ياراجل 0ادهم انا ادعى انى فهم انت عيذ تقول ايه انت كلامك عن الناس الغلابة عن الشعب
المطحون والمظلوم حتى فى حلم لقمة نظيفه يا كلها شكرا يا ادهم مش على موضوعك ده على كل موضيعك الى بحس فيه
بشاب مصرى اصيل يمكن تكون ظروفن احسن من ناس كتير بس فى الاخر احنا من البلد دى وهممه هى هممن
اسف يا ادهم يمكن اكون حملت الموضوع اكبر من حجمه بس والله هو ده الى حسيته وحبيت اقوله والزعل مرفوع
دمت فى خير وسعادة بعيد عن عربيات الكبدة اخيرا ياريت تتمنى على الجو الى ضرب معك كل السبدوتشات دى
ايه يارجل كنت مشى مع وحده عمرها ما كلت قبل كده ابق اسال الاول :lol!: :cheers: :rendeer: :twisted: :evil: :affraid:
بتع الكبدة دى بس قبل ما انسى فيه واحد كده فى مدينة نصر اسمه على تلوث ابق روح كل من عنده بس انسنى فى الموضوع ده
خلينى فى الفول اضمن لان دالوقتى بق فيه كبدة خنزير على العموم انا عمرى ما اكلت لحوم خارج البيت بحب اضرب كشرى
او سمك حرام عليك جوعتنى ياراجل 0ادهم انا ادعى انى فهم انت عيذ تقول ايه انت كلامك عن الناس الغلابة عن الشعب
المطحون والمظلوم حتى فى حلم لقمة نظيفه يا كلها شكرا يا ادهم مش على موضوعك ده على كل موضيعك الى بحس فيه
بشاب مصرى اصيل يمكن تكون ظروفن احسن من ناس كتير بس فى الاخر احنا من البلد دى وهممه هى هممن
اسف يا ادهم يمكن اكون حملت الموضوع اكبر من حجمه بس والله هو ده الى حسيته وحبيت اقوله والزعل مرفوع
دمت فى خير وسعادة بعيد عن عربيات الكبدة اخيرا ياريت تتمنى على الجو الى ضرب معك كل السبدوتشات دى
ايه يارجل كنت مشى مع وحده عمرها ما كلت قبل كده ابق اسال الاول :lol!: :cheers: :rendeer: :twisted: :evil: :affraid:
- سارهسوبر
- اوسمه :
عدد الرسائل : 1109
تاريخ الميلاد : 26/10/1987
العمر : 36
العمل/الترفيه : طالبه
المزاج : 100
تقييم : 102
تاريخ التسجيل : 24/10/2008
رد: شندوتشات الكبدة .. !!!
الخميس يونيو 11, 2009 9:41 am
ياألواناتك ياادهم والله انا جوعت من الصور رحت
عامله لي سندويتشين وجيت اكمل قرايه الموضوع بس البنت دي مفتريه ومعندهاش اصحاب زي اصحابي اكلت كتير ايام الخطوبه لماكان بيعزمني كنت اقول للبنات اصحابي اني خارجه ومعزومه وهافتري بقي ولاد الايه بدل ما انا اللي كنت باغيظهم نصحوني ايه انتي ناويه تاكلي بجد وتفتري زي مابنعمل عند جاد ونخطف من بعض انتي ناويه تفضحينا وتطفشيه بصي يا ستي يا تاكلي قبل ما تروحي الميعاد يا بعد ما تروحي بيتكم المهم قدامه تاكلي فتفوته من السندويتش وتمضغيها في ساعه وتاني فتفوته واخدين بالكم من فتفوته حاجه تغيظ وتجيب المراره تاني فتفوته تقولي مش قادره شبعت فاهمه طيب وعلي ايه ده كله مابناقص خالص سدوا نفسي موضوعاتك تصحي المواجع و تجوع وتفتح النفس و ردود سحري الحلو اللي بعد الاكل
عامله لي سندويتشين وجيت اكمل قرايه الموضوع بس البنت دي مفتريه ومعندهاش اصحاب زي اصحابي اكلت كتير ايام الخطوبه لماكان بيعزمني كنت اقول للبنات اصحابي اني خارجه ومعزومه وهافتري بقي ولاد الايه بدل ما انا اللي كنت باغيظهم نصحوني ايه انتي ناويه تاكلي بجد وتفتري زي مابنعمل عند جاد ونخطف من بعض انتي ناويه تفضحينا وتطفشيه بصي يا ستي يا تاكلي قبل ما تروحي الميعاد يا بعد ما تروحي بيتكم المهم قدامه تاكلي فتفوته من السندويتش وتمضغيها في ساعه وتاني فتفوته واخدين بالكم من فتفوته حاجه تغيظ وتجيب المراره تاني فتفوته تقولي مش قادره شبعت فاهمه طيب وعلي ايه ده كله مابناقص خالص سدوا نفسي موضوعاتك تصحي المواجع و تجوع وتفتح النفس و ردود سحري الحلو اللي بعد الاكل
- اسراءمشرف
- اوسمه :
عدد الرسائل : 868
تاريخ الميلاد : 10/02/1989
العمر : 35
العمل/الترفيه : طالبه جامعيه
المزاج : روعه
تقييم : 73
تاريخ التسجيل : 29/11/2008
رد: شندوتشات الكبدة .. !!!
الخميس يونيو 11, 2009 8:51 pm
ايه ياساره انتي لسه فاكره ولسه بتاكلي ساندويتشات بس مش قلتي لنا فيهم ايه
صلاحيات هذا المنتدى:
لاتستطيع الرد على المواضيع في هذا المنتدى