يوم من عمر اعضاء المنتدى

فكرة جميلة اوى يا منى
انا هرشح
نور

شكرا يا سمسمة على الرد
وانا فى انتظار بقية الاعضاء
هنشوف هيرشحوا مين؟
ومين اللى هيحكى لنا
يوم فى حياته؟
[/center]

شكرا على الرد يا حريف
على العموم سهورة رجعه قريب جدا
وعلى العموم عبال ما تيجى نختار نور

الفكرة جميلة اوى وانا بختار
نور
شكرا على الموضوع يا منى

شكرا لكل الاعشاء اللى ردوا على الموضوع
بقايا قلب
القلب الحائر
الحريف
smsma
استعدى يا نور
حتكى يوم من عمرك

انا هسألك سؤال جميل

انا غايزة اعرف ايه حلمك اللى نفسك تحققية؟

ممكن على فكرة مترديش على اى سؤال ميعجبكيش برحتك يا عنى

واحكى عن يوم فى عمرك

وشكرا ليكى

نور




سجّل في : 22 فبراير 2009
عدد المساهمات : 13


مُساهمةموضوع: زحمة يا دنيا اليوم في 8:28 am
اذيكم انا نور عادل جديدة هنا في المنتدى واتمني منكم انكم تقبلوني صديقة ليكم ويكون ليا كل الشرف اني اتعرف عليكم كلكم

طلب مني اني اكون ضيفة عليكم هنا في يوم من حياتي وكم اسعدني هذا الطلب ويارب اكون ضيفة خفيفة عليكم

وقبل ما اقولكم يوم في حياتي لازم ابدى اعجابي بالفكرة

يلا بقي كل واحد يمسك ايد التاني علشان الدنيا زحمة جوة اوى ومش عاوزة حد منكم يتوة مني جوة هيضيع ومش هعرف الاقية

صلو علي النبي انا كل يوم في حياتي بيختلف عن اليوم الا قبلة وعن اليوم الا بعدة حياتي زحمة اوى وساعات بحس انها فاضية اوى

مليان ناس من اول بيتنا لحد كل واحد او واحدة بقابلهم في حياتي مشكلتي يا ناس واقر واعترف بيني وبينكم انها مشكلة تعباني اني مش بحب اسيب حاجة تعدى كدة

كل مكان ادخلة لازم يكون ليا فية احس اني موجودة مش بحب السلبية واحب اسمع اوى للناس وبيني وبينكم ساعات ودني بتوجعني كل يوم اصحي من النوم ومن اول ما اصحي

تبدا الحوارت في البيت وكلام من الا انتو طبعا عارفينو من الكلام علي المذاكرة والكلية وحالي الا مش عاجب الست الوالدة والا هاتشكيني لبويا ومن شغل البيت الا انا مقصرة فية ومش بساعدها

مع اني والله بساعدة بس هي كدة شكلها بترسم علي مساعدة اكبر وبعدين انزل وندخل في حوارات تانية من موصلات ومعاكسات وطبعا دية حاجات كلكم مجربنها زى بالظبط وربنا ينفخ في صورتي

واوصل للكلية وندخل في حوارات جديدة محاضرات وكلام بنات وولاد بترسم وتعيش الدور ومش عارفة مين سيب مين ومين بتحب مين وتطلع في دماغنا جنونة ونقول لبعض يلا ننزل وسط البلد

ناكل برة ونخرج شوية وهنا بقي حوارات تانية خالص طول مانا ماشية اشوف واتفرج علي الدنيا واحوالها وارجع البيت همدانة ومصدعة الاقي البيت مليان عيال مين دول يا ستي انا عارفهم بس بستعبط

عيال اختي علي عيال الجيران بيلعبو ربنا يخلي ودول حوارتهم مش بتخلص خالتو هاتي فلوس نشترى حاجة حلوة ومش عيال اختي بس لا انا ديمقراطية عيال البيت كلة علشان كدة بفكر اني اشوف شغل

علشان اكفي المصاريف الا ورايا دية واقرر اكون ست بيت وادخل المطبخ ومقدرش اقولكم علي حوارات المطبخ ويجي معياد اهم حوار في اليوم كلة حوار اوضتي ادخلها علشان اكون بقي مع نفسي

بس مش بلحق لسة يادوب هستريح الاقي الموبيل بيرن خير يارب الاقي صاحبتي انتي يا بيت انا مش لسة سيباكي اية الا حصل تمسك ودني ومش تسيبها الا لما اقولها خلاص ارحميني واخر ما ازهق


ا اقفل الموبيل ونام وطبعا معرفش انام اقوم افضل قاعدة كدة لحد ما يطلع الصبح وادخل انام كام ساعة علشان اقوم وادخل في يوم جديد ربنا يستر

الحريف اهلا بيك وعجبني سوالك

اكتر وقت حسيت اني في ضعيفة هو الوقت الا مقدرش اتكلم فية مع نفسي واتكسف منها والحمد لله دة مش بيحصل كتير لاني اكتر حاجة بكرها الضعف

ربنا يكفينا شرة



مني بجد عجبتني فكرتك اوى ويارب تكوني انتي الا تحكي المرة الجاية ومرسي ليك وعلي كلامك الحلو الا اكيد طالع من فلب احلي

الحلم بقي يا حببتي الا نفسي احققة مش هاعرف اقولك علية لان يمكن من كتر احلامي حسيت انها بضيع بس كل يوم باحلام جديدة واماني تانية علشان كدة الاحلام عمرها ما هتخلص



القلب الحائر اولا اسمحيلي ابدى اعجابي باسمك القلب الحائر وربنا يكفيك شر الحيرة


اصعب موقف في حياتي؟؟؟؟؟؟؟؟؟؟؟؟؟؟؟؟؟؟ مش عارفة بس يمكن اصعب موقف بتعرض لية لما اشوف حاجة بتوجع قلبي ويمكن انا سريعة التاثر اوى ممكن اتاثر بسرعة

وطبعا في ايامنا دية بنشوف حاجات كتير اوى توجع القلب




متشكرة ليكم كلكم وعلي زوقكم واسيلتكم الجميلة ويارب اكون ضيفة خفيفة عليكم

منى بجد موضوع جميل جدا وجديد وبيقرب الاعضاء من بعض اكتر فلكى كل الشكر على هذا الابداع .انا عرف ان انا متعرفتش على كتير من
الاعضاء لكن هشارك معكم وعيذ اسال نور سوال بس افبل ما اسال لزم اشكر نور على رده الجميل
سوالى لنور هو امتى شعرتى انك ملكتى الدنيا كلها وان ما فيش حد على الارض اسعد منك


تقبلو مرورى بود

شكرا ليكى يا منى على الموضوع الجميل دة
بجد فكرة جميلة اوى ودمها خفيف


انا هرشح
................................
الحريف

موضوع جميل اوى يا منى وفكرة حلوة وممتعة
وانا سعيد اوى بوجودى معاكم


وانا كمان هرشح
الحريف
هى جات عليا



تقبلوا مرورى

موضوعك جميل اوى اوى يا منى
وعدد المشاركات دليل على دة
وانا كمان هختار الحريف
بس خلى بالك يا منى الدور عليكى

شكرا يا منى يا مجمع الاحباب كلهم على موضوعك الجميل

انا هااختار الحريف
وبعد كد الدور عليكى يامنى