يوم من عمر اعضاء المنتدى

يومك جميل جدا يا ادهم
وشكرا ليكى يا منى على الموضوع الجميل دة
وانا هختار
محمد السحرى

X<x>X~.*.~ < الـــــ؛ـــــحـــــ؛ـــــريـــــ؛ـــــف > ~.*.~X<x>X

اشكركم على ردودكم الحلوة
واحب اختار محمد السحرى

بسم الله الرحمن الرحيم
الشكر موصول ليكى يا منى على موضوعك وشكرا لسمسمه ومحمد وادهم على اختيارى لكى اقدم لكم نفسى
انا اسمى محمد الميلاد 18 -10 -1981 ام باقى البيانات الدوله مصر المحافظة الجيزة
ام باقى البيانات فاسف لانى تعرت لموقف سخيف فى احد المنتديات ومن يومها اقسمت انى مكتبش غير كده
انا من اسرة مكونه من 6 اخوات ترتيبى رقم 4 وحنا 3 اولاد و3بنات امى توفاه الله منذ سنوات بسيطه فى عام 2004
ولدى متزوج المهم احب اعرفكم بنفسى قبل مااكتب يومى انا حصل على ليسانس اداب قسم فلسفة بس مش بشتغل بيه وهتعرف ليه اصبرو شويه
انا بشتغل بالتجاره لى مشروعى الخاص يعنى الحمد لله مديا مستوره جدا ولله الحمد 0
لاكن انا اشعر انى فى زمن مش زمنى انا اشعر انى انتمى لجيل ال60 وما قبله لانى تربيت على قيم مختلفه عن القيم والاخلاق التى تسود اليوم
بس مش معن كده انى منعزل عن جيلى بلعكس انا اعيش كل امال ومشاكل جيلى
يمكن مش نفس المشاكل لان اغلب مشاكل جيلى مديا يعنى الشقه والوظيفة والحجات دى انا ما عنديش مشكله فى الحجات دى والحمد لله
لاكن غربتى عن زمنى نفسيه انا اتربيت على عبقرية العقاد وتعالى يوسف ادريس .وحلم احسان عبد القدوس و فلسفة الحكيم
اعشق ام كلسوم وصوت فيروز يصلحنى مع نفسى معلش طولت فى الحته ديت شويه بحس ان هو ده الجيل الى صنع مصر بجد
المهم نيجى لليوم انا مش هكلمكم عن اليوم العادى لان ده يوم شغل زى كل يوم انا هتكلم عن يوم الاجازة يوم الجمعة لان هو ده اليوم المختلف
يومى بيبدا من الساعة 11 الصبح عكس كل يوم بيبتدى من الساعة 9
بعد صلاة الجمعة بنتلم كلنا فى شقة امى عليه رحمة الله بنتعدا كلنا سوا كل الاسرة حتى زوجة ابى وبعد كده بروح انا واخوتى 2 نزور
جدتى لاامى ربنا يطول فى عمره يارب وبعد كده نزور العمات والخالات يعنى ممكن تسموه يوم صلة الرحم
بعد المغرب بروح شغلى اظبط بعض الامور لحد صلاة العشاء وبعد كده بخرج انا 4 اصدقاء مقربين منى جدا ننزل وسط البلد
او الحسين او السيدة نفيسه بنتعش ونتفرج على خلق الله او نقعد على النيل بس لحد الساعة 12 لان فيه 2 متجوزين وانتو عرفين
لو اتاخرو هتبق مصيبه ودى نعمة العزوبية وبعد كده ارجع ادخل على النت شوية سوا فى المنتدى او على الاميل
ونام سعتين او تلاته علشان اصح اصلى الفجر وانا والحمد لله بدوم على صلاة الفجر0 ارحو ان يكون اليوم عجبكم انا عرف انى مش
هعرف اكتب زى ادهم اومحمد اونور المهم لو فيه حد اضيق من يومى انا اسف ليه
اقبل ماختم يومى واستنا اسالاتكم فيه سوالاين هجوب عليهم اقبل محد يسال
ليه لم اتزوج حتى الان مع ان كل الامكانات موجودة
كان فيه مشروع جواز لاكن لم يكتمل لاظروف انا مش هقدر اقول عنها اى حاجة بس منه للله يلا الله يسمحة ويسمحنا كلنا
السوال التانى اجمل ابام حياتك واسواءة
هى فترة الدراسة يعنى ثانوى والجامعة هى دى اجمل ايام عمرى حتى الان ام امر ايامى هى الكام سنة الاخبرة لانى فقت هيهم
الام والاستاذ والقدوة ابن عمى وزوج اختى و ثم بعد كده فقت الصديق ورفيق اجمل مرحل العمر وكل ده حصل بنفس الترتيب
وفى خلال الفترة البسيطه ديت معلش اليوم طول شويه وبق دم تقيل
مستنى ردودكم واسئلاتكم واقسم انى هجوب عليه بكل صدق
واخيرا عليكم سلام الله ورحمتة وبركاتة

يومك جميل اوى يا محمد
وكلامك ووصفك جميل جدا
يكفى ان كلامك ممزوج بالاحساس والرقة والعذوبة
وكفاية اخلاقك وحلمك وانك من زمن الحب الجميل
انا مش هسالك
لانة من كلامك انا عرفت شخصيتك
وانا ميمنيش اسمك وسنك وعنوانك ولا انت مين وابن مين
كل اللى يهمنى انا حسيتة من كلامك
انت انسان جميل
اتمنالك السعادة والابتسامة

بسم الله الرحمن الرحيم
منى ادهم محمد انا مش عرف اكتب ايه ارد بيه على هذه الكلمات الجميلة وانا حقيقى سعيد انى اتعرفت عليكم ولزم اشكر سهر لان هى الى كانت السبب فى انى اتعرفت بيكم وان انشاء الله
ترجع لينا بالسلامة وانا ماكنتش بصدقة اوى لم كانت بتتكلم عنكم لكن الوقت عرفت ان الى هى كانت بتقوله عنكم مش يوفيكم حققم بجد وده اعتراف لابد منه ليكم ولكل اعضاء المنتدى
ام اجباتى عن اسلاتكم فهبدا بيكى يا منى
احلامى بسيطه جدا زى اى حد عيذ يعيش مستقر وحياة هادئه لكن انا اتعوت احلم بالى اقدر احققه علشان محلمش بشيئ مقدرش احققه
ام لحظات القلق كانت يوم ما دخلت مع امى غرفة الكنتروال علشان نعمل اشعة مقطعيه على المخ وكان الدكتور صديق فسمح لى ادخل معه وقالى ادعى ربنا ان يكون النزيف فى غرفة
وحده بس لكن تبين ان النزيف فى اكتر من غرفة فى المخ وهو قالى ان الحاجه اصبحت بين يدى الله ومكنتش عرف ازى اقول لاخواتى او للوالد على الوضع بظبط لان هما كانو جم بعد ما
د ما دخلت غرفة الرعاية وفضلت حوالى عشر ساعات انا لوحدى الى عرف بس مش قادر اقول اى حاجه بس الى هون على انى كنت معها لحظة الاحتضار ولقنتها الشهادة ربنا يرحم
موتنا وموتا المسلمين اجمعين الهم امين
ا اما اكتر موقف مضحك
فا زى ما بيقولو ان شر البالية ما يضحك هو حصل فى احد المساجدفى يوم اتاخرت حوالى ساعة عن صلاة الظهر لظروف المهم دخلت المسجد لقيت حوالى عشر افراد او ثمانى مش فكر
شفتهم سجدين من غير ما يكون فيه امام ليهم فقالت انتو بتعملو ايه ده مفيش امام خرجومن الصلاة وقالو ده احنا دخلنا لقين فلان بيصلى فدخلن معه وانا كنت شفت فلان ده خارج من
المسجد وانا داخل وبعد كده عرفت ان فلان ده كانت دى اول مره يدخل فيها الجامع وبص لاق كل دول بيصلو وراءه وهو مش عرف يعمل ايه رح سبهم سجدين وخرج من المسجد
كل ما اتذكر هذا المشهد اموت على روحى من الضحك يا ريت يكون ضحكك انتى كمان بس زى ما قولت ان شر البالية ما يضحك
اما محمد فلزم اعترف انك زكى جدا علشان رجعتلى السوال تانى ايو يا محمد فيه موقف اختارت فيه بين الصداقه او الحب واختارت الصداقه وبعد كده تبين انى كنت صح جدا وان الصداقه
قد لا نسطتيع ان نعوضها اما الحب فهو قدر يمكن ان نلاقيه عندما يحين وقته وقد لا يكون حب ما يمكن ان نختار بينهو وبين الصديق قد يكون اى شيئ
اما اكتر حاجه بحبهافى حياتى هو لحظة الشروق والغروب للشمس خصوصا فى البحر وهى طلعه او نزله فى البحر منظر لا ينسأ ليه جمال خاص واحيانن رهبه
اما العيب الى نفس اتخلص منه هو العصبية الشديدة لو فيه حاجه مش عجبنى وساعات حسن النيه فى مواقف لزم يكون فيها ولو توقع الاسواء من الى امامك
يارب تكون اجباتى عن اسئلاتكم كما حرصت ان يكون فيها الصدق قد حازت على رضاكم
اخيرا انا مش عرف بجد اعبر عن شكرى ليكم كلكم ولو فيه اى اسال تانى انا مستعد اجاواب عليها ولو مفيش يبق يارب اكون وفقت فى رسم صورة بسيطه عن شخصيتى
واعتقد ان ده كان قصدك يا منى من الموضوع ان احنا نعرف بعض عن قرب مش نعرف مين بيروح فين او بيعمل ايه لو صح يا منى قولى صح او خطا
واخبرا عليكم سلام الله ورحمته وبركاته

دئما الشكر ليكى يامنى وانا برشح عصفورة الجنة وعندى اقتراح ان يبق اختيار الاعضاء بالتناوب يعنى مره عضو ومره عضوة
علشان الكل يبق متساوى ومحدش يزعل اه رايك يا منى

ممكن ارشح انا
1-mona
2-القلب الحائر
3-الحب فى الله

وانا اول واحدة هختار mona

انا اسف لعصفورة الجنة وانا برشح منى ومتضمن مع سمسمة وبعدين يا منى لزم تلتزمى بترشيح الاعضاء
وتشربى من نفس الكاس الى انتى شربتهلنا خليكى بنت بتسمع الكلام واستعدى للاساله الجمدا قوى مستنى موفقتك
يلا يا منى ومش هنقبل اى اعزار

انا عارفة يا حريف انى غلطت فى الموضوع دة بس انا كنت عارفة ان الاعضاء كلهم هيختاروا منى
يالا بقى يا ابلة منى حضرى نفسك علشان تحكى يومك
وعايزة من كل اعضاء المنتدى يحضروا اسئلة جامدة جدا لمنى وطبعا مش عايزين توصية
منتظرين يومك يا منى مش هتعرفى تهربى

السلام قبل الكلام
والله يعز عليا انى احطك فى الموقف دة
او ادبسك
بس بصراحة نفسى تدبسى
وعاوزك تشربى ن نفس الكاس اللى شربنا منة
ودة اقتراحى من قبل الكل
بس اهو ليك يوم يا مدبسنا
بس والنبى ادخلى برجلك اليمين
وشوية ملح والنبى عشان العين
خشى يا اختى خشى جنب اخواتك
ربنا معاكى يا منى
الجماعة ناويلك

اذيكم يا جماعة الاول يارب تكونوا بخير وفي سعادة يارب

طبعا يا مني يا حببتي انا كان نفسي اساعدك واقف جبك

بس معلش لازم انساق مع الجماعة وارضي وعلشان كدة انا مواقفة



مع ان دة بردو رايي بختارك يا قمر علشان تمتعينا بيوم في حياتك


وشكلك كدة هما ناوينلك خلي بالك من نفسك ومش تيجي لوحدك