قانون تحديد مقاعد للمرأة .. نكسة جديدة
الثلاثاء يونيو 16, 2009 12:35 pm
على عكس الكثيرين ... إستقبلت بكثير من الضيق الأخبار المتواردة عن مشروع قانون وافق عليه مجلس الوزراء وتم رفعه إلى الرئيس حسني مبارك بتعديل بعض أحكام القانون لتخصيص مقاعد إضافية للمرأة في الانتخابات البرلمانية القادمة ، يُقال أنها تصل إلى 64 مقعداً بعد زيادة عدد الدوائر الإنتخابية 32 دائرة ، ويكون الترشيح فيها مقصوراً على النساء لإختيار سيدتين من كل دائرة
لا أرى أن مثل هذا القانون يعتبر دستورياً ، لأن الدساتير الحرة لا تميز بين أفرادها من حيث الجنس أو العقيدة أو اللون ، المفترض أن الناخب حر في إختيار من يمثله فلا يُفرض عليه أن ينتخب عامل أو فلاح أو إمراة ، المفترض أن الجميع سواسية ، وفي النهاية ينجح من يستحق ويجده الشعب ممثلا حقيقياً له
هذا القانون كارثة ولن يحقق للمرأة ماتتمناه وسوف يصبح مثل قانون نسبة الخمسين في المائة عمال وفلاحين والذي أفرزت نتائجه عن عاهات وأخرجت ممثلين حقيقين من تمثيل الشعب تمثيلا حقيقياً ، وهنا أنا لا أهاجم العمال والفلاحين بل أن لهم الحق فيمن يمثلهم في مجلس الشعب ، ولكن يجب أن يكون ذلك نابع من إرادتهم هم ، وهم ليسوا أقلية ليحتاجوا لقانون يحدد لهم نسبة بهذا الحجم لتمثلهم ، فالناخبين من العمال والفلاحين كُثر ولهم ثقل كبير وتكتلات قوية كفيلة حتى بزيادة نسبة ترشيحهم عن هذا العدد لو أرادوا دون قانون ، هذا قانون يقلل من حرية الفرد وينتقص من الديمقراطية ، فالطبيعي أن الملعب مفتوح للجميع دون قوانين تحدد نسب أو حد أدنى لعناصر بعينها
والمرأة تمثل تقريباً نصف عدد السكان ولها الحق فيمن تختاره ، ومادامت المرأة بتلك النسبة لم تستطع أن تفرض أعداداً مناسبة لتمثلها في المجلس النيابي ، فهذا يعني أنها ليست على قدر من المسئولية والوعي السياسي تكفل لها أن تمثل ناخبيها تمثيلاً حقيقياً ، لذلك سوف تبرز إنتخابات مجلس الشعب بعد التعديلات عن نساء لن يختلف أدائهن كثيراً عن بعض النواب الموتى في المجلس نتيجة كارثة نسبة الخمسين في المائة ، ولن يكون هناك تمثيل سياسي حقيقي للشعب رجالاً ونساءاً مادامت الرؤية في النهاية هي قيمة عددية
قلت أن هذا القانون غير دستوري ولكن ذلك من ناحية روح القانون ، أعلم أن التعديلات الدستورية المشئومة والمرفوضة جماهيرياً في عام 2007 قد عدلت المادة 62 الخاصة بإنتخاب نواب الشعب ليصبح هذا القانون دستورياً حيث كانت تنص قبل التعديل على أن
للمواطن حق الإنتخاب والترشيح وإبداء الرأي في الإستفتاء وفقاً لأحكام القانون ومساهمته في الحياة العامة واجب وطني
وتم تعديلها لتصبح
للمواطن حق الانتخاب وإبداء الرأي في الاستفتاء وفقا لأحكام القانون ، ومساهمته في الحياة العامة واجب وطني ، وينظم القانون حق الترشيح لمجلسي الشعب والشوري ، وفقا لأي نظام انتخابي يحدده . ويجوز أن يأخذ القانون بنظام يجمع بين النظام الفردي ونظام القوائم الحزبية بأية نسبة بينهما يحددها، كما يجوز أن يتضمن حداً أدني لمشاركة المرأة في المجلسين
وهذه المادة وإن أعطت القانون المزمع إصداره قانونية دستورية من الناحية الشكلية ، إلا أنها لاتتفق مع روح الدستور في المادة الخامسة التي لا تجيز مباشرة أي نشاط سياسي بناء على التفرقة بسبب الجنس أو الأصل
وبصراحة أنا أعتبر أن هذا القانون ليس فيه قوة لشأن المرأة ولكنه يعتبر نكسة ووكسة للمرأة وخطوة للوراء ، فالمرأة التي لاتستطيع أن تحصل على حقوقها السياسية بطريقة حرة ومتساوية مع الرجال ، في نظام دستوري لايحد ولايحجم من نشاطها وتحتاج لقانون يساندها ، لا شك أنها لا تستحق مقعدها بل وتحتاج لكثير من الممارسة السياسية حتى تستطيع أن تحصل بجدارتها وبإرادة ناخبيها رجال ونساء على مقعدها وليس من خلال قانون عنصري ، ولايصح أن يصبح مجلس الشعب كمترو الأنفاق يتم فيه تخصيص عربات للسيدات فقط مثل تخصيص دوائر تترشح فيها النساء فقط ، ولن تمر سنوات كثيرة حتى يثبت لكم التاريخ والواقع صحة إعتقادي ، أقول قولي هذا ...
- سارهسوبر
- اوسمه :
عدد الرسائل : 1109
تاريخ الميلاد : 26/10/1987
العمر : 36
العمل/الترفيه : طالبه
المزاج : 100
تقييم : 102
تاريخ التسجيل : 24/10/2008
رد: قانون تحديد مقاعد للمرأة .. نكسة جديدة
الثلاثاء يونيو 16, 2009 2:43 pm
باحترم وجهة نظرك وبأيد كتير من الكلام اللي قلته بتقول انها محتاجه قانون يساندها وكتير من السياسه عارف هي محتاجه حبه ثقه وحب من الزوج والاخ والابن ادوهاالفرصه في ايران خرجت المرأه وفي السعوديه وظهرت وقاومت وفي مصر نجحت موضوعك عاوز اكتر من مره يقرأ ويترد عليه
رد: قانون تحديد مقاعد للمرأة .. نكسة جديدة
الثلاثاء يونيو 16, 2009 3:26 pm
تسلمى يا سارة على كلامك الحلو دة
وعشان كدة هارشحك تكونى اول ممثلة فى البرلمان
بس وحياة ابوكى بلاش تمثلى علينا
بس انا خايف لاحمد عز يضحك عليكى انتى كمان ويعرض عليكى الجواز
وتعتزلى البرطمان قصدى البرلمان
وهتافى ليكى يطلع على فاشوش
وعشان كدة هارشحك تكونى اول ممثلة فى البرلمان
بس وحياة ابوكى بلاش تمثلى علينا
بس انا خايف لاحمد عز يضحك عليكى انتى كمان ويعرض عليكى الجواز
وتعتزلى البرطمان قصدى البرلمان
وهتافى ليكى يطلع على فاشوش
- سارهسوبر
- اوسمه :
عدد الرسائل : 1109
تاريخ الميلاد : 26/10/1987
العمر : 36
العمل/الترفيه : طالبه
المزاج : 100
تقييم : 102
تاريخ التسجيل : 24/10/2008
رد: قانون تحديد مقاعد للمرأة .. نكسة جديدة
الثلاثاء يونيو 16, 2009 4:36 pm
بس خليك عند وعدك ولما اترشح عضوه للبرلمان تهتف بنفس راضيه وتديني صوتك وانت واثق اني اقدر اعمل حاجه و اكون قد المسؤليه ميرسي يا ادهم اسعدتنا بافكارك وموضوعات المميزه والغنيه بالحوار
- فرحمشرف عام
- اوسمه :
عدد الرسائل : 1042
تاريخ الميلاد : 12/12/1989
العمر : 34
العمل/الترفيه : طالبه
المزاج : جميييييييييييييييييييييييييييييييييل
تقييم : 62
تاريخ التسجيل : 11/11/2008
رد: قانون تحديد مقاعد للمرأة .. نكسة جديدة
الأربعاء يونيو 17, 2009 1:30 am
بالعكس التاريخ هيثبت العكس هيثبت تفوقها علي سي السيد في كل المجالات بجهودها رغم الظلم ومسؤليه البيت والاولاد والزوج الغريب موقفك ورايك ياسي ادهم
رد: قانون تحديد مقاعد للمرأة .. نكسة جديدة
الأربعاء يونيو 17, 2009 8:51 am
شكرا يا فرح على المرور
وشكرا على الرد
بس للاسف محدش فهم وجهة نظرى
انا مش معترض على مشاركة السيدات
بالعكس
انا معترض على الطريقة
انا بحب الديموقراطية
المفروض المرأة تترشح عادى وطبيعى ويتم انتخابها
انما انه فى بعض الدوائر الانتخابية يتم ترشيح المرأة فقط
ولازم نختار منهن دة اللى انا معترض علية
لان دة غير دستورى
ووجهة نظرى ان موضوع العمال والفلاحين غير دستورى
ومش معنى كدة ان انا مش عاوز لا عمال ولا فلاحين
بالعكس لانى لو قولت كدة ابقى مجنون
لان اغلب الشعب المصرى عمال وفلاحين
وانا منهم
انا ضد التخصيص
المفروض اى حد يترشح زى ما هو عاوز وفى اى مكان
وعلى الشارع يختار اللى يتوافق مع افكارهم
وبلاش تدخلى الموضوع فى تحدى يا فرح
لانى باحترم الست اوى
وباحترم شخصيتها ودماغها وانوثتها
احنا كلنا فى نفس المركب
وشكرا على الرد
بس للاسف محدش فهم وجهة نظرى
انا مش معترض على مشاركة السيدات
بالعكس
انا معترض على الطريقة
انا بحب الديموقراطية
المفروض المرأة تترشح عادى وطبيعى ويتم انتخابها
انما انه فى بعض الدوائر الانتخابية يتم ترشيح المرأة فقط
ولازم نختار منهن دة اللى انا معترض علية
لان دة غير دستورى
ووجهة نظرى ان موضوع العمال والفلاحين غير دستورى
ومش معنى كدة ان انا مش عاوز لا عمال ولا فلاحين
بالعكس لانى لو قولت كدة ابقى مجنون
لان اغلب الشعب المصرى عمال وفلاحين
وانا منهم
انا ضد التخصيص
المفروض اى حد يترشح زى ما هو عاوز وفى اى مكان
وعلى الشارع يختار اللى يتوافق مع افكارهم
وبلاش تدخلى الموضوع فى تحدى يا فرح
لانى باحترم الست اوى
وباحترم شخصيتها ودماغها وانوثتها
احنا كلنا فى نفس المركب
- فرحمشرف عام
- اوسمه :
عدد الرسائل : 1042
تاريخ الميلاد : 12/12/1989
العمر : 34
العمل/الترفيه : طالبه
المزاج : جميييييييييييييييييييييييييييييييييل
تقييم : 62
تاريخ التسجيل : 11/11/2008
رد: قانون تحديد مقاعد للمرأة .. نكسة جديدة
الأربعاء يونيو 17, 2009 9:18 am
ادهم انا اخت من خمس بنات بابا علمنا نعتمد علي نفسنا ونعتز بكوننا بنات واحسن من الا ولاد وكنت اسمعه يقول لماما انهاهيكون عندهاخمس اولاد شباب لما بناتها تتجوز فيه قوانين جديده كل يوم لما يكون واحد لصالح اختك وزوجتك وبنتك ولو مش عاجبك لكل الا سباب اللي قلت عليها عديها الناس لبعضيها سعيده بيك وبالحوار اعز واغلي اخ اكتسبته في الدنيا
رد: قانون تحديد مقاعد للمرأة .. نكسة جديدة
الأربعاء يونيو 17, 2009 11:48 am
اتربيت علي ان البنت تقدر تعمل كل حاجه يعملها الولد واحسن كمان في ثانوي اتعلمت قيادة سيارتي قلت لبابامره اني اتمني اكون كوندليزاريس وامسك وزيره خارجيه ضحك وقال عندنا اللي شكلهااخرها تمسك التيارالعالي وفي اوك محك واختيار كان مهم في حياتي حسيت ان رأيه رأي ادهم رأي كل رجل بس بحبه
رد: قانون تحديد مقاعد للمرأة .. نكسة جديدة
الأربعاء يونيو 17, 2009 1:56 pm
حرام عليكم يا بنات
انتم هتلبسونى تهمة
انا والله مقصدش ولا كلمة من اللى فهمتوها
بالعكس انا معاكم وتبعكم بلاش اسوة معايا
انا كل اللى اقصدة وعاوز اقولة
ان القوانين تكون صح عشان ما نرجعش فى حيص بيص على راى ستى
زى ما حصل فى موضوع اراضى طابا
وقضية الايطالى من اصل مصرى سياج
واخيرا المحكمة حكمتلة ب 750 مليون يورو
عشان العترسة والمشى بالدماغ
مش بالقوانين والدستور
مش عاوز الحكومة تعمل عنتر وفى الاخر تطلع عبلة ومتكونش حتى حلوة
لا وتطلع زى كوندليزا رايس بتاعة سهر
اللى اجمل ما كان فيها انها بتعلمنا الانحراف وبتمتع الشباب بالميكرو جيب
وشكلها ميتة قبل كدة ومعاها تصريح دفن
انا عاوز السيدات يملوا الحياة السياسية
واترشحوا وانا معاكم
ع الاقل خضرة ومية ووجة حسن
وانا بجد يا فرح يسعدنى ويشرفنى انك بتعتبرينى اخوكى
لان دة هو نفس احساسى معاكى
ومع كل اصدقائى فى المنتدى
بجد والله انا رسمت لكل صديق ولكل صديقة فى المنتدى بورترية
وصدقونى ليوناردو دافنشى ميقدرش يرسم لوحة حلوة لاى حد فيكم زى ما انا رسمتها
انتم عندى حاجة حلوة اوى
اتمنى اتصال الود
زى ما اتمنى التوفيق ليكم
انتم هتلبسونى تهمة
انا والله مقصدش ولا كلمة من اللى فهمتوها
بالعكس انا معاكم وتبعكم بلاش اسوة معايا
انا كل اللى اقصدة وعاوز اقولة
ان القوانين تكون صح عشان ما نرجعش فى حيص بيص على راى ستى
زى ما حصل فى موضوع اراضى طابا
وقضية الايطالى من اصل مصرى سياج
واخيرا المحكمة حكمتلة ب 750 مليون يورو
عشان العترسة والمشى بالدماغ
مش بالقوانين والدستور
مش عاوز الحكومة تعمل عنتر وفى الاخر تطلع عبلة ومتكونش حتى حلوة
لا وتطلع زى كوندليزا رايس بتاعة سهر
اللى اجمل ما كان فيها انها بتعلمنا الانحراف وبتمتع الشباب بالميكرو جيب
وشكلها ميتة قبل كدة ومعاها تصريح دفن
انا عاوز السيدات يملوا الحياة السياسية
واترشحوا وانا معاكم
ع الاقل خضرة ومية ووجة حسن
وانا بجد يا فرح يسعدنى ويشرفنى انك بتعتبرينى اخوكى
لان دة هو نفس احساسى معاكى
ومع كل اصدقائى فى المنتدى
بجد والله انا رسمت لكل صديق ولكل صديقة فى المنتدى بورترية
وصدقونى ليوناردو دافنشى ميقدرش يرسم لوحة حلوة لاى حد فيكم زى ما انا رسمتها
انتم عندى حاجة حلوة اوى
اتمنى اتصال الود
زى ما اتمنى التوفيق ليكم
- هانيامشرف
عدد الرسائل : 602
تاريخ الميلاد : 11/11/1987
العمر : 36
العمل/الترفيه : طالبه
المزاج : حلوووووووووووووووووو
تقييم : 59
تاريخ التسجيل : 29/11/2008
رد: قانون تحديد مقاعد للمرأة .. نكسة جديدة
الخميس يونيو 18, 2009 12:59 am
ايه ياجماعه مجلس شعب ايه داحنا محتارين في مادتين من السنه اللي فاتت انا شخصيا هاتعلم صنفين طبيخ وناويه استني ابن الحلال و لاعاوزه جاه ولاو كتر مال واتجوز واقعد في البيت اشوف المسلسلات اللي اتحرمت منها بسبب المذاكره ووجع القلب علي فكره ياادهم البت ساره مش تنفع تترشح ولاهي ولاسهر مولودين بره خساره دول بقي لو دخلوا المجلس كنت تلاقي المجلس كامل العدد مفيش كرسي فاضي وكلهم صاحيين وكمان عاوزين يشاركوا امال ايه اصحابي وشبهي بس انا النسخه ابيض واسود
صلاحيات هذا المنتدى:
لاتستطيع الرد على المواضيع في هذا المنتدى