اطبخى لنا من ايديكى الحلوين

اذيكم كل عضوات منتدانا الجميل يارب تكون كل واحد منكم بالف خير ودائما جميلات متالقات كعهدى بكم



وعلشان ميكنش في تحيز لازم نسلم بردو علي الاعضاء لانهم لازم يشاركو في مطبخنا الجميل دة ويكون ليهم دور



كل سنة وعضوات واعضاء منتدانا بالف خير وعيد سعيد عليكم يارب




ميرسي يا حبيبتى يا سهر علي الفكرة الجميلة دية وبعدين مين قالك انى مش شاطرة في المطبخ دانا شطورة


تعالي انتى بس شوفينى وانا لابسة مريالة المطبخ و واقفة بعمل اكل لازم العمارة كلها تعرف انى نور جوه المطبخ


ويمكن العمارات المجاورة كمان احكيلك سر بس دة بينى وبينك كنت مرة بعمل اكل ووافقة مستنية البصل يتحمر


وبعدين كل شوية عينى علي البصل ومش عاوز يتحمر قعدت اغنى قولت اسلي نفسي المهم فين مش حسيت بحاجة الا


والجارة الا ادامنا وهى اختى العزيزة بتنادى عليا من شباك مطبخها وبتقولي يا نور اية الدخان دة بصيت قليت


البصل مش اتحرق دة اتفحم ومن ساعتها وانا بكرة البصل بقا بينى وبينة عقدة بس مش مهم المهم اصرارى علي الوقوف



في المطبخ واكون ست بيت شاطرة



وانتى يا منى يا حبيبتى ميرسي ليكى علي الدعوة الظريفة دية وانتى عاوزة كيك من عينى ليكى ولسهر ولكل عضوات


منتدانا الجميل نعمل كيك يلا لاحسن انا طولت اوى عليكم هقولكم علي طريقة كيك وهى الا بعرف اعملها





****** المقادير *******



... اربع بيضات .....

....2 كوب دقيق.....


.....1 كوب ونص سكر.....


.....فانليا.....

....بيكنج بودر....

2 معلقة كاكاو كبيرة .....

... 1 كوب لبن ..... نص معلقة ذبدة.....







***** الطريقة *******


نضع البيض مع الفانليا في اناء ونضربة بالمضرب حتى يصير هش وبعد ين نضع السكر ونستمر في


الضرب المتواصل حتى تصير مثل الكريمة ونضع معلقة الزبدة وكوب اللبن ونكون حاطين الدقيق بعد نخلة


في اناء وعلية البيكنج بودر وبعدين نخيب الخليط السابق دة ونضعة علي الدقيق ونضرب بمعلقة خشب براحة علشان مش


نطلع الهواء الا دخل جوة البيض والسكر اثناء الضرب ونحضر صينية وندهنها ذبدة ونبطنها بشوية دقيق ونصب الخليط


في الصنية ونسيب حبة من الخليط دة ونضع عليه معلقتان الكاكاو ونضربة كويسة ونصبة فوق الوش ونسخن الفرن


ونضع الصينية حتى تنضج








وبعدين لما تخرج نيسبها تبرد وبعدين نقطعها








وناكلها جب كوباية شاى باللبن وبالف هنا ويارب تعجبكم

صحيح نسيت اختار مين الا يطبخ بعد كدة



انا اختار الرقيقة ايمى علشان تطبخ اى حاجة تختارها واكيد هتكون جميلة




يلا يا ايمى اختارى واطبخى واثبتى اننا عضوات مفيش زينا ابدا في الدنيا



كل سنة وكلكم طيبين

كده برده يا نور انا هاطبخ دانا حبيبتك
‏
طيب
ربنا يستر
اختار ايه هأفكر وارجع تاني
طول النهار كان امتحان
بس مش اضيع الفرصه وراجعه تاني وهختار
ميرسي عالكيك والاختيار

انا عارف ان ماليش فى الموضوع ده ... بس كنت بقلب فى مواضيع المنتدى دلوقتى دخلت على الموضوع ده ...عجبنى قوى كلام سهر و بالذات

تعزيز الثقة في قدراتنا المطبخية


تفجير إبداعات الأعضاء المكبوتة


أكتشاف طباخات جدد للمستقبل

ههههههههه .... مبادئ الثوره الجديده ... الثوره على المطبخ ... مبادئ جميله من سهر ... بتحس بالحرب و انت بتقرا المبادئ دى ....ربنا يعينكوا ويقويكوا فى الثوره دى .... وتسلم ايديكم كلكوا خصوصا نور على الكيك و ايمى على الشاورمه