مشتاق لأيام زمان

فعلا مشتاق أرجع زى زمان أنسان عادى زى كل الناس

كونت عايش فى ارضنا فى وسط احبابى كونت صغير

كونت بحلم بيوم اكون كبير ياريت ما كونت حلمت

مشتاق ارجع زى زمان طالب فى المدرسة العب واجرى واضحك

مشتاق للارضنا كونت بزرع واحصد بس كونت راضى ياريت ترجع ايام زمان

نفس اشم هوا نظيف مش زى النهاردة كلة ملوث كونت عايش مش زمان مش شايل هم ولا غم

نفسى ارجع للايام الدبلوم كانت حلوة كان معظم اصحابى بيحبوا وكل واحد يجى يحكى ويقول وانا اسمع لة


كونت هادى ما ليش فى الحب ولا أى حاجة للانى مبدائى فى الحياة لا حب بدون امكانيات وأحنا كونا لسة


طلاب كونت بضحك وبقول هو اية معنى الحب دة ولما كبرت وجربت قسوة قولت ياريت ارجع زى زمان


على فكرة اول مرة حبيت ابعد عن البلد والاسراة كانت فترة الخدمة العسكرية وبعد كدة عشت فترة قصيرة بس كانت احلى فترات حياتى


كانت فى العريش فى شمال سيناء عشت شهر شغل مع فسحة مع هدوء كل دة كان فى العريش ياريت ترجع ايام زمان وبعدها عشت فترة فى بلدنا


كونت حاسس انى غريب مش عارف حد اصحابى وهم قلة خلاص كل واحد منهم فى اتجاة اللى اجوز واللى سافر والدنيا تلاهى كونت وحيد سنة واتنين قولت


اسافر زهقت من البلد والوحدة بدل ما اسافر برة سفرت الى القاهرة كونت اشتغل واصرف بس دة كل اللى عملتة فى الفترة دى وقولت ارجع بلدى تانى بلاش فشل


وفترة بسيطة وبداءت اتعرف على بعض الناس بس مش كتير بردة زهقت قولت لازم اسافر كان أبن عمتى فى لبيا ورجع مصر وانا زهقان من نفس قولت تجى نسافر


رد عليا وقال فين قولت له فى أى مكان برة مصر قال يلا نسافر السعودية قولت له نجرب جبت جوازى والفلوس ورحت قدمت ورقى لواحد عندنا فى البلد وقولت خلاص نويت اسافر


وفترة بسيطة جدا باءت اتعرف على نانس كتير واضحك معاهم واتكلم وفجاءة وقولت لازم اروح اجيب الورق والجواز والفلوس هاسافر لية ويوم ما كونت رايح اجيب الورق والجواز قابلنى أبن الرجل


اللى معاها الجواز وقال لية انتا مسافر بكرة التأشير جات كانت مفاجأة بصرحة سفرت وهنا حياتى كلة اتغيرت مش للاحسن للاسوء طبعا كونت لسة جديد فى الغربة واتبهدلت كتير بس لازم اتحمل ما انا اللى قولت لازم اسافر برة

وعدت الايام واتمنينت واشتقات للايام زمان علشان كدة مشتاق للايام زمان وفى الغربة اتتعلم اسلوب الحياة كل اساليب الحياة فى الغربة موجودة اسواء ما تلاقية فى الغربة هم المصريين او بالأخص اولاد بلدك


وشايل ياعم كتير من المقلاب والغدر وكل ما تشتهى الانفس ما انا كونت لسة جديد بس بصراحة الغربة اتعلمت منها كتير اول حاجة قيمة الأب والام والعائلة واحترام الاخرين وعدم الاستهزاء بأى حد أى كان


بس اكتر حاجة قيمة لى انا هى المراءة هى بالنسبة لى تعنى كيان كامل هى أم اخت زوجة مربية حبيبة حنان كل ماتعنية من كلمات لاأقدر ان أعطية حقها عرفتم لية اشتقات للأيام زمان ياريت ترجع ايام زمان



بس نصيحة لكل ما يهمة الامر يا احبابى صدقونى اجمل نعمة ربنا يعطهلك ألأم والأب أتمنى لحظة رضا منهم وربنا يجعل منا سند ليهم وربنا يجعلهم يرضوا عنا أمين


سلاااااااااااااااااااااااااااااااااااااااام الله يرحم أيام زمان

ماشاء الله عليك نموذج جميل ومشرف العمل عباده التعامل مع الناس ده حكايه كبيره واراده

اجمل ايام عمرنا ايام الطفوله والدراسه ................ايام بتحدد مستقبلنا
موضوع اكتر من جميل ربنا يوفقك فى حياتك ويحقق لك كل احلامك

بس نصيحة لكل ما يهمة الامر يا احبابى صدقونى اجمل نعمة ربنا يعطهلك ألأم والأب أتمنى لحظة رضا منهم وربنا يجعل منا سند ليهم وربنا يجعلهم يرضوا عنا أمين الله ياحمد موضوع جميل بجد اكيد كلنا بنحن لايام زمان ايام بذات ايام ثانوى والجلمعة مع انى فهمت موضوعك انه مش بس حنين
لايام زمان بقدر ماهو عتاب على الحاضر مش عاوز استخدم معن تانى ياحمد بجد موضوع جميل والنصيحة الاخيرة غالية اوى وسالنى انا بعد موت امى ازى الدنيا بقت معى وكل املى ان اشوف امى تانى علشان بس ابوس رجليها وصدقنى وجود الام والاب نعمة كبيرة اوى من ربنا ربنا يخليلك ابوك وامك ويجعلهم دائما راضين عليك احمد بجد ومن غير مجاملة والله انا قيت بنتظر موضيعك لانى بتعلم منها حاجات حلوة كتير دمت بكل خير

شكرا ليكم اولا والجمد لله انا مش بكتب من الخيال انا بحب أكتب الواقع ممكن يكون فيه استفادة لغيرى

وانا كمان احب استفاد منكم الحياة تعاون مش وحدة الواحد يعشها صدقونى ديما الواقع اقرب للقلوب ممكن

يكون عندى حاجة غلط فى حياتى ممكن تعليق واحد منكم استفاد منه سلااااااااااااااااااااااااام