حكاية ف حدوته ف حلم

22:45:59      04.11.2016
حكاية ف حدوته ف حلم
من اول مره اتكلمنا شئ غريب قربنا من بعض كلام عادى ف كلام عادى    .......... صحح لى معلومات كتير اتعلمت منه كتير..... بقى مهم انى احكى له واسمع منه وكل يوم باتعلم حاجه جديده صدفه كلام ..........
كنت فاكره انى مثقفه ومدمنه قراءه ...معاه حسيت انى نقطه فى بحر كلام كبير وسهل ومقنع قلب كبير روح جميله بقى الكلام له متعه له طعم
كان مهم انى اتكلم معاه اكتب له ويرد باهتمام.... اصبح اهم من ناس كتير باشوفهم كل يوم ف دراستى وفى شغلى حتى ف البيت بقيت عاوزه اتكلم معاه طول الوقت اصبح الكيبورد حياه
اختلفت المواعيد واتكلمناموبايل صوته كان هو نفس احساس الامان اللى حسيته منه من اول يوم صوت يدخل القلب ويسكن الاحساس

بيقولى رايه بهدوء ومع الوقت باكتشف انه صح انسان جميل فوق الوصف حنون اصبح الصديق الصدوق احكى معه كل شىء بصدق بلا رتوش بلا خوف وكانى احكى لنفسى فى ورقتى


معقول ف الدنياحدكده اكتر الصعوبات قابلتها من اقرب الناس لى
اهتمام واحتواء واحترام بلا مقابل
عمرى ما كنت اصدق ولو قرات كنت اتعجب هو  ايه الحب نشوف بعض ونقابل بعض ويمكن ارتباط ويمكن لا

الحب حكايه تانيه خالص لما تكتب بيكتب قلبك  معاك.....    بيدق مع نقره الكيبورد بيدق لما بيسمع رنه موبايل خصصتها له    لوسمعتها اغنيه فى مكان تدوب لما بتسمع اسمه او تشوف صقحاته كلماته
من غير كلمه بحبك كان كل الكلام بحبك
وكل ردودى بحبك باعشقك من غير مايقولها ولا اقولها بقى ادمان من غير ضغوط ولا واجبات ولا
الكلام بيبقى  حلو عن اى حد عن اى حاجه

بقى ادمان عشق لانسان عمرى ما شفته ولا قابلته وياما ياما شغلنى طيفه

بقي لينا قصه غير وذكرى غير و اغانىنا غير كل العاشقين
عايش حياته وعايشه حياتى

تلاشت المسافات والسنين

بنتقابل فى حكايه ف حدوته ف حلم
يتبع

هكذا انتى دئما سهر مبدعه  صادقه  رائعه فى كل شئ  من اجمل الكلمات التى قراتها فى حياتى  صدق حب شعر همس  اعذريتى  سهر مش لاقى كلمات تعبر عن جمال وروعه الحكايه  بس هو كلام يتحس  يتشاف بالقلب مش بالعين  انا متاكد ان ده مش هيبق راى لوحدى هيبق راى كل من سيقرأ كلماتك سيعجزه الرد  دمتى بكل خير  انتى وهذا المنتدى الذى لا يحتوى الا على الجمال  فى كل شئ

بسم الله ماشاء الله على اجمل صحبه فى اجمل صفحه فى اجمل منتدى اكيد مش ممكن يجتمع كل هذا الجمال الا فى صفحه سهر منورين كلكم اختيارت رائعه اسراء وكانها صنعت للموضوع ده
فرح وعندليب سعيد بوجودى معاكم

اهلا بيكى هانيا وبكل من فى المنتدى بس المره دى اللى جمعنا كلنا سهر اللى اكيد هيبق صعب اى حد يكتب بعد سهر وبعد كل الجمال الى فى صفحتها واكيد كلنا فى انتظار باقى الحكايه
بجد والله العظيم هانيا انا اللى محظوظ انى عرفتكم كلكم وانى ابق معاكم وبذات فى صفحه سهر

. الكتابة ما هي إلا أحلام كثيرة عجزنا عن تحقيقها فتولت الأوراق تحملها

كل سنه وانتى واحنا طيبين كده زى ما احنا والسنه اللى جايه احلى